Dobberan 2:8 - Yn Vible Casherick 1775 1819

⁸ Ta’n Chiarn kiarit dy stroie voalley inneen Zion; t’eh er heeyney magh yn line towshan, cha vel eh er lhiettal e laue veih stroie: shen-y-fa hug eh er y chashtal as e voalley dy ghobberan; hie ad naardey dy cheilley.

Dobberan 2:8 ပူးပေါင်းရင်းမြစ်များ

2 Samuel 8:2

As woaill eh Moab, as howse eh yn cheer oc lesh line, lhieggal ny ard-valjyn gys y thalloo: eer lesh daa line ren eh ad y rheynn son baase, as lesh un line slane son bioys: as shoh myr haink ny Moabiteyn dy ve fo reill Ghavid, as v’ad fo keesh.

2 Reeaghyn 21:13

As sheeyn-yms magh harrish Jerusalem line towshan Samaria, as pontreil thie Ahab: as neem’s glenney Jerusalem myr ta claare er ny ghlenney, rubbey eh, as chyndaa e veeal fo.

Lioar Yob 13:21

Jean dty smaght y scughey foddey voym; as ny lhig da dty atchim mish y agglaghey:

Isaiah 22:5

Son te laa dy heaghyn as dy arkys, as dy hrimshey veih’n Chiarn, Jee ny flaunyssee, ayns coan yn ashlish, jeh brishey sheese ny voallaghyn, as eam gys ny sleityn.

Isaiah 28:17

Briwnys myrgeddin neem’s layal gys y line, as cairys gys y level; as nee’n sniaghtey-garroo sheebey ersooyl kemmyrk ny breagyn, as nee ny ushtaghyn lhieeney harrish ny cooillyn folliaght.

Isaiah 3:26

As nee ny giattyn eck keayney as dobberan, as ee hene lhie treigit er y thalloo.

Isaiah 34:11

Agh nee yn cormorant, as y choayr cummal ayn, yn hullad myrgeddin; as y feeagh goaill ayn: as nee eh sheeyney magh er yn line dy hoyrt-mow, as yn level dy hraartys.

Isaiah 5:5

Agh nish, tar-jee; insh-ym diu cre nee’m rish my gharey-feeyney: goym ersooyl yn cleiy echey, as bee eh er ny ee seose; as brish-ym sheese yn voalley echey, as bee eh er ny stampey sheese.

Jeremiah 14:2

Ta Judah dobberan, as ny giattyn eck goll naardey; t’ad doogh er y thalloo, as ta eam Yerusalem er droggal.

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Jeremiah 52:13

As losht eh thie yn Chiarn, as thie yn ree; as ooilley thieyn Yerusalem, as ooilley thieyn ny ard-gheiney, losht eh lesh aile.

Dobberan 2:17

Ta’n Chiarn er n’yannoo shen v’eh er chiarail: t’eh er chooilleeney e raa v’eh er harey ayns y chenn earish: t’eh er cheau sheese fegooish chymmey: as t’eh er chur er dty noid dy voggyssagh harryd, t’eh er hoiaghey seose niart dty noidyn.

Dobberan 2:18

Lesh nyn gree deïe ad gys y Chiarn, O voalley inneen Zion, lhig da jeïr roie sheese myr thooilley, laa as oie: ny cur aash dhyt hene, chamoo lhig fea da clagh dty hooilley.

Dobberan 2:2

Ta’n Chiarn er lhuggey seose ooilley cummaltee Yacob, cha row chymmey echey orroo: t’eh er cheau sheese ayns e eulys cashtallyn lajer inneen Yudah: t’eh er lhieggal ad kiart rish y thalloo: t’eh er n’yiooldey veih yn reeriaght as ny princeyn eck.

Dobberan 2:5

Va’n Chiarn myr noid: t’eh er lhuggey seose Israel, t’eh er lhuggey seose ooilley ny plaaseyn eck: t’eh er stroie e chashtallyn lajer, as t’eh er vishaghey trimshey as dobberan er inneen Yudah.

Ezekiel 20:22

Ny-yeih, dreill mee my laue voue, as dobbree mee er graih my ennym hene, nagh beagh eh er ny oltooaney ayns shilley ny ashoonee, ayns nyn venish hug mee lhiam ad magh.