Dobberan 1:8 - Yn Vible Casherick 1775 1819

⁸ S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 1:8 ပူးပေါင်းရင်းမြစ်များ

Genesis 3:7

As va ny sooillyn oc ny-neesht er nyn vosley, as hoig ad dy row ad rooisht: as ren ad fee duillagyn figgagh cooidjagh, dy choodaghey ad hene.

1 Reeaghyn 9:6

Agh my nee shiu ec traa erbee chyndaa ersooyl veih geiyrt orrym, shiuish ny nyn gloan, as gyn freayll my annaghyn as my lattyssyn ta mee er hoiaghey kiongoyrt riu, agh goll as shirveish jeeghyn elley, as cur ooashley daue;

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

1 Reeaghyn 9:9

As nee ad freggyrt, Er-yn-oyr dy hreig ad y Chiarn yn Jee oc, hug lesh magh nyn ayraghyn ass thalloo Egypt, as t’ad er lhiantyn gys jeeghyn elley, as er chur ooashley daue, as er hirveish ad: shen-y-fa ta’n Chiarn er chur lesh ooilley’n olk shoh orroo.

Isaiah 47:3

Bee dty scammylt er ny hoilshaghey, eer bee dty nearey er ny akin: goym’s cooilleeney, as cha jig-ym dty whail myr dooinney.

Jeremiah 13:22

As my jir oo ayns dty chree, Cre’n-fa ta ny reddyn shoh cheet orrym? Son mooadys dty vee-chairys ta dty nearey ry-akin, as dty voynyn er nyn roostey.

Jeremiah 13:26

Shen-y-fa neem’s rumbyllyn dty choamrey y hroggal er dty eddin, dy vod dty nearey v’er ny akin.

Jeremiah 15:4

As ver-ym orroo dy v’er nyn scughey gys ooilley reeriaghtyn y theihll, kyndagh rish Manasseh mac Hezekiah ree Yudah, son shen ny ren eh ayns Jerusalem.

Jeremiah 24:9

As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 4:31

Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.

Jeremiah 6:28

T’ad ooilley nyn ard-vee-viallee, gimmeeaght lesh scammyltyn: t’ad prash as yiarn; t’ad ooilley-cooidjagh shleeuit er olk.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Dobberan 1:17

Ta Zion skeayley magh e laueyn, as cha vel fer erbee dy gherjaghey ee: ta’n Chiarn er harey mychione Jacob, dy beagh e noidyn mygeayrt-y-mysh: ta Jerusalem myr ben veeoil ny-vud oc.

Dobberan 2:10

Ta shanstyr inneen Zion nyn soie er y thalloo, as t’ad nyn dhost; t’ad er cheau joan er nyn ghing; t’ad er chur orroo aanrit-sack, ta moidynyn Yerusalem croymmey nyn ghing gys y thalloo.

Dobberan 4:21

Gow boggey, as bee gennal, O inneen Edom, ta cummal ayns cheer Uz; nee yn cappan myrgeddin goll harrish hood: bee uss er-meshtey, as er dty roostey.

Ezekiel 23:29

As dellee ad dy feohdagh rhyt, as nee ad ooilley dty laboraght y ghoaill ersooyl, as faagee ad oo rooisht as lhome, as bee nearey dty vaarderys er ny akin, chammah dty yollys as dty vaarderys.

Ezekiel 23:46

Son myr shoh ta’n Chiarn Jee dy ghra, Ver-ym lhiam sheshaght orroo, as livrey-ym seose ad gys cappeeys as spooilley.

Ezekiel 39:23

As bee toiggal ec ny ashoonee, dy jagh thie Israel ayns cappeeys son nyn ghrogh-yannoo: er-yn-oyr dy ren ad ard-loghtynys m’oï; shen-y-fa dollee mee my eddin vouesyn, as hug mee ad ayns laue nyn noidyn: myr shen huitt ad ooilley liorish y chliwe.

Hosea 2:10

As nish brah-ym yn drogh-vea eck fenish e maarderee, as cha jean fer erbee ish y livrey ass my laue.

Hosea 2:3

Er-aggle, dy der-ym ee gys nearey, cha rooisht as y laa ruggyr ee, as dy jean-ym ee myr faasagh, as myr thalloo reeastaneagh, as dy marr-ym ee lesh paays.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooilaghey lesh shelliu-sooilley, dy vod oo fakin.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.