Dobberan 2:14 - Yn Vible Casherick 1775 1819

¹⁴ Ta dty adeyryn er vakin nheeghyn fardalagh as ommijagh er dty hon; as cha vel ad er vrah dty loghtyn, dy hyndaa ersooyl dty chappeeys, agh t’ad er vakin dty chour erraghyn foalsey, as oyryn eebyrt-cheerey.

Dobberan 2:14 ပူးပေါင်းရင်းမြစ်များ

Isaiah 58:1

Yllee dy ard, ny lhig sheese dty ghoo; trog seose dty choraa myr trumpet, as soilshee da my phobble nyn ghrogh-yannoo, as da thie Yacob nyn beccaghyn.

Jeremiah 2:8

Cha dooyrt ny fir-ynsee, Cre vel y Chiarn? as adsyn va’n leigh er nyn gurrym, cha bione daue mee: ny fir-reill myrgeddin ren ad olk m’oï, as ren ny phadeyryn phadeyrys liorish Baal, as hie ad geiyrt er fardail gyn-ymmyd.

Jeremiah 20:6

As uss, Pashur, as ooilley ta cummal ayns dty hie, hed shiu ersooyl ayns cappeeys: as hig oo gys Babylon, as ayns shen yiow baase, as shen y raad bee oo er dty oanluckey, oo hene as ooilley dty chaarjyn, daue t’ou er n’yannoo phadeyrys foalsey.

Jeremiah 23:22

Agh dy beagh ad er hassoo gys my choyrle, as v’er choyrt da my phobble toiggal jeh my ghoo, eisht veagh ad er hyndaa ad veih nyn raaidyn mee-chrauee, as veih nyn ghrogh-yannoo.

Jeremiah 23:36

As errey yn Chiarn cha jean shiu genmys arragh; son bee goan dagh dooinney yn errey echey hene: son ta shiu er chaghlaa goan y Jee bio, Chiarn ny sheshaghtyn flaunyssagh, yn Jee ainyn.

Jeremiah 28:15

Eisht dooyrt y phadeyr Jeremiah rish yn adeyr Hananiah, Eaisht rhym nish, Hananiah, Cha vel yn Chiarn er dty choyrt; agh t’ou cur er y pobble shoh dy hreishteil ayns breg.

Jeremiah 29:21

Myr shoh ta Chiarn ny flaunyssee, Jee Israel, dy ghra, mychione Ahab mac Cholaiah, as Zedekiah mac Vaaseiah, ta phadeyrys breg diu ayns my ennym, Cur-my-ner livrey-yms ad gys laue Nebuchadrezzar ree Vabylon, as nee eh ad y varroo kiongoyrt rish ny sooillyn eu;

Jeremiah 37:19

Cre vel nish ny phadeyryn eu, ren phadeyrys diu, gra, Cha jig ree Vabylon nyn ’oï, ny noi yn cheer shoh?

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Dobberan 4:13

Kyndagh rish peccaghyn e phadeyryn, as mee-chairys e haggyrtyn, t’er gheayrtey fuill yn vooinjer ynrick ayns y vean eck;

Ezekiel 13:22

Er-yn-oyr dy vel shiu lesh breagyn er n’yannoo cree yn er-crauee trimshagh, nagh vel mish er n’yannoo trimshagh; as er niartaghey laueyn ny mee-chrauee, gyn eh dy hyndaa veih e ghrogh raad, liorish gialdynys bea da:

Ezekiel 22:25

Ta coardail follit mastey ny phadeyryn eck cheu-sthie j’ee, myr lion garveigagh lheim er y spooilley: t’ad er stroie anmeenyn: t’ad er ghoaill yn verchys, as yn chooid chostal: t’ad er n’yannoo ymmodee mraane-treoghe cheu-sthie j’ee.

Ezekiel 22:28

As ta ny phadeyryn er laa ad lesh morter moal, fakin fardalys, as faishnys breagyn daue, gra, Myr shoh ta’n Chiarn Jee dy ghra, tra nagh vel y Chiarn er loayrt.

Ezekiel 23:36

Dooyrt y Chiarn rhym’s ny-sodjey, Vac y dooinney, nagh jean uss Aholah as Aholibah y vriwnys? dy jarroo, soilshee daue nyn aghtyn eajee;

Hosea 9:7

Ta laghyn yn cherraghey er jeet, ta laghyn y chooilleeney er verraghtyn orroo, yiow Israel fys er: ta’n phadeyr ny ommydan, ta’n dooinney spyrrydoil ass e cheeayll, son mooadys dty vee-chraueeaght, as y jymmoose hrome.

Micah 2:11

My ta dooinney gimmeeaght ayns spyrryd dy oalsaght, cur rish breagyn, gra, Nee’m phadeyrys dhyt mychione feeyn as jough lajer; bee eshyn eer phadeyr yn phobble shoh.

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Zephaniah 3:4

Ta ny phadeyryn eck deiney eddrym as cluicagh: ta ny saggyrtyn eck er an-chasherickey yn ynnyd casherick, t’ad er vrishey stiagh er y leigh.