Dobberan 3:29 - Yn Vible Casherick 1775 1819

²⁹ T’eh cur e veeal ayns y joan, ayns treishteil dy chaghlaa.

Dobberan 3:29 ပူးပေါင်းရင်းမြစ်များ

2 Recortyssyn 33:12

As tra v’eh ayns seaghyn, ren eh aghin gys y Chiarn e Yee, as ren eh eh-hene y injillaghey dy mooar kiongoyrt rish Jee e ayraghyn.

Lioar Yob 16:15

Ta mee er whaaley aanrit-sack er my chrackan, as ta my ooashley er ny choodaghey ’sy joan.

Lioar Yob 40:4

Cur-my-ner, ta mee my chretoor treih; cre t’aym dy reggyrt? lhie-ym my laue er my veeal.

Jeremiah 31:17

As ta treishteil cour dty luight ’sy jerrey, ta’n Chiarn dy ghra, dy jig dty chloan reesht gys ny ardjyn oc hene.

Ezekiel 16:63

Dy vod oo cooinaghtyn as ve dty host, as gyn dy bragh dty veeal y osley arragh er coontey dty nearey, tra ta mee coardit rhyt, son ooilley ny t’ou er n’yannoo, ta’n Chiarn Jee dy ghra.

Joel 2:14

Quoi ec ta fys, nagh jyndaa eh reesht, as arrys y ghoaill, as bannaght y aagail ny yeï, dy jarroo, oural-arran, as oural-feeyney da’n Chiarn y Jee eu?

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Zephaniah 2:3

Shir-jee yn Chiarn, ooilley shiuish ta imlee er y thalloo, ta er chooilleeney e vriwnys, shir-jee lurg ynrickys, shir-jee lurg meenid-cree: hoiggal, dy bee shiu er nyn goadey ayns laa jymmoose y Chiarn.

Noo Luke 18:13

As hass y publican foddey veih, as cha by-lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.