Dobberan 3:25 - Yn Vible Casherick 1775 1819

²⁵ Ta’n Chiarn dooie dauesyn ta farkiaght er, da’n annym ta shirrey huggey.

Dobberan 3:25 ပူးပေါင်းရင်းမြစ်များ

Genesis 49:18

Ta mee er farkiaght son dty haualtys, O Hiarn.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

2 Recortyssyn 15:2

As hie eh magh quail Asa, as dooyrt eh rish, Clasht-jee rhym’s Asa, as ooilley Yudah as Venjamin, Ta’n Chiarn mêriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

2 Recortyssyn 19:3

Ny-yeih, t’ou er n’yannoo reddyn ennagh dy mie, ayns dy vel oo er ghoaill ersooyl ny jallooyn ass y cheer, as er hoiaghey dty chree, dy eiyrt er Jee.

2 Recortyssyn 30:19

Agh ghow Hezekiah padjer er nyn son, gra, Dy bee’n Chiarn mie myghinagh da dy chooilley unnane ta kiarail ayns ynrickys e chree dy hirrey Jee, yn Chiarn, Jee e ayraghyn, ga nagh vel eh er roshtyn gys slane glennid y leigh.

2 Recortyssyn 31:21

As ayns dy chooilley obbyr ghow eh ayns laue dy yannoo ayns shirveish thie Yee, as cordail rish y leigh, as ny annaghyn, dy hirrey e Yee, shen ren eh lesh ooilley e chree, as haink eh lesh myrgeddin.

Ezra 8:22

Son cha lhiggagh y nearey dou shirrey veih’n ree sheshaght dy hidooryn, as markee, dy chooney lhien noi’n noid er y raad: er-yn-oyr dy row shin er loayrt rish y ree, gra, Ta laue’n Jee ayn orroosyn ooilley son mie ta dy hirrey eh, agh ta e phooar as e yymmoose noi ocsyn ooilley ta treigeil eh.

Psalmyn 105:3

Gow-jee boggey ayns yn Ennym casherick echey: lhig da’n cree ocsyn ’ve gennal ta shirrey lurg y Chiarn.

Psalmyn 119:2

Bannit t’adsyn ta freayll ny recortyssyn echey: as shirrey er e hon lesh ooilley nyn gree.

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Psalmyn 25:8

Adsyn ta imlee nee eh leeideil ayns briwnys: as dauesyn ta meen, ynsee eh e raad.

Psalmyn 27:14

Ny livrey mee seose gys aigney my noidyn: son ta feanishyn foalsey er n’irree seose m’oï, as lheid as ta loayrt aggair.

Psalmyn 27:8

Eaisht rish my choraa, O Hiarn, tra ta mee geamagh hood’s: jean myghin orrym, as clasht rhym.

Psalmyn 37:34

Cha vaag y Chiarn eh ayns e laue: ny eh y gheyrey tra t’eh er ny vriwnys.

Psalmyn 37:7

Cum shickyr gys y Chiarn, as farkee dy surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrleyn.

Psalmyn 39:7

Son ta dooinney gimmeeaght ayns scadoo fardalagh, as dy voirey eh-hene ayns fardail: t’eh stoyral seose berchys, as cha vel fys echey quoi yiow soylley jeu.

Psalmyn 61:1

Clasht rish my eam, O Yee: eaisht rish my phadjer.

Psalmyn 61:5

Son t’ou uss, O Hiarn, er chlashtyn my yeearreeyn: as er choyrt eiraght dauesyn ta goaill aggle roish dt’Ennym.

Psalmyn 69:32

Nee shoh myrgeddin yn Chiarn y wooiys: ny share na dow lesh eairkyn as yngnyn.

Psalmyn 71:14

Hem magh ayns niart y Chiarn Jee: as loayr-ym ynrycan jeh dty chairys.

Isaiah 25:9

As bee eh graït er y laa shen, Cur-my-ner, she shoh yn Jee ain; ta shin er farkiaght er e hon, as nee eh sauail shin: shoh yn Chiarn; ta shin er farkiaght er e hon, bee mayd gennal, as nee mayd boggey y ghoaill ayns e haualtys.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Isaiah 30:18

As shen-y-fa nee’n Chiarn farkiaght dy ve graysoil diu, as shen-y-fa, bee eh er ny ghloyraghey, dy vod eh jannoo myghin erriu: son ta’n Chiarn ny Yee dy vriwnys: bannit t’adsyn ooilley ta farkiaght ersyn.

Isaiah 40:31

Agh yiow adsyn ta farkiaght er y Chiarn niart ass-y-noa; etlee ad seose myr er skianyn urley; nee ad roie as cha bee ad skee, nee ad shooyl, as cha jed ad neeal.

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Isaiah 64:4

Son er-dyn toshiaght y theihll cha vel deiney er chlashtyn, ny er hoiggal liorish y chleaysh, chamoo ta sooill er vakin, er-lhimmey jeed’s, O Yee, cre t’eh er chiarail ny chour-syn ta farkiaght er.

Dobberan 3:26

Te mie son dooinney chammah dy hreishteil, as dy meen farkiaght son saualtys y Chiarn.

Hosea 10:12

Cuirr-jee diu hene ayns cairys, buinn-jee ayns myghin: brish-jee seose yn thalloo banejagh eu: son te traa dy hirrey yn Chiarn, derrey hig eh dy gheayrtey neose cairys orrin.

Zephaniah 3:8

Shen-y-fa, fark-jee orrym’s, ta’n Chiarn dy ghra, derrey’n laa irree-ym seose gys y chragh: son ta mee kiarit dy haglym ny ashoonyn, dy hayrn cooidjagh ny reeriaghtyn, dy gheayrtey magh orroo my yymmoose, eer slane dewilys my chorree: son bee ooilley yn ooir er ny lostey seose lesh aile my eadolys.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

Jamys 5:7

Fark-jee er-y-fa shen, vraaraghyn, derrey cheet y Chiarn. Cur-my-ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.