Dobberan 2:15 - Yn Vible Casherick 1775 1819

¹⁵ Ta ooilley ta goll shaghey bassey nyn laueyn ort; t’ad tassane as craa nyn ghing er inneen Yerusalem, gra, Nee shoh yn ard-valley ta sleih genmys yn ard-aalid as boggey’n slane seihll?

Dobberan 2:15 ပူးပေါင်းရင်းမြစ်များ

2 Reeaghyn 19:21

Shoh’n goo ta’n Chiarn er loayrt mychione echey, Ta’n voidyn, inneen Zion, er hoiaghey beg jeed, as er ghearey ort gys faghid; ta inneen Yerusalem er chraa e kione ort.

2 Recortyssyn 7:21

As y thie shoh ta cha ard, bee eh son yindys da dagh unnane ta goll shaghey; myr shen dy jir eh, Cre’n-fa ta’n Chiarn er n’yannoo myr shoh rish y cheer shoh, as rish y thie shoh?

Psalmyn 109:25

Cooin lhiam, O Hiarn my Yee: O jean uss mish y hauail cordail rish dty vyghin.

Psalmyn 22:7

Ta ooilley ny ta dy m’akin, gannidys orrym: t’ad sheeyney magh nyn meillyn, as craa nyn ghing, gra,

Psalmyn 48:2

Ta cronk Sion ynnyd aalin, as boggey yn seihll ooilley: er y cheu twoaie ta ard-valley yn ree mooar; te ry-akin dy vel Jee ayns ny plaaseyn eck myr kemmyrk shickyr.

Psalmyn 48:3

Son cur-my-ner, ta reeaghyn y thallooin: er nyn jaglym, as er n’gholl shaghey cooidjagh.

Psalmyn 50:2

Magh ass Sion ta Jee er hoilshaghey eh-hene: ayns aalid firrinagh.

Psalmyn 64:8

Dy feer, ver nyn jengaghyn hene orroo tuittym: ayns wheesh as dy jean adsyn ta fakin ad, garaghtee as craid y yannoo jeu.

Isaiah 28:21

Son nee yn Chiarn troggal er myr ayns cronk Pherazim, bee eh jymmoosagh myr ayns coan Ghibeon, dy yannoo e obbyr, e obbyr yindyssagh; as dy chooilleeney e yannoo, e yannoo yindyssagh.

Isaiah 37:22

Shoh yn goo ta’n Chiarn er loayrt my-e-chione, Ta’n voidyn, inneen Zion, er hoiaghey beg jeed, as er ghearey ort gys faghid; ta inneen Yerusalem er chraa e kione ort.

Isaiah 64:11

Ta’n thie aalin as casherick ain, raad hug nyn ayraghyn moylley dhyt’s, losht lesh aile: as ta ooilley ny nheeghyn eunyssagh ain er nyn goyrt naardey.

Jeremiah 18:16

Dy yannoo yn cheer ny hraartys, as son oltooan kinjagh: bee atchim er dy chooilley unnane hed shaghey, as craa-ee ad nyn ghing.

Jeremiah 19:8

As nee’m yn ard-valley shoh ny hraartys, as ny chraid: bee yindys mooar er dy chooilley unnane hed shaghey; as nee ad gannidys, kyndagh rish ooilley’n kerraghey trome hig urree.

Jeremiah 25:18

Ta shen dy ghra, Jerusalem, as ard-valjyn Yudah, as nyn reeaghyn, as nyn brinceyn, dy yannoo ad ny hraartys, as ny atchim, son flout, as faghid, as mollaght; (myr te ec y laa t’ayn jiu;)

Jeremiah 25:9

Cur-my-ner, ver-ym fys as goym ooilley ashoonyn y twoaie, ta’n Chiarn dy ghra, as Nebuchadrezzar ree Vabylon my harvaant, as ver-ym lhiam ad noi yn cheer shoh, as noi ny cummaltee eck, as noi ooilley ny cheeraghyn shoh ta mygeayrt-y-mood, as stroie-ym ad ooilley, as nee’m ad dy ve son atchim, as son oltooan, as son traartys foddey-beayn.

Jeremiah 26:6

Eisht neem’s y thie shoh y yannoo myr Shiloh, as yn ard-valley shoh ny vollaght da ooilley ashoonyn yn ooir.

Jeremiah 29:18

As ver-ym eiyrtys orroo lesh y chliwe, yn ghortey, as y chramp, as nee’m ad y livrey dy ve scughit gys dy chooilley reeriaght ’sy theihll, dy ve son mollaght, as atchim, as faghid, as an-ghoo, mastey dy chooilley ashoon raad ta mee er n’eiyrt ad:

Jeremiah 48:27

Son nagh row Israel hene son faghid dhyt? row eh ry-gheddyn mastey maarlee? son neayr’s loayr oo jeh, t’ou lheim son boggey.

Jeremiah 51:37

As hig Babylon dy ve ny holtanyn, ynnyd-vaghee son dragonyn, atchim, as faghid, fegooish cummaltagh.

Dobberan 1:21

T’ad er chlashtyn dy vel mee gosnaghey, cha vel gerjeyder aym: ta ooilley my noidyn er chlashtyn jeh my heaghyn, goaill boggey dy vel oo er n’yannoo eh: lhig y laa orroosyn t’ou er n’oardaghey, as bee ad casley rhym’s.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 2:16

Ta ooilley dty noidyn er vosley nyn meeal dt’oï: t’ad gannidys as snaggeraght lesh nyn veeacklyn: t’ad gra, Ta shin er lhuggey seose ee: ta shoh son shickyrys yn laa va shin jeeaghyn er y hon: ta shin er gheddyn, ta shin er vakin eh.

Dobberan 2:6

As t’eh dy bollagh er astyrt e chabbane-agglish myr (bwaag) ass garey, t’eh er stroie ynnydyn e haglym cooidjagh: ta’n Chiarn er chur er ny feaillaghyn as ny dooneeyn dy v’er ny yarrood ayns Zion, as ayns mooadys e yymmoose t’eh er hoiaghey beg jeh’n ree as y taggyrtys.

Ezekiel 16:13

Shoh myr v’ou soit magh lesh airh as argid, as va dty choamrey dy aanrit keyl, as sheeidey, as obbyr-snaidey; va dty veaghey flooyr meein, as mill, as ooil: as v’ou erskyn-towse aalin, as ren oo girree gys reeriaght.

Ezekiel 16:14

As hie goo dty aalid magh mastey ny ashoonee: son ve yindyssagh, trooid stoamid my choamrey stow mee ort, ta’n Chiarn Jee dy ghra.

Ezekiel 23:32

Myr shoh ta’n Chiarn Jee dy ghra, Iu-ee oo jeh cappan dty huyr, dowin as lhean: bee oo er ny chraidey mysh, as ayns faghid; s’mooar te dy chummal.

Ezekiel 25:6

Son myr shoh ta’n Chiarn Jee dy ghra, Er-yn-oyr dy vel uss er woalley dty vassyn, as er stampey lesh dty chassyn, as er ghoaill boggey ayns dty chree lesh ooilley dty vyskid noi cheer Israel:

Ezekiel 5:15

Myr shen bee eh ny oltooan, as an-ghoo, as raaue, as yindys da ny ashoonyn ta mygeayrt-y-mood, tra neem’s my vriwnyssyn y chooilleeney ort’s, ayns corree, as ayns eulys, as ayns oghsan dewil; ta mish y Chiarn er loayrt eh.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

Micah 6:16

Son ta slattyssyn Omri freilt, as ooilley cliaghtaghyn thie Ahab, as ta shiu gimmeeaght lurg ny coyrleyn ocsyn, dooys dy yannoo uss dty hraartys, as dty chummaltee son faghid; shen-y-fa nee shiu gymmyrkey oltooan my phobble.

Nahum 3:19

Cha vel saase cour dty lhott: s’dewil ta dty ghuin: nee ooilley ta clashtyn y skeeal jeed bwoalley nyn massyn harryd; son quoi er nagh vel oo keayrt ny keayrt ennagh er n’yannoo tranlaase?

Zephaniah 2:15

Shoh yn ard-valley boggyssagh, va cummal ayns soaillid, dooyrt ayns e cree, Ta mish ayn, as cha vel unnane erbee casley rhym: kys t’ee er jeet dy ve ny traartys, ynnyd son maase dy lhie sheese ayn! nee dagh fer hed shaghey thassane ayns craid, as craa e laue urree.

Noo Mian 27:39

As doltooan y vooinjer va goll shaghey eh, craa nyn ghing.

Noo Mark 15:29

As loayr yn vooinjer va goll shaghey dy lunagh n’oï, craa nyn ghing, as gra, Ah, uss ta lhieggal y chiamble, as dy hroggal eh reesht ayns three laa,