Dobberan 3:22 - Yn Vible Casherick 1775 1819

²² She trooid myghinyn y Chiarn te, nagh vel shin stroit, as nagh vel e hymmey failleil.

Dobberan 3:22 ပူးပေါင်းရင်းမြစ်များ

2 Samuel 24:14

As dooyrt David rish Gad, Ta mee ayns chennid vooar: lhig dooin nish tuittym fo laue’n Chiarn, (son ta e vyghinyn mooar,) as ny lhig dou tuittym ayns laue dooinney.

Nehemiah 9:31

Foast, er graih dty vyghin vooar, cha ren oo ad y stroie dy bollagh, ny treigeil ad, son t’ou dty Yee graysoil as myghinagh.

Psalmyn 103:10

Cha vel eh er ghellal rooin lurg nyn beccaghyn: ny er chooilleeney shin cordail rish nyn mee-chraueeaght;

Psalmyn 106:45

Livrey uss shinyn, O Hiarn nyn Yee, as chaggil shin veih mastey ny ashoonyn: dy vod mayd booise y chur da dty Ennym casherick, as imraa gloyroil y yannoo jeh dty voylley.

Psalmyn 69:17

Clasht rhym, O Hiarn, son ta dty chenjallys-ghraihagh gerjoilagh: chyndaa uss hym’s cordail rish earroo dty vyghinyn,

Psalmyn 77:8

Vel e vyghin dy slane er n’immeeaght son dy bragh: as vel e yialdyn er jeet dy bollagh gys jerrey brâ?

Psalmyn 78:38

Agh v’eh cha myghinagh shen dy leih eh daue nyn voiljyn: as cha ren eh ad y stroie.

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Jeremiah 3:12

Gow royd, as jean ny goan shoh y ockley magh gys y twoaie, as abbyr, Chyndaa uss reesht, Israel chooyl-skyrraghtyn, ta’n Chiarn dy ghra, as cha lhig-ym da my chorree dy huittym ort; son ta mish myghinagh, ta’n Chiarn dy ghra, as cha jean-ym jymmoose y reayll son dy bragh.

Jeremiah 30:11

Son ta mish mayrt, ta’n Chiarn dy ghra, dy dty hauail: ga dy jean-yms slane jerrey er dy chooilley ashoon raad ta mee er dty skeayley, foast cha jean-yms slane jerrey jeed’s; agh smaght-yms oo ayns myghin, as cha vaag-ym oo ooilley-cooidjagh gyn kerraghey.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Daniel 9:9

Gys y Chiarn y Jee ain ta bentyn myghinyn as leih peccaghyn, ga dy vel shin er n’irree-magh n’oï:

Malachi 3:6

Son mish yn Chiarn; cha vel mee caghlaa: shen-y-fa cha vel shiuish mec Yacob er nyn stroie.

Noo Luke 1:50

As ta e vyghin orroosyn ta goaill aggle roish, veih sheeloghe gys sheeloghe.