Dobberan 3:32 - Yn Vible Casherick 1775 1819

³² Agh ga dy vel eh seaghney, foast nee eh chymmey ’ghoaill cordail rish earroo e vyghinyn.

Dobberan 3:32 ပူးပေါင်းရင်းမြစ်များ

2 Reeaghyn 13:23

As va’n Chiarn graysoil daue, as chymmoil orroo, er coontey e chonaant rish Abraham, Isaac, as Jacob, as cha jinnagh eh ad y stroie, chamoo ad y scarrey foast veih e enish.

Psalmyn 103:11

Son jeeagh cre cha ard as ta niau ayns co-soylaghey jeh’n thalloo: wheesh cheddin ta e vyghin dauesyn ta goaill aggle roish.

Psalmyn 30:5

Son cha vel e chorree farraghtyn agh meekey sooilley, as ayns y foayr echey ta bea: foddee trimshey farraghtyn son oie, agh ta boggey cheet ’sy voghrey.

Psalmyn 78:38

Agh v’eh cha myghinagh shen dy leih eh daue nyn voiljyn: as cha ren eh ad y stroie.

Exodus 2:23

As haink eh gy-kione lurg traa, dy dooar ree Egypt baase, as ren cloan Israel osnaghey dy trome kyndagh rish y vondiaght, as ren ad geam; as hie’n eam oc seose gys Jee, kyndagh rish y vondiaght.

Exodus 3:7

As dooyrt y Chiarn, Dy firrinagh ta mee er vakin seaghyn my phobble t’ayns Egypt, as ta mee er chlashtyn nyn eam, kyndagh rish nyn oaseiryn tranlaasagh; son shione dou nyn drimshey.

Isaiah 27:8

Ayns towse, tra t’ou dy chur magh eh, nee oo pleadeil rish: t’eh lhiettal e gheay rastagh rish traa yn gheay-niar.

Isaiah 54:7

Son earish yiare ta mee er dty hreigeil: agh lesh myghinyn mooarey nee’m oo y ghoaill stiagh.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Dobberan 3:22

She trooid myghinyn y Chiarn te, nagh vel shin stroit, as nagh vel e hymmey failleil.

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Nahum 1:12

Shoh myr ta’n Chiarn dy ghra, Ga dy bee ad ec fea, as myrgeddin ymmodee, ny-yeih shoh myr vees ad giarit sheese, tra hed eh ny hrooid oc: ga dy vel mee er dty heaghnaghey cha seaghnym oo ny-sodjey.

Noo Luke 15:20

As hrog eh er, as haink eh gys e ayr. Agh tra v’eh foast foddey veih, honnick e ayr eh, as va chymmey echey er, as roie eh, as ghow eh eh ayns e roihaghyn, as phaag eh eh.

Briwnyn 10:16

As hug ad ersooyl ny jeeghyn joarree veih nyn mast’, as hirveish ad yn Chiarn; as va e chree er ny veiyghaghey son seaghyn Israel.