Dobberan 2:10 - Yn Vible Casherick 1775 1819

¹⁰ Ta shanstyr inneen Zion nyn soie er y thalloo, as t’ad nyn dhost; t’ad er cheau joan er nyn ghing; t’ad er chur orroo aanrit-sack, ta moidynyn Yerusalem croymmey nyn ghing gys y thalloo.

Dobberan 2:10 ပူးပေါင်းရင်းမြစ်များ

2 Samuel 13:19

As hug Tamar leoie er e kione, as raip ee e coamrey dy chaghlaaghyn daah v’urree, as hug ee e laue er e kione, as hie ee er e toshiaght keayney.

Isaiah 15:3

Ayns ny straïdyn oc, nee ad cryssey ad-hene lesh aanrit-sack: er mullagh nyn dhieyn, as ayns ny straïdyn, nee dagh unnane gullyrnee, keayney dy sharroo.

Isaiah 3:24

As hig eh gy-kione, ayns ynnyd soar millish, dy bee breinnid; as ayns ynnyd cryss aalin, frytlagyn; as ayns ynnyd folt soit magh dy stoamey, vees meaylid; as ayns ynnyd stomacher, aanrit-sack; as ayns ynnyd aalid eddin, lostey greïney.

Isaiah 3:26

As nee ny giattyn eck keayney as dobberan, as ee hene lhie treigit er y thalloo.

Isaiah 36:22

Eisht haink Eliakim mac Hilkiah, va harrish y lught-thie, as Shebna yn scrudeyr, as Joah mac Asaph yn ard-chleragh, gys Hezekiah lesh nyn goamraghyn raipit, as dinsh ad da goan Rabshakeh.

Isaiah 47:1

Tar neose, as soie ayns y joan, O voidyn inneen Vabylon; soie er y thalloo: cha vel stoyl-reeoil sodjey dty chour’s, O inneen ny Caldeanee: son cha bee oo ny smoo enmyssit seyr as mettey.

Isaiah 47:5

Soie uss dty host, as stiagh oo ayns dorraghys, O inneen ny Caldeanee: son cha bee oo ny smoo enmyssit, Ard-lady ny reeriaghtyn.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Dobberan 1:1

Kys ta’n ard-valley va lane dy leih soie ny lhome-lomarcan! kys t’ee er jeet dy ve myr ben-treoghe! ish s’ooasle va mastey ny ashoonyn, as princess mastey ny rheamyn, kys t’ee er jeet dy ve fo keesh!

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 3:28

T’eh soie ny-lomarcan, as ny host, er-yn-oyr dy vel eh er n’ymmyrkey er eh.

Dobberan 4:16

Ta corree yn Chiarn er skeayley ad, cha der eh geill sodjey daue: cha ren ad soiaghey jeh persoon ny saggyrtyn, ny cur ammys da’n chanstyr.

Dobberan 4:5

Adsyn va beaghey dy keiyn, t’ad treigit ayns ny straïdyn: adsyn va coamrit lesh scarleod t’ad lhie er ny torranyn.

Dobberan 5:12

Ta ny princeyn croghit liorish ny laueyn oc; cha ren ad soiaghey jeh eddin y chanstyr.

Dobberan 5:14

Ta’n chanstyr er hreigeil yn giat; as ny deiney aegey er scuirr veih bingys nyn giaulleeaght.

Ezekiel 27:30

As ver ad er nyn goraa dy ve er ny chlashtyn dt’oï, as nee ad geamagh dy sharroo, as tilgey joan er nyn ghing, nee ad gymmylt ad-hene ’sy leoie.

Ezekiel 27:31

As nee ad jannoo ad-hene dy bollagh meayl er dty hon’s, as ver ad aanrit-sack orroo hene, as nee ad dobberan er dty hon, lesh sherriuid cree, as keayney ghyere.

Ezekiel 7:18

Nee ad myrgeddin ad-hene y chryssey lesh aanrit-sack, as nee atchim ad y choodaghey, as bee nearey er dy chooilley eddin, as meaylid er dy chooilley chione.

Joel 1:8

Keayn-jee myr ben-aeg ayns aanrit-sack, son sheshey yn aegid eck.

Amos 5:13

Shen-y-fa bee yn dooinney creeney ny host ayns lheid y traa, son s’olk yn traa te.

Amos 8:13

’Sy laa shen nee ny moidynyn aalin, as ny deiney aegey goll neeal lesh paays.

Amos 8:3

As bee kiaulleeaght y chiamble er ny hyndaa gys yllaghey, ’sy laa shen, ta’n Chiarn Jee dy ghra; bee ymmodee kirp marroo ayns dy chooilley voayl, tilgee ad magh ad dy follit.

Jonah 3:6

Son haink y goo gys ree Nineveh, as dirree eh veih e stoyl-reeoil, as hug eh jeh e choamrey reeoil, as choodee eh eh-hene lesh aanrit-sack, as lhie eh ’sy leoie.

Joshua 7:6

As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.

Ashlish 18:19

As cheau ad joan er nyn ging, as deïe ad, lesh keayney as dobberan, gra, Ah treih, treih, yn ard-valley mooar shen, aynjee va jeant berchagh dy chooilley unnane va lhongyn oc er yn aarkey, liorish yn aght-baghee costyllagh eck! son ayns un oor t’ee er ny yannoo follym-faase.