Dobberan 3:11 - Yn Vible Casherick 1775 1819

¹¹ T’eh er hyndaa dy lhiattee my raaidyn, as er my raipey ayns peeshyn; t’eh er my yannoo follym-faase.

Dobberan 3:11 ပူးပေါင်းရင်းမြစ်များ

Lioar Yob 16:7

Agh nish t’eh er my yannoo deinagh: t’ou er skeayley ooilley my heshaght.

Psalmyn 143:4

Shen-y-fa ta my spyrryd seaghnit aynym: as ta my chree brisht cheu-sthie jee’m.

Psalmyn 50:22

O smooinee-jee er shoh, shiuish ta jarrood Jee: er-aggle dy raip-ym shiu ersooyl, as nagh bee unnane erbee dy livrey shiu.

Isaiah 3:26

As nee ny giattyn eck keayney as dobberan, as ee hene lhie treigit er y thalloo.

Jeremiah 15:3

As ver-yms kiare briwnyssyn magh orroo, ta’n Chiarn dy ghra; yn cliwe dy varroo, as ny moddee dy raipey, as eeanlee’n aer, as beishtyn yn ooir, dy chur mow as dy yannoo jeeill.

Jeremiah 19:8

As nee’m yn ard-valley shoh ny hraartys, as ny chraid: bee yindys mooar er dy chooilley unnane hed shaghey; as nee ad gannidys, kyndagh rish ooilley’n kerraghey trome hig urree.

Jeremiah 32:43

As bee magheryn kionnit ’sy cheer shoh, jeh ta shiu gra, Te treigit fegooish dooinney ny baagh, te er ny choyrt gys laue ny Caldeanee.

Jeremiah 5:6

Er-y-fa shen nee lion ass y cheyll adsyn y stroie, as nee moddey-oaldey ’syn astyr ad y raipey, nee leopard freayll arrey er ny ard-valjyn oc: bee dy chooilley unnane ta goll magh assdoo er ny raipey ayns peeshyn; er-yn-oyr dy vel y drogh-yannoo oc ymmodee, as y cooyl-skyrraghtyn oc goaill niart.

Jeremiah 6:8

Gow-jee ynsaghey, O Yerusalem, er-aggle dy der m’annym cooyl rhyt; nagh jean-ym oo ny hraartys, cheer gyn cummaltee.

Dobberan 1:13

T’eh er lhiggey aile veih niau ayns my chraueyn, as te goaill niart orroo: t’eh er skeayley ribbey roish my chassyn, t’eh er my hyndaa: t’eh er n’yannoo mee treigit as faiynt fey-ny-laa.

Dobberan 3:10

Dooys v’eh myr muc-awin ny lhie farkiaght, as myr lion cooyl-chlea.

Daniel 7:23

Shoh myr dooyrt eh, Bee yn chiarroo veisht yn chiarroo reeriaght er y thalloo, nagh bee casley rish reeriaght erbee elley, as stroie-ys eh yn slane seihll, as nee eh stampey sheese eh, as brishey eh ayns peeshyn.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.

Micah 5:8

As bee sluight Yacob mastey ny ashoonee ayns mean ymmodee pobble, myr lion mastey beïyn y cheyll, myr lion aeg mastey ny shioltaneyn keyrragh: ta chammah stampey sheese, as raipey ayns peeshyn myr t’eh goll, as cha vod fer erbee livrey.

Noo Mian 23:38

Cur-my-ner, ta’n thie eu faagit diu follym-faase.

Ashlish 18:19

As cheau ad joan er nyn ging, as deïe ad, lesh keayney as dobberan, gra, Ah treih, treih, yn ard-valley mooar shen, aynjee va jeant berchagh dy chooilley unnane va lhongyn oc er yn aarkey, liorish yn aght-baghee costyllagh eck! son ayns un oor t’ee er ny yannoo follym-faase.