Dobberan 2:1 - Yn Vible Casherick 1775 1819

¹ Kys ta’n Chiarn ayns e yymmoose er choodaghey inneen Zion lesh bodjal, as er lhieggal aalid Israel veih niau gys y thalloo, as cha chooinee eh er stoyl e choshey ayns laa e eulys!

Dobberan 2:1 ပူးပေါင်းရင်းမြစ်များ

2 Samuel 1:19

Ta aalid Israel er ny stroie er dty ynnydyn ard: kys ta ny treanee er duittym!

1 Recortyssyn 28:2

Eisht hass David y ree seose, as dooyrt eh, Eaisht-jee rhym, my vraaraghyn, as my phobble, Er my hon’s, ve ayns my chree dy hroggal thie dy shickyr son arg conaant y Chiarn, as son stoyl-choshey nyn Yee, as ren mee kiarail ro-laue son yn obbyr:

Psalmyn 132:7

Hem mayd stiagh ayns y chabbane-agglish echeysyn: as tuittee mayd injil er nyn ghlioonyn kiongoyrt rish stoyl e choshey.

Psalmyn 89:45

Hiarn, caïd nee uss oo hene y ollaghey, nee son dy bragh: as jean dty chorree lostey goll-rish aile?

Psalmyn 99:5

O cur-jee ard-voylley da’n Chiarn y Jee ain: as tuitt-jee sheese er nyn ghlioonyn kiongoyrt rish stoyl e choshey, son t’eshyn casherick.

Isaiah 64:11

Ta’n thie aalin as casherick ain, raad hug nyn ayraghyn moylley dhyt’s, losht lesh aile: as ta ooilley ny nheeghyn eunyssagh ain er nyn goyrt naardey.

Jeremiah 30:14

Ta ooilley dty ghraihderyn er dty yarrood; cha vel nyn aigney hood: son ta mee er dty lhottey lesh lhott noidey, lesh smaghtaghey fer dewil, son mooadys dty vee-chairys; son dy row dty pheccaghyn ymmodee.

Dobberan 1:1

Kys ta’n ard-valley va lane dy leih soie ny lhome-lomarcan! kys t’ee er jeet dy ve myr ben-treoghe! ish s’ooasle va mastey ny ashoonyn, as princess mastey ny rheamyn, kys t’ee er jeet dy ve fo keesh!

Dobberan 1:12

Nagh vel scansh euish jeh, ooilley shiuish ta goll shaghey? cur-jee my-ner as jeeagh, my ta trimshey erbee goll-rish yn trimshey aym’s, t’er duittym orrym, lesh ta’n Chiarn er my laadey ayns laa e yymmoose hrome.

Dobberan 2:17

Ta’n Chiarn er n’yannoo shen v’eh er chiarail: t’eh er chooilleeney e raa v’eh er harey ayns y chenn earish: t’eh er cheau sheese fegooish chymmey: as t’eh er chur er dty noid dy voggyssagh harryd, t’eh er hoiaghey seose niart dty noidyn.

Dobberan 4:1

Kys ta’n airh er jeet dy ve dorraghey! kys ta’n airh s’glenney er ny chaghlaa! ta claghyn yn ynnyd casherick ceaut magh ayns kione dy chooilley straïd.

Dobberan 4:11

Ta’n Chiarn er chooilleeney e eulys, t’eh er gheayrtey magh dewilys e yymmoose, as er ghreesey aile ayns Zion, as t’eh er stroie ny undinyn eck.

Ezekiel 13:13

Shen-y-fa, myr shoh ta’n Chiarn Jee dy ghra, Lhieg-yms eh dy jarroo lesh geay rastagh ayns my eulys, as bee deayrtey trome-liaghee ayns my yymmoose, as claghyn mooarey sniaghtee ayns eulys dy chur mow eh.

Ezekiel 19:12

Agh v’ee er ny astyrt ayns eulys, v’ee tilgit sheese gys y thalloo, as ren y gheay-niar shirgaghey seose ny messyn eck: va ny slattagyn lajer eck brisht as fiojit, stroie yn aile ad.

Ezekiel 24:21

Abbyr rish thie Israel, Myr shoh ta’n Chiarn dy ghra, Cur-my-ner, neem’s my ynnyd casherick ny hraartys, ard-vooaralys nyn niart, yeearree jeean nyn sooillyn, as shen ta nyn annym soit er: as nee ny mec, as ny inneenyn eu t’er-mayrn, tuittym liorish y chliwe.

Ezekiel 30:18

Ec Tehaphnehes neesht bee yn laa fo dorraghys, tra neem’s brishey ayns shen quingyn Egypt: as nee mooaralys yn niart ecksh failleil aynjee: agh son ee hene, nee bodjal ish y choodaghey, as hed ny inneenyn ecksh ayns cappeeys.

Joel 2:2

Laa dy ghorraghys, as dy ghrooid, laa dy vodjallyn as dy ghorraghys dowin, myr y voghrey skeaylt er ny sleityn; pobble mooar as niartal, cha row rieau nyn lheid, chamoo vees arragh ny lurg oc, eer gys bleeantyn ymmodee sheelogheyn.

Noo Mian 11:23

As uss, Chapernaum, ta dty ooashley roshtyn gys niau, bee oo er dty hilgey sheese gys niurin: son dy beagh ny obbraghyn yindyssagh er ve jeant ayns Sodom, t’er ve jeant aynyd’s, veagh eh er ve er-mayrn gys y laa t’ayn jiu.

Noo Luke 10:15

As uss Chapernaum, ta dty ooashley roshtyn gys niau, bee oo er dty hilgey sheese gys niurin.

Noo Luke 10:18

As dooyrt eh roo, Honnick mee Noid-ny-hanmey, myr tendreil, tuittym veih niau.

1 Samuel 4:21

Agh denmys ee yn lhiannoo I-chabod, gra, Ta’n ghloyr er n’immeeaght veih Israel: (er-yn-oyr dy row arg Yee goit, as er graih yn ayr-’sy-leigh eck as e sheshey:)

1 Samuel 4:22

As dooyrt ee, Ta gloyr Israel er n’immeeaght; son ta arg Yee goit.