Dobberan 2:20 - Yn Vible Casherick 1775 1819

²⁰ Cur-my-ner, O Hiarn, as smooinee quoi rish t’ou er n’yannoo shoh: jean ny mraane gee mess nyn gorp hene, as cloan jeh lhiurid reaish? Jed y saggyrt as y phadeyr er ny varroo ayns chiamble casherick y Chiarn?

Dobberan 2:20 ပူးပေါင်းရင်းမြစ်များ

2 Recortyssyn 36:17

Shen-y-fa hug eh lesh orroo ree ny Caldeanee, ren ny deiney aegey oc y varroo lesh y chliwe, ’sy chiamble casherick, as cha row chymmey erbee oc er dooinney aeg, ny moidyn, er shenn ghooinney, ny ersyn va croymmey lesh eash: livrey eh ad ooilley gys e laue.

Psalmyn 78:64

Ren yn aile ny deiney aegey oc y stroie: as cha row ny moidynyn oc er nyn goyrt ayns poosey.

Exodus 32:11

As ghow Moses padjer jeean gys y Chiarn e Yee, as dooyrt eh, Hiarn, cre’n-fa ta dty yymmoose brishey magh cha trome noi dty phobble, hug oo lhiat magh ass cheer Egypt, lesh ard phooar, as lesh laue niartal?

Isaiah 22:2

Uss ta lane dy anvea, ard-valley boiragh, ard-valley reagh: cha vel dty verriu er ny varroo lesh y chliwe, ny stroit ayns caggey.

Jeremiah 19:9

As ver-ym orroo gee feill nyn mec, as feill ny inneenyn oc hene, as dy n’ee ad dagh unnane feill e charrey, ’sy chaggey as ’sy chennid lesh nee nyn noidyn, as adsyn ta shirrey nyn mioys, ad y chruinnaghey stiagh.

Jeremiah 21:7

As ny lurg shen, ta’n Chiarn dy ghra, neem’s Zedekiah ree Yudah, as e harvaantyn, as e phobble, as fooilliagh y chramp ’syn ard-valley shoh, as ny ta faagit veih’n chliwe, as veih’n ghortey, y livrey gys laue Nebuchadrezzar ree Vabylon, as gys laue nyn noidyn, as gys y laue ocsyn ta shirrey nyn mioys: as nee eh ad y woalley lesh foyr y chliwe; cha jean eh foayr y yeeaghyn daue, chamoo vees chymmey ny myghin echey orroo.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 4:10

Ta laueyn ny mraane erreeishagh er n’aarlagh yn chloan oc hene, v’ad yn beaghey oc ayns toyrt-mow inneen my phobble.

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Dobberan 4:16

Ta corree yn Chiarn er skeayley ad, cha der eh geill sodjey daue: cha ren ad soiaghey jeh persoon ny saggyrtyn, ny cur ammys da’n chanstyr.

Ezekiel 5:10

Shen-y-fa nee ny ayraghyn gee nyn gloan cheu-sthie jeed, as nee ny cloan gee nyn ayraghyn; as neem’s my vriwnyssyn y chooilleeney aynyd’s, as ooilley ny t’er-mayrn jeed neem’s y skeayley gys dy chooilley gheay.

Ezekiel 9:7

As dooyrt eh roosyn, Lhieen-jee yn thie lesh broïd, as ny cooyrtyn lesh ny merriu: immee-jee magh: as hie ad magh, as varr ad ayns yn ard-valley.

Leviticus 26:29

As bee shiu êginit dy ee feill nyn mec, as feill nyn inneenyn.

Deuteronomy 9:26

Ghuee mee, er-y-fa shen, gys y Chiarn, as dooyrt mee, O Hiarn Yee, ny jean dty phobble y stroie, as dty eiraght, t’ou er livrey trooid dty phooar, ad hug oo lhiat magh ass Egypt, lesh laue niartal: