Dobberan 3:3 - Yn Vible Casherick 1775 1819

³ Dy shickyr m’oï’s t’eh er ny hyndaa, t’eh chyndaa e laue m’oï fey-ny-laa:

Dobberan 3:3 ပူးပေါင်းရင်းမြစ်များ

Lioar Yob 16:12

Va mee ec m’aash, agh t’eh er my vrishey veih-my-cheilley: t’eh myrgeddin er my ghoaill er y wannal, as er my chraa ayns peeshyn, as er my hoiaghey seose son mark.

Lioar Yob 19:21

Gow-jee chymmey jee’m, gow-jee chymmey jee’m, O shiuish my chaarjyn; son ta laue Yee er ventyn rhym.

Lioar Yob 31:21

My ta mee er hroggal seose my laue noi’n chloan gyn ayr, tra honnick mee dy row ad feme cooney ’sy whaiyl;

Lioar Yob 6:4

Son ta sideyn yn Ooilley-niartal cheu-sthie jee’m, ta’n pyshoon oc soo seose my spyrryd: ta atchimyn Yee soiaghey ad-hene ayns order-caggee m’oï.

Psalmyn 38:2

Son ta dty hideyn soit dy shickyr aynym: as ta dty laue lhie orrym dy trome.

Isaiah 1:25

As chyndaa-ym my laue ort, as glen-ym ersooyl dy bollagh dty vergid, as goym ersooyl ooilley dty stainney:

Isaiah 5:25

Shen-y-fa ta corree yn Chiarn er ny oaddey noi e phobble, as t’eh er heeyney magh e laue nyn ’oï, as er woalley ad: myr shen dy row ny croink er-creau, as va ny kirp marroo oc er ny raipey ayns mean ny straïdyn. Son ooilley shoh cha vel e chorree er ny hyndaa ersooyl, agh ta e laue foast er ny heeyney magh.

Isaiah 63:10

Agh dirree ad magh n’oï, as vrasnee ad yn Spyrryd casherick echey: shen-y-fa v’eh er ny hyndaa dy ve nyn noid, as hass eh nyn ’oï.

Deuteronomy 29:20

Cha lhig y Chiarn lesh, agh nee corree’n Chiarn, as e eadolys eisht lossey noi’n dooinney shen, as nee ooilley ny mollaghtyn, ta scruit ’sy lioar shoh, lhie er, as nee’n Chiarn e ennym y gholley ass veih fo niau.