Dobberan 2:17 - Yn Vible Casherick 1775 1819

¹⁷ Ta’n Chiarn er n’yannoo shen v’eh er chiarail: t’eh er chooilleeney e raa v’eh er harey ayns y chenn earish: t’eh er cheau sheese fegooish chymmey: as t’eh er chur er dty noid dy voggyssagh harryd, t’eh er hoiaghey seose niart dty noidyn.

Dobberan 2:17 ပူးပေါင်းရင်းမြစ်များ

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

Psalmyn 35:24

Jean mish y vriwnys, O Hiarn my Yee, cordail rish dty chairys: as ny lhig daue boggyssagh harrym.

Psalmyn 35:26

Bee ad er nyn goyrt bun-ry-skyn as gys nearey cooidjagh ta goaill boggey jeh my heaghyn: bee ad er nyn goodaghey lesh oghsan as mee-ooashley ta boggyssagh m’oï.

Psalmyn 38:16

Ta mee er yeearree nagh jinnagh adsyn, dy jarroo my noidyn, boggyssagh harrym: son tra ren my chass skyrraghtyn, ghow ad mooarane boggey m’oï.

Psalmyn 89:42

T’ou er ghoaill ersooyl foyr e chliwe: as cha vel oo cur da barriaght ayns y chaggey.

Psalmyn 89:43

T’ou er choyrt ass e ghloyr: as er hilgey e stoyl-reeoil sheese gys y thalloo.

Isaiah 14:29

Ny jean uss boggyssagh slane Palestina, er-yn-oyr dy vel yn lorg echeysyn brisht, ren dty woalley: son magh ass fraue yn ard-nieu hig magh cockatrice; as bee yn sluight echey ard-nieu aileagh skianagh.

Jeremiah 18:11

Nish er-y-fa shen, gow royd, loayr rish deiney Yudah, as rish cummaltee Yerusalem, gra, Myr shoh ta’n Chiarn dy ghra, Cur-jee my-ner, ta mee kiarail olk nyn ’oï, as ta mee smooinaghtyn son kerraghey dy choyrt erriu: chyndaa-jee nish dagh unnane veih e ghrogh raad, as jean-jee nyn raaidyn as nyn obbraghyn y lhiasaghey.

Jeremiah 4:28

Son shoh nee’n thalloo dobberan, as bee ny niaughyn heose ayns doo-dorraghys: er-y-fa dy vel mee er loayrt eh, ta foym dy bee eh jeant, as cha jean-ym arrys y ghoaill, chamoo nee’m shen y chaghlaa.

Jeremiah 40:3

Nish ta’n Chiarn er choyrt eh gy-kione, as er n’yannoo cordail rish e raa: er-yn-oyr dy vel shiu er n’yannoo peccah noi’n Chiarn, as nagh vel shiu er choyrt biallys da e choraa, shen-y-fa ta’n olk shoh er jeet erriu.

Dobberan 1:5

Ta laue yn eaghtyr ec ny tranlaasee eck, ta e noidyn er ghoaill niart: son ta’n Chiarn er heaghney ee, son e ymmodee loghtyn; ta’n chloan eck er n’gholl ayns cappeeys roish y noid.

Dobberan 2:8

Ta’n Chiarn kiarit dy stroie voalley inneen Zion; t’eh er heeyney magh yn line towshan, cha vel eh er lhiettal e laue veih stroie: shen-y-fa hug eh er y chashtal as e voalley dy ghobberan; hie ad naardey dy cheilley.

Dobberan 3:43

T’ou er choodaghey shin lesh dty yymmoose, as er n’yannoo tranlaase orrin: t’ou er varroo gyn erreeish.

Dobberan 4:11

Ta’n Chiarn er chooilleeney e eulys, t’eh er gheayrtey magh dewilys e yymmoose, as er ghreesey aile ayns Zion, as t’eh er stroie ny undinyn eck.

Ezekiel 5:11

Shen-y-fa, myr ta mee bio, ta’n Chiarn Jee dy ghra, Son shickyrys, er-yn-oyr dy vel oo er an-chasherickey my hiamble lesh ooilley dty chliaghtaghyn dwoaiagh, as lesh ooilley dty obbraghyn eajee; shen-y-fa neem’s uss myrgeddin y leodaghey, chamoo nee my hooill lhiggey lhiat, chamoo goym chymmey jeed.

Ezekiel 8:18

Shen-y-fa neem’s myrgeddin dellal roosyn ayns jymmoose; cha jean my hooill gymmyrkey lhieu, chamoo vees chymmey aym orroo: as ga dy vel ad geamagh ayns my chleayshyn lesh ard-choraa, ny-yeih cha der-ym clashtyn daue.

Ezekiel 9:10

As er my hon’s myrgeddin, cha jean my hooill sparail, chamoo goym erreeish, agh neem’s nyn raad y chooilleeney er nyn ghing hene.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Micah 2:3

Shen-y-fa shoh myr ta’n Chiarn dy ghra, Cur-my-ner noi yn lught-thie shoh, ta mee kiarail olk, voish cha vod shiu shaghney nyn mwannallyn, chamoo hed shiu dy mooaralagh: son ta’n imbagh shoh seaghnagh.

Zephaniah 1:2

Neem’s dy bollagh stroie dy chooilley nhee veih’n thalloo, ta’n Chiarn dy ghra.

Zechariah 1:6

Agh my ghoan, as my lattyssyn, hug mee er currym my harvaantyn ny phadeyryn, nagh ren ad berraghtyn er nyn ayraghyn? as hyndaa ad, as dooyrt ad, ’Naght myr va Chiarn ny flaunyssee kiarit dy yannoo rooin, rere nyn raaidyn, as rere nyn yannoo, eer myr shen t’eh er ghellal rooin.