Dobberan 1:9 - Yn Vible Casherick 1775 1819

⁹ Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 1:9 ပူးပေါင်းရင်းမြစ်များ

2 Samuel 16:12

Foddee dy jean y Chiarn jeeaghyn er my hrimshey, as dy der y Chiarn cooilleeney mie dou son y ghweeaghyn echeysyn er y laa shoh.

2 Reeaghyn 14:26

Son honnick y Chiarn seaghyn Israel, dy row ad feer dewil: son cha row couyr erbee faagit sthie ny mooie, ny cooneyder son Israel.

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Psalmyn 119:153

O smooinee er my arkys, as livrey mee: son cha vel mee jarrood dty leigh.

Psalmyn 140:8

Ny lhig da’n dooinney mee-chrauee cooilleen-aigney ’gheddyn orrym, O Hiarn: ny lhig da ny saaseyn aggairagh echey goaill toshiaght, nagh bee ad ro voyrnagh.

Psalmyn 25:18

Jeeagh er my noidyn kys t’ad er nyn mishaghey: as t’ad gymmyrkey goanlys tranlaasagh m’oï.

Psalmyn 69:21

Ta dt’oghsan er vrishey my chree, ta mee lane dy hrimshey: yeeagh mee son fer ennagh dy ghoaill chymmey orrym, agh cha row dooinney erbee; chamoo hooar mee unnane erbee dy my gherjaghey.

Exodus 3:17

As ta mee er ghra, Ver-ym lhiam shiu ass seaghyn Egypt, gys cheer ny Chanaaniteyn, as ny Hittiteyn, as ny Amoriteyn, as ny Perizziteyn, as ny Hiviteyn, as ny Jebusiteyn, gys cheer taal bainney as mill.

Exodus 3:7

As dooyrt y Chiarn, Dy firrinagh ta mee er vakin seaghyn my phobble t’ayns Egypt, as ta mee er chlashtyn nyn eam, kyndagh rish nyn oaseiryn tranlaasagh; son shione dou nyn drimshey.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Ecclesiastes 4:1

Myr shen hyndaa mee, as smooinee mee er ooilley’n tranlaase t’er ny yannoo fo’n ghrian: as cur-my-ner ny jeïr ocsyn va tranlaasit, as cha row oc fendeilagh; as er cheu ny tranlaasee oc va pooar, agh ocsyn cha row fendeilagh.

Isaiah 3:8

Son ta Jerusalem naardey, as ta Judah er duittym; er-yn-oyr dy vel yn chengey as yn jannoo oc noi yn Chiarn, dy vrasnaghey sooillyn e ghloyr.

Isaiah 37:17

Croym dty chleaysh, O Hiarn, as eaisht; foshil dty hooillyn, O Hiarn, as cur-my-ner; as gow tastey jeh ooilley goan Sennacherib, t’eh er choyrt dy oltooaney yn Jee bio.

Isaiah 37:23

Quoi shen t’ou uss er oltooaney, as er loayrt goan mollaghtagh n’oï? as quoi n’oï t’ou er n’ockley magh dty choraa, as dy mooaralagh er hroggal dty hooillyn? eer noi Jee casherick Israel.

Isaiah 37:29

Er-yn-oyr dy vel dty eulys m’oï, as dty anvea er jeet gys my chleayshyn; shen-y-fa ver-yms my ghooan ayns dty stroin, as my streean ayns dty veillyn, as chyndaa-ym oo back er y raad haink oo.

Isaiah 37:4

Foddee eh ’ve, dy jean y Chiarn dty Yee clashtyn goan Rabshakeh, ta ree Assyria e vainshtyr er choyrt dy oltooaney yn Jee bio, as dy der eh oghsan da ny goan ta’n Chiarn dty Yee er chlashtyn: shen-y-fa trog seose dty phadjer son y fooilliagh ta faagit.

Isaiah 40:2

Loayr-jee dy gerjoilagh rish Jerusalem, as eïe-jee dy vel y seaghyn eck harrish, dy vel y vee-chairys eck er ny phardooney; son t’ee er gheddyn veih laue yn Chiarn [kerraghey] dooble son ooilley e peccaghyn.

Isaiah 47:7

As t’ou er ghra, Bee’m my ard-lady son dy bragh: as cha ren oo ny reddyn shoh y ghoaill gys dty chree, chamoo ren oo smooinaghtyn cre’n jerrey harragh er.

Isaiah 51:19

Ta’n daa olk shoh er jeet ort; quoi vees trimshagh er dty hon? traartys, as toyrt-mow, as yn ghenney, as yn cliwe: quoi liorish nee’m dty gherjaghey?

