Dobberan 3:10 - Yn Vible Casherick 1775 1819

¹⁰ Dooys v’eh myr muc-awin ny lhie farkiaght, as myr lion cooyl-chlea.

Dobberan 3:10 ပူးပေါင်းရင်းမြစ်များ

Lioar Yob 10:16

Son te lhieeney orrym. T’ou dy my helg myr lion dewil; as reesht ta dty laue yindyssagh trome orrym.

Psalmyn 10:9

Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Psalmyn 17:12

Myr y lion ta jollyssagh er e helg: as myr y lion aeg ta lhie gyn-yss ayns ynnydyn follit.

Isaiah 38:13

Smooinee mee derrey’n voghrey, dy jinnagh eh myr lion ooilley my chraueyn y vrishey: veih’n voghrey eer gys yn astyr ver oo jerrey orrym.

Dobberan 3:11

T’eh er hyndaa dy lhiattee my raaidyn, as er my raipey ayns peeshyn; t’eh er my yannoo follym-faase.

Dobberan 3:9

T’eh er yeigh my raaidyn lesh claghyn giarit: t’eh er n’yannoo ny chassanyn cam.

Hosea 5:14

Son beem’s da Ephraim myr lion, as myr quallian y lion da thie Yudah: neem’s, dy jarroo neem’s raipey, as goll roym; goym lhiam ersooyl, as cha jean fer erbee eshyn y livrey.

Hosea 6:1

Tar-jee, as lhig dooin chyndaa gys y Chiarn: son t’eh er raipey, as nee eh nyn lheihys; t’eh er woalley shin, as nee eh nyn slaanaghey.