Dobberan 2:19 - Yn Vible Casherick 1775 1819

¹⁹ Trog ort, yllee magh ’syn oie: ayns toshiaght ny arraghyn deayrt magh dty chree, myr ushtey kiongoyrt rish y Chiarn; trog seose dty laueyn huggeysyn, son bioys dty chloan aegey ta goll naardey lesh accyrys ayns kione dy chooilley straïd.

Dobberan 2:19 ပူးပေါင်းရင်းမြစ်များ

Lioar Yob 3:24

Son ta my osnaghyn cheet orrym roish my lhongaghyn, as ta my ghobberan deayrtey magh myr ny ushtaghyn.

Psalmyn 119:55

Ta mee er smooinaghtyn er dt’ennym’s, O Hiarn, ayns earish ny hoie: as er vreayll dty leigh.

Psalmyn 134:2

Shiuish ta ’syn oie shassoo [shirveish] ayns thie yn Chiarn: dy jarroo ayns cooyrtyn thie yn Jee ain.

Psalmyn 141:2

Lhig da my phadjer v’er ny hebbal ayns dt’enish myr yn incense: as lhig da troggal seose my laueyn ’ve myr oural yn astyr.

Psalmyn 142:2

Gheayrt mee magh my accan kiongoyrt rish: as hoilshee mee da my heaghyn.

Psalmyn 142:3

Tra va my spyrryd ayns trimshey, va sooill ayd er my chassan: ayns y raad va mee shooyl t’ad dy follit er hoiaghey ribbey er my hon.

Psalmyn 28:2

Eaisht rish coraa my aghinyn imlee, tra ta mee geamagh ort: tra ta mee troggal seose my laueyn gys stoyl-y-vyghin dty hiamble casherick.

Psalmyn 42:3

Ta my yheïr er ve my veaghey laa as oie: choud as t’ad gagh laa gra rhym, Cre vel nish dty Yee?

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 42:8

My Yee, ta m’annym seaghnit cheu-sthie jee’m: shen-y-fa neem’s cooinaghtyn ort’s mychione thalloo Yordan, as cronk beg Hermon.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Psalmyn 63:4

Son ta dty chenjallys-ghraihagh ny share na’n vioys hene: nee my veillyn oo y voylley.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Isaiah 51:20

Ta dty vec er n’gholl neeal, t’ad nyn lhie ayns king ooilley ny straïdyn myr tarroo feïe ayns ribbey: t’ad lane dy eulys y Chiarn, jeh oghsan dty Yee.

Jeremiah 14:18

My hem magh ’sy vagher, eisht cur-my-ner ad shen ta stroit lesh y chliwe! as my hem stiagh ’syn ard-valley, eisht cur-my-ner adsyn t’ayns raad y vaaish lesh y ghortey! dy jarroo, ta chammah yn phadeyr as yn saggyrt goll mygeayrt gys cheer nagh vel oayll oc er.

Jeremiah 9:20

Ny-yeih clasht-jee goo yn Chiarn, O shiuish vraane, as lhig da’n chleaysh eu goaill stiagh goo e veeal, as ynsee-jee da ny inneenyn eu dy yannoo kiaull trimshagh, as dagh unnane e naboo dy ghobberan:

Ezekiel 5:10

Shen-y-fa nee ny ayraghyn gee nyn gloan cheu-sthie jeed, as nee ny cloan gee nyn ayraghyn; as neem’s my vriwnyssyn y chooilleeney aynyd’s, as ooilley ny t’er-mayrn jeed neem’s y skeayley gys dy chooilley gheay.

Ezekiel 5:16

Tra lhig-yms orroo ny sideyn gyere dy ghortey, kiarit son y toyrt-mow oc, as shen ver-yms dy stroie shiu, as gowee yn ghortey niart erriu, as brish-yms bun nyn arran.

Micah 1:16

Jean oo hene meayl, as oo hene y vaarey son dty chloan dendeasagh; bee oo speeint myr yn urley ta coayl e edjagyn; son t’ad er n’gholl ayns cappeeys voïd.

Nahum 3:10

Ny-yeih hug ad lhieu ee ersooyl, hie ee ersooyl ayns cappeeys: va’n chloan veggey eck myrgeddin bransit ec kione dagh straïd: as ren ad tilgey lottyn son ny deiney ooasle eck, as va ooilley ny ard-gheiney eck kianlt ayns geulaghyn.

Noo Mian 14:25

As ayns y chiarroo arrey jeh’n oie, haink Yeesey huc, shooyl er y cheayn.

Noo Mark 1:35

As moghrey laa-ny-vairagh dirree eh foddey roish y laa, as hie eh magh, as jimmee eh gys boayl faasagh, as ayns shen ghow eh padjer.

Noo Mark 13:35

Bee-jee shiuish er-y-fa shen er nyn arrey (son cha vel fys eu cuin hig mainshter y thie; ayns yn astyr, ny ec mean-oie, ny ec gerrym y chellee, ny ayns y voghrey).

Noo Luke 6:12

As haink eh gy-kione ayns ny laghyn shen, dy jagh eh seose er slieau dy ghoaill padjer, as dy ren eh tannaghtyn fud-ny-hoie ayns padjer gys Jee.

1 Timothy 2:8

Saillym er-y-fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee-hreishteil:

Briwnyn 7:19

Myr shen haink Gideon as ny keead dooinney va marish gys cheu-mooie jeh’n champ, ayns toshiaght watch y vean-oie; as ad nish er hoiaghey yn gard: as heid ad ny trumpetyn, as vrish ad ny crockanyn, va ayns nyn laueyn.

1 Samuel 1:15

As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.

1 Samuel 7:6

As v’ad er nyn jaglym cooidjagh ec Mizpeh, as hayrn ad ushtey, as gheayrt ad eh magh kiongoyrt rish y Chiarn, as hrosht ad er y laa shen, as dooyrt ad ayns shen, Ta shin er n’yannoo peccah noi’n Chiarn. As ren Samuel cloan Israel y vriwnys ayns Mizpeh.