Dobberan 1:7 - Yn Vible Casherick 1775 1819

⁷ Chooinee Jerusalem, ayns laghyn yn seaghyn as y treihys eck, er e cooid eunyssagh v’eck ayns y chenn earish, tra huitt e pobble ayns laueyn ny noidyn, cha row eck fer-coonee erbee, honnick e noidyn ee, as chraid ad mysh ny dooneeyn eck.

Dobberan 1:7 ပူးပေါင်းရင်းမြစ်များ

Lioar Yob 29:2

Oh dy beagh mee myr ayns ny meeaghyn t’er n’gholl shaghey, myr ayns ny laghyn tra ren Jee m’y choadey;

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 77:3

Tra ta mee ayns trimshey, smooinee-ym er Jee: tra ta my chree seaghnit, nee’m gaccan.

Psalmyn 79:4

Ta shin er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

Isaiah 64:10

Ta dty ard-valjyn casherick nyn vaasagh, ta Zion ny chaitnys, as Jerusalem ny hraartys.

Isaiah 64:11

Ta’n thie aalin as casherick ain, raad hug nyn ayraghyn moylley dhyt’s, losht lesh aile: as ta ooilley ny nheeghyn eunyssagh ain er nyn goyrt naardey.

Jeremiah 37:7

Myr shoh ta’n Chiarn Jee Israel dy ghra, Abbyr-jee myr shoh rish ree Yudah, hug shiu hym’s dy vriaght jee’m, Cur-my-ner, nee armee Pharaoh, t’er jeet magh dy chooney lhieu, chyndaa gys Egypt gys y cheer oc hene.

Jeremiah 48:27

Son nagh row Israel hene son faghid dhyt? row eh ry-gheddyn mastey maarlee? son neayr’s loayr oo jeh, t’ou lheim son boggey.

Dobberan 4:17

Er y hon ainyn, ta nyn sooillyn er vailleil trooid treishteil fardalagh nyn gooney: ayns nyn arrey yeeagh shin son ashoon, nagh voddagh sauail shin.

Ezekiel 25:3

As abbyr rish ny Ammoniteyn, Clasht-jee goo yn Chiarn Jee, Myr shoh ta’n Chiarn Jee dy ghra, Er son dy vel uss er ghra, Aha, noi yn ynnyd casherick aym’s, ec y traa ve er ny choyrt naardey, as noi thalloo Israel, tra ve treigit, as noi thie Yudah, tra v’ad goit ersooyl ayns cappeeys;

Ezekiel 25:6

Son myr shoh ta’n Chiarn Jee dy ghra, Er-yn-oyr dy vel uss er woalley dty vassyn, as er stampey lesh dty chassyn, as er ghoaill boggey ayns dty chree lesh ooilley dty vyskid noi cheer Israel:

Hosea 2:7

As hed ee geiyrt er e gimmanyn, agh cha berr ee orroo; nee ee shirrey nyn yeï, agh cha vow ee magh ad: eisht jir ee, Hem roym dy valley gys my chied heshey, son va mee ny s’maynrey mârishyn, na ta mee nish.

Micah 4:11

Nish myrgeddin ta ymmodee ashoonee chaglit dt’oï, ta gra, Lhig dooin jeeill y yannoo aynjee, as lhig da’n sooill ain jeeaghyn er Zion.

Noo Luke 15:17

As tra v’eh er jeet huggey hene, dooyrt eh, Nagh nhimmey sharvaant failt t’ec my ayr ta nyn saie arran oc, as fooilliagh, as ta mish goll mow laccal beaghey!

Noo Luke 16:25

Agh dooyrt Abraham, Vac, cooinee uss ayns earish dty vea dy row ayd’s dy chooilley nhee mie, as myrgeddin ec Lazarus cha row monney agh seaghyn: agh nish t’eshyn er ny gherjaghey, as t’ou uss er dty horchaghey.