Dobberan 2:9 - Yn Vible Casherick 1775 1819

⁹ Ta ny giattyn eck lhiggit sheese fo halloo; t’eh er stroie as er vrishey ny boltyn eck, ta’n ree as ny princeyn eck mastey ny ashoonee; ta’n leigh er n’gholl naardey, as cha vel ashlish sodjey ec ny phadeyryn veih’n Chiarn.

Dobberan 2:9 ပူးပေါင်းရင်းမြစ်များ

2 Reeaghyn 25:7

As varr ad mec Zedekiah roish e hooillyn, as hug ad ny sooillyn ass Zedekiah, as chiangle ad eh lesh geulaghyn prashey, as hug ad lhieu eh gys Babylon.

2 Recortyssyn 15:3

Nish son foddey dy hraa ta Israel er ve fegooish y Jee firrinagh, as fegooish saggyrt-ynsee, as fegooish y leigh.

Nehemiah 1:3

As dooyrt ad rhym, Ta’n sluight t’er-mayrn jeh’n chappeeys ’sy rheam ayns seaghyn trome, as ayns faghid: ta voalley Yerusalem myrgeddin brisht sheese, as ny giattyn eck losht lesh aile.

Psalmyn 74:9

Dy jarroo, dooyrt ad ayns nyn greeaghyn, Lhig dooin ad y stroie dy bollagh ooilley-cooidjagh: myr shoh t’ad er lostey seose ooilley thieyn Yee ’sy cheer.

Isaiah 24:12

’Syn ard-valley ta traartys taaghey, as ta’n giat er ny woalley lesh toyrt-mow.

Jeremiah 14:14

Eisht dooyrt y Chiarn rhym, Ta ny phadeyryn jannoo phadeyrys breagagh ayns m’ennym’s; cha dug mee ad er y chaghteraght shoh, chamoo hug mee sarey daue, chamoo loayr mee roo: t’ad fockley magh diu ashlish foalsey, as faishnaghyn breagagh, as red gyn veg, as molteyrys yn chree oc hene.

Jeremiah 23:16

Myr shoh ta Chiarn ny sheshaghtyn flaunyssagh dy ghra, Ny eaisht-jee rish goan ny phadeyryn ta phadeyrys diu; cha vel ad agh jannoo molteyrys erriu; t’ad loayrt ashlish ass nyn gree hene, as cha nee veih beeal y Chiarn.

Jeremiah 39:2

As ’syn un vleïn jeig jeh reill Zedekiah, ’sy chiarroo vee, er y nuyoo laa jeh’n vee, vrish ad stiagh er yn ard-valley.

Jeremiah 39:8

As losht ny Caldeanee plaase y ree, as thieyn y phobble lesh aile, as lhieg ad voallaghyn Yerusalem.

Jeremiah 51:30

Ta treanee Vabylon er scuirr veih’n chaggey, t’ad lhie cooyl nyn voallaghyn: ta’n troshid oc er n’aase moal; t’ad faase myr mraane: ta ny ynnydyn-vaghee eck losht, as ny boltyn eck brisht.

Jeremiah 52:14

As ren ooilley armee ny Caldeanee, va marish captan y ghard, lhieggal ooilley voallaghyn Yerusalem ooilley mygeayrt.

Dobberan 1:3

Ta Judah er n’immeeaght ayns cappeeys, liorish seaghyn, as liorish bondiaght vooar: t’ee cummal mastey ny ashoonee, cha vel aash ny cour: ta ooilley ny tranlaasee er verraghtyn urree eddyr ny raaidyn cooney.

Dobberan 4:15

Deïe ad daue, Reue-jee, te neu-ghlen, reue-jee, reue-jee, ny tar-jee faare ad, tra ren ad chea ersooyl as rouail: dooyrt ad mastey ny ashoonyn, Cha nhegin daue cummal ny-sodjey ayns shen.

Dobberan 4:20

Va ree ooilit y Chiarn, ennal nyn mioys, goit ayns ny ribbaghyn oc, my-e-chione dooyrt shin, Nee mayd cummal fo yn scadoo echey mastey ny ashoonyn.

Ezekiel 12:13

My lieen myrgeddin neem’s skeayley ersyn, as bee eh goit ayns my ribbey; as ver-ym lhiam eh gys Babylon, cheer ny Caldeanee, ny-yeih cha jean eh fakin eh, ga dy vow eh baase ayns shen.

Ezekiel 17:20

As neem’s my lieen y skeayley er, as bee eh goit ayns my ribbey, as ver-ym lhiam eh gys Babylon, as shen y raad neem’s y chooish y reaghey rish, son e loghtyn t’eh er n’yannoo m’oï.

Ezekiel 7:26

Hig lhag-haghyrt er lhag-haghyrt, as naightyn trome er naightyn trome; eisht nee ad shirrey son ashlish yn adeyr: agh nee yn leigh cherraghtyn veih yn saggyrt, as coyrle veih yn chanstyr.

Hosea 11:6

As nee yn cliwe tannaghtyn er e ard-valjyn, as ver eh mow e vanglaneyn, as stroie ad, kyndagh rish ny coyrleyn oc hene.

Hosea 3:4

Son bee cloan Israel ry-foddey gyn ree, as gyn reejerey, as gyn oural, as gyn jalloo, as gyn ephod, as gyn teraphim.

Amos 1:5

Brish-ym myrgeddin giattyn Ghamascus, as astyr-ym yn cummaltagh ass strah Aven, as eshyn ta cummal yn lorg-reill ass thie Eden: as hed pobble Syria ayns cappeeys gys Kir, ta’n Chiarn dy ghra.

Deuteronomy 28:36

Nee’n Chiarn oo hene, as y ree ver oo harryd, y livrey gys ashoon, vees joarree dhyt’s, as da dty ayraghyn: as ayns shen nee shiu shirveish jeeghyn elley, fuygh as clagh.

Deuteronomy 28:63

As hig eh gy-kione, myr ghow yn Chiarn boggey jiu, dy yannoo mie diu, as dy vishaghey shiu: myr shen bee eh aigney yn Chiarn, dy stroie shiu, as dy choyrt shiu gys veg; as bee shiu astyrit ass y cheer, raad ta shiu goll dy chummal ayn.

1 Samuel 28:6

As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.