Dobberan 3:26 - Yn Vible Casherick 1775 1819

²⁶ Te mie son dooinney chammah dy hreishteil, as dy meen farkiaght son saualtys y Chiarn.

Dobberan 3:26 ပူးပေါင်းရင်းမြစ်များ

Genesis 49:18

Ta mee er farkiaght son dty haualtys, O Hiarn.

2 Recortyssyn 20:17

Cha bee feme eu builley ’choyrt ’sy chaggey shoh; jean-jee farkiagh, shass-jee raad ta shiu, as cur-jee my-ner saualtys y Chiarn mêriu, O Yudah as Yerusalem, ny bee aggle ny atchim erriu: mairagh gow-jee magh nyn ’oï, son bee’n Chiarn mêriu.

Psalmyn 119:166

Hiarn, ta mee er yeeaghyn son dty haualtys slayntoil: as er n’yannoo lurg dt’annaghyn.

Psalmyn 119:174

Ghow mee foddeeaght son dty haualtys slayntoil, O Hiarn: as ayns dty leigh ta my haitnys.

Psalmyn 130:5

Ta mee jeeaghyn son y Chiarn, ta m’annym farkiaght er e hon: ayns e ghoo ta my hreishteil.

Psalmyn 37:34

Cha vaag y Chiarn eh ayns e laue: ny eh y gheyrey tra t’eh er ny vriwnys.

Psalmyn 37:7

Cum shickyr gys y Chiarn, as farkee dy surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrleyn.

Psalmyn 52:9

Er my hon’s, ta mee myr billey-olive glass ayns thie Yee: ta my hreishteil ayns myghin meiygh Yee son dy bragh as dy bragh.

Psalmyn 54:6

Oural dy chree arryltagh ver-ym dhyt, as dt’ennym y voylley, O Hiarn: son dy vel eh cha gerjoilagh.

Psalmyn 62:2

Eshyn dy feer my niart as my haualtys: eshyn my endeil, myr shen nagh bee my lhieggey mooar.

Psalmyn 92:1

Te red gerjoilagh dy chur booise da’n Chiarn: as dy ghoaill arraneyn-moyllee gys dt’Ennym’s, O Uss smoo syrjey;

Exodus 14:13

As dooyrt Moses rish y pobble, Ny bee aggle erriu; shass-jee, as cur-jee my-ner yn saualtys nee’n Chiarn soilshaghey diu er y laa shoh: son ny Egyptianee ta shiu er vakin jiu, cha vaik shiu ad dy bragh arragh.

Exodus 14:14

Nee’n Chiarn caggey er nyn son, as bee-jee shiuish nyn dhost.

Isaiah 30:15

Son shoh myr ta’n Chiarn Jee dy ghra, Jee casherick Israel, Ayns caghlaa coyrle as fea bee shiu ayns sauchys; ayns shee as ayns treishteil vees nyn marriaght; agh cha goghe shiu coyrle:

Isaiah 30:7

Son nee ny Egyptianee cooney ayns fardail, as gyn ymmyd: shen-y-fa ta mee er n’eamagh mychione shoh, She yn niart oc dy ve ny haaue.

Isaiah 7:4

As abbyr rish, Gow tastey, as bee ec fea; ny bee aggle ort, chamoo bee lhag-chreeagh, kyndagh rish daa amman jaaghagh ny maidjyn losht shoh, kyndagh rish farg eulyssagh Rezin marish Syria, as mac Remaliah.

Jeremiah 14:22

Vel fer erbee mastey fardalyssyn ny ashoonee oddys fliaghey y choyrt? ny vod ny niaughyn jeu hene jannoo frassyn? Nagh nee uss eh, O Hiarn nyn Yee? shen-y-fa nee mayd farkiaght ort; son she uss t’er n’yannoo ooilley ny reddyn shoh.

Dobberan 3:27

Te mie son dooinney dy ymmyrkey’n whing ayns e aegid.

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Galatianee 4:18

Agh te mie dy ve dy kinjagh jeean aignagh ayns cooish vie, as cha nee ny-lomarcan tra ta mish kionfenish mêriu.

Hebrewnee 10:35

Ny lhig-jee veue, er-y-fa shen, yn dunnallys eu, nyn gour ta leagh mooar dy chooilleeney.

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

1 Peddyr 1:13

Shen-y-fa kiartee-jee seose meeghyn nyn aigney, bee-jee sheelt, as treisht-jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;