Dobberan 2:7 - Yn Vible Casherick 1775 1819

⁷ Ta’n Chiarn er n’yiooldey rish e altar: t’eh er chur dwoaie da e hiamble casherick: t’eh er livrey gys laue y noid voallaghyn ny plaaseyn eck; t’ad er hroggal seose nyn goraa ayns thie’n Chiarn, myr ayns laa’n feailley casherick.

Dobberan 2:7 ပူးပေါင်းရင်းမြစ်များ

2 Reeaghyn 25:9

As losht eh thie yn Chiarn, as thie yn ree, as ooilley thieyn Yerusalem, as losht eh thieyn ny ard-gheiney lesh aile.

2 Recortyssyn 36:19

As losht ad thie Yee, as vrish ad sheese voalley Yerusalem, as losht ad ooilley e phlaaseyn lesh aile, as spooill ad ooilley ny siyn aalin.

Psalmyn 89:39

T’ou er lhieggal ooilley e voallaghyn: as er vrishey sheese ny tooryn lajer echey.

Isaiah 64:9

Ny bee feer jymmoosagh, O Hiarn, chamoo cooinee er y vee-chairys ain son dy bragh: cur-my-ner, jeeagh, ta shin guee ort, ta shin ooilley dty phobble.

Jeremiah 21:4

Myr shoh ta’n Chiarn Jee Israel dy ghra, Cur-my-ner, chyndaa-ym ny greinyn-caggee t’ayns ny laueyn enish, lhieu ta shiu caggey noi ree Vabylon, as noi ny Caldeanee, ta chionney shiu stiagh lesh caggey cheu-mooie nyn voallaghyn, as nee’m ad y haglym gys mean yn ard-valley shoh.

Jeremiah 26:18

Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 26:6

Eisht neem’s y thie shoh y yannoo myr Shiloh, as yn ard-valley shoh ny vollaght da ooilley ashoonyn yn ooir.

Jeremiah 32:29

As hig ny Caldeanee ta caggey noi yn ard-valley shoh, as ver ad aile ayns yn ard-valley shoh, as loshtee ad eh, marish ny thieyn er ny mulleeyn oc t’ad er hebbal incense da Baal, as er gheayrtey magh ourallyn-feeyney gys jeeghyn joarree, dy vrasnaghey my yymmoose.

Jeremiah 39:8

As losht ny Caldeanee plaase y ree, as thieyn y phobble lesh aile, as lhieg ad voallaghyn Yerusalem.

Jeremiah 4:26

Yeeagh mee, cur-my-ner, va’n cheer messoil ny aasagh, as va ooilley ny ard-valjyn echey lhieggit sheese kionfenish y Chiarn, as liorish eulys e yymmoose.

Jeremiah 4:27

Son myr shoh ta’n Chiarn er ghra, Bee’n slane cheer ny hraartys; ny-yeih cha jean-yms slane jerrey.

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Jeremiah 52:13

As losht eh thie yn Chiarn, as thie yn ree; as ooilley thieyn Yerusalem, as ooilley thieyn ny ard-gheiney, losht eh lesh aile.

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 2:1

Kys ta’n Chiarn ayns e yymmoose er choodaghey inneen Zion lesh bodjal, as er lhieggal aalid Israel veih niau gys y thalloo, as cha chooinee eh er stoyl e choshey ayns laa e eulys!

Dobberan 2:5

Va’n Chiarn myr noid: t’eh er lhuggey seose Israel, t’eh er lhuggey seose ooilley ny plaaseyn eck: t’eh er stroie e chashtallyn lajer, as t’eh er vishaghey trimshey as dobberan er inneen Yudah.

Ezekiel 24:21

Abbyr rish thie Israel, Myr shoh ta’n Chiarn dy ghra, Cur-my-ner, neem’s my ynnyd casherick ny hraartys, ard-vooaralys nyn niart, yeearree jeean nyn sooillyn, as shen ta nyn annym soit er: as nee ny mec, as ny inneenyn eu t’er-mayrn, tuittym liorish y chliwe.

Ezekiel 7:24

Shen-y-fa ver-ym lhiam y chooid smessey jeh ny ashoonee, as gowee ad ny thieyn oc daue hene: ver-yms sheese myrgeddin mooaralys y vooinjer niartal, as bee nyn ynnydyn casherick ny chaitnys.

Leviticus 26:31

As ver-yms naardey nyn ard-valjyn, as stroie-ym ny chiambleyn eu: as cha jean-ym soiagh jeh nyn ourallyn-millish.

Leviticus 26:44

Agh ny-yeih, tra vees ad ayns cheer nyn noidyn, cha jean-ym ad y hilgey ersooyl, chamoo ver-ym feoh daue, dy stroie ad dy bollagh, dy vrishey my chonaant roo: son mish y Chiarn y Jee oc.

Amos 2:5

Agh ver-ym aile er Judah, as nee eh stroie plaaseyn Yerusalem.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Noo Mian 24:2

As dooyrt Yeesey roo, Nagh vaik shiu ooilley ny reddyn shoh? dy firrinagh ta mee gra riu, Nagh bee faagit un chlagh er clagh elley, nagh bee er ny lhieggal.