Dobberan 2:6 - Yn Vible Casherick 1775 1819

⁶ As t’eh dy bollagh er astyrt e chabbane-agglish myr (bwaag) ass garey, t’eh er stroie ynnydyn e haglym cooidjagh: ta’n Chiarn er chur er ny feaillaghyn as ny dooneeyn dy v’er ny yarrood ayns Zion, as ayns mooadys e yymmoose t’eh er hoiaghey beg jeh’n ree as y taggyrtys.

Dobberan 2:6 ပူးပေါင်းရင်းမြစ်များ

Psalmyn 74:7

Agh nish t’ad brishey sheese ooilley yn obbyr ghrainnit eck: lesh teighyn as oayrdyn.

Psalmyn 76:2

Ec Salem ta e chabbane-agglish: as e chummal ayns Sion.

Psalmyn 80:12

Cre’n-fa eisht t’ou uss er lhieggal sheese yn cleiy eck: dy vel adsyn ooilley ta goll shaghey raipey j’ee e mess?

Psalmyn 89:40

T’adsyn ooilley ta goll shaghey dy spooilley eh: as t’eh er jeet dy ve ny oltooan da e naboonyn.

Isaiah 1:13

Ny cur-jee lhieu arragh hym’s nyn jebballyn donney: ta’n oural-incense dwoaiagh dou; ny eaystyn-noa, as ny dooneeyn, as nyn veaillaghyn sumnit elley, cha voddym surranse daue; she mee-chraueeaght eh, eer yn chirveish smoo casherick.

Isaiah 1:8

As ta inneen Zion treigit myr bwane ayns garey-feeyney, as bwaag ayns garey-cucumber, as myr balley cruinnit stiagh lesh noidyn.

Isaiah 43:28

Shen-y-fa, ta mee er hayrn mee-ooashley er princeyn y chiamble, as ta mee er n’yannoo Jacob son mollaght, as Israel son oltooan.

Isaiah 5:5

Agh nish, tar-jee; insh-ym diu cre nee’m rish my gharey-feeyney: goym ersooyl yn cleiy echey, as bee eh er ny ee seose; as brish-ym sheese yn voalley echey, as bee eh er ny stampey sheese.

Isaiah 5:6

As lhig-ym naardey eh: as cha bee eh er ny phollal, chamoo vees eh er ny rourey; agh ver eh magh dressyn as drineyn: ver-yms ny bodjallyn myrgeddin fo harey, nagh shill ad fliaghey er.

Isaiah 63:18

Cha row eh agh son traa giare eiraght dty phobble’s casherick: ta nyn noidyn er stampey sheese dty ynnyd casherick.

Isaiah 64:11

Ta’n thie aalin as casherick ain, raad hug nyn ayraghyn moylley dhyt’s, losht lesh aile: as ta ooilley ny nheeghyn eunyssagh ain er nyn goyrt naardey.

Jeremiah 17:27

Agh mannagh n’eaisht shiu rhym dy reayll yn doonaght casherick, as gyn laad y ymmyrkey, eer goll stiagh er giattyn Yerusalem er y doonaght; eisht neem’s aile y oaddey ayns ny giattyn eck; as nee eh plaaseyn Yerusalem y stroie, as cha bee eh er ny vooghey.

Jeremiah 42:18

Son myr shoh ta Chiarn ny flaunyssee, Jee Israel, dy ghra, Myr va my yymmoose as my eulys deayrtit magh er cummaltee Yerusalem; myr shen vees my eulys er ny gheayrtey magh erriuish, tra hed shiu gys Egypt: as bee shiu son ard-vollaght, as son atchim, as son mollaght-mynney, as son oltooan, as cha vaik shiu yn ynnyd shoh arragh.

Jeremiah 45:4

Myr shoh nee oo gra rish, Shoh ta’n Chiarn dy ghra, Cur-my-ner, shen ny ta mee er droggal nee’m lhieggal, as shen ta mee er hoiaghey astyr-ym ass ny fraueyn, eer yn slane cheer shoh.

Jeremiah 50:28

Yn coraa ocsyn ta er chosney roue, as er scapail veih cheer Vabylon, dy ockley magh ayns Zion kerraghey voish y Chiarn y Jee ain, yn cooilleen t’eh er ghoaill son e hiamble.

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 4:16

Ta corree yn Chiarn er skeayley ad, cha der eh geill sodjey daue: cha ren ad soiaghey jeh persoon ny saggyrtyn, ny cur ammys da’n chanstyr.

Dobberan 4:20

Va ree ooilit y Chiarn, ennal nyn mioys, goit ayns ny ribbaghyn oc, my-e-chione dooyrt shin, Nee mayd cummal fo yn scadoo echey mastey ny ashoonyn.

Dobberan 5:12

Ta ny princeyn croghit liorish ny laueyn oc; cha ren ad soiaghey jeh eddin y chanstyr.

Ezekiel 17:18

Fakin dy vel eh er hoiaghey beg jeh yn vreearrey, liorish brishey yn conaant (tra, cur-my-ner, ren eh e laue y ghialtaghey) as er n’yannoo ooilley ny reddyn shoh, cha jean eh scapail.

Leviticus 26:31

As ver-yms naardey nyn ard-valjyn, as stroie-ym ny chiambleyn eu: as cha jean-ym soiagh jeh nyn ourallyn-millish.

Zephaniah 3:18

Tayrn-yms cooidjagh jeed’s adsyn ta trimshagh son y chaglym-casherick, dauesyn va’n oltooan echey seaghnagh.

Malachi 2:9

Er-y-fa shen, ta mish myrgeddin er n’yannoo beg dy ve soit j’iu, as er n’injillaghey shiu roish y pobble; eer myr nagh vel shiuish er reayll my raaidyn, agh er n’yannoo soiaghey jeh persoonyn ayns y leigh.