Isaiah 54:11

O uss ta seaghnit, ta eiyrit noon as noal lesh y dorrin, as nagh vel er dty gherjaghey, cur-my-ner, neem’s layal dty chlaghyn dy chullyryn aalin, as ny undinyn ayd’s lesh sapphireyn.

Jeremiah 13:27

Ta mee er vakin kys t’ou er vrishey poosey m’oï, yllaghey dty reaïd, rouanys dty vaarderys, as dty obbraghyn naareydagh er ny croink fud y vagheragh. Smerg dhyt’s, O Yerusalem! nagh bee oo er dty ghlenney? cuin vees y traa?

Jeremiah 16:7

Chamoo vees arran er ny vrishey er nyn son ayns trimshey, dy gherjaghey ad son ny merriu; chamoo ver deiney daue yn cappan dy gherjagh dy iu son ayr ny moir.

Jeremiah 2:34

Ayns ny ardjyn ayd’s myrgeddin t’er ny gheddyn fuill oikanyn ôney: cha nee ayns ny jeeigyn hooar mee eh, agh raad gheayrt oo eh.

Jeremiah 48:26

Jean-jee eh er-meshtey; son dirree eh magh noi yn Chiarn: bee Moab seiyt ’sy skeay echey hene, as bee eshyn neesht son faghid.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 50:29

Eïe-jee er ny sideyryn noi Babylon: ooilley shiuish ta lhoobey yn vhow, camp-jee noi eck chion mygeayrt: ny lhig da veg cosney ass-jee: cur-jee leagh e obbraghyn; rere myr ooilley t’ee er n’yannoo, jean-jee reeish: son t’ee er ve mooaralagh noi yn Chiarn, Fer casherick Israel.

Dobberan 1:17

Ta Zion skeayley magh e laueyn, as cha vel fer erbee dy gherjaghey ee: ta’n Chiarn er harey mychione Jacob, dy beagh e noidyn mygeayrt-y-mysh: ta Jerusalem myr ben veeoil ny-vud oc.

Dobberan 1:21

T’ad er chlashtyn dy vel mee gosnaghey, cha vel gerjeyder aym: ta ooilley my noidyn er chlashtyn jeh my heaghyn, goaill boggey dy vel oo er n’yannoo eh: lhig y laa orroosyn t’ou er n’oardaghey, as bee ad casley rhym’s.

Dobberan 2:13

Quoi nee’m y ghoaill son feanish ort? cre gys nee’m dty hoylaghey, O inneen Yerusalem? cre nee’m y chormal rhyt, dy voddym dty gherjaghey, O voidyn inneen Zion? son ta dty vrishey mooar myr yn aarkey; quoi oddys dty lheihys?

Dobberan 4:1

Kys ta’n airh er jeet dy ve dorraghey! kys ta’n airh s’glenney er ny chaghlaa! ta claghyn yn ynnyd casherick ceaut magh ayns kione dy chooilley straïd.

Dobberan 5:1

Cooinee, O Hiarn, cre t’er jeet orrin, smooinee er, as cur-my-ner nyn oltooan.

Hosea 2:14

Shen-y-fa, cur-my-ner, nee’m ee y chleayney, as ver-ym lhiam ee gys yn aasagh, as loayr-ym dy dooie r’ee.

Zephaniah 2:10

Shoh vees leagh nyn moyrn, er-yn-oyr dy vel ad er oltooaney, as er voggyssagh ad-hene noi pobble Chiarn ny flaunyssee.

Noo Ean 11:19

As va ymmodee jeh ny Hewnyn er jeet magh gys Martha as Moirrey, dy gherjaghey ad son nyn mraar.

Deuteronomy 26:7

As tra ren shin gaccan gys y Chiarn Jee nyn ayraghyn, cheayll y Chiarn nyn goraa, as yeeagh eh er nyn seaghyn, y deinys, as y tranlaase ain.

Deuteronomy 32:27

Agh lhig mee lhieu er coontey’n noid, nagh jinnagh nyn noidyn gymmyrkey ad hene dy mooaralagh, as gra, Niart nyn laue hene, as cha nee’n Chiarn, t’er n’yannoo ooilley shoh.

Deuteronomy 32:29

O dy beagh ad creeney, dy doiggagh ad shoh, dy goghe ad gys nyn gree nyn laghyn jerrinagh!

1 Peddyr 4:17

Son ta’n traa tayrn er-gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

1 Samuel 1:11

As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.