Dobberan 1:5 - Yn Vible Casherick 1775 1819

⁵ Ta laue yn eaghtyr ec ny tranlaasee eck, ta e noidyn er ghoaill niart: son ta’n Chiarn er heaghney ee, son e ymmodee loghtyn; ta’n chloan eck er n’gholl ayns cappeeys roish y noid.

Dobberan 1:5 ပူးပေါင်းရင်းမြစ်များ

2 Reeaghyn 21:15

Er-yn-oyr da vel ad er n’yannoo shen ny va olk ayns my hilley, as er m’y vrasnaghey gys corree, er-dyn laa haink nyn ayraghyn magh ass Egypt, eer gys y laa t’ayn jiu.

Psalmyn 80:6

T’ou uss er n’yannoo shin eer streeu da nyn naboonyn: as ta nyn noidyn garaghtee orrin gys craid.

Psalmyn 89:42

T’ou er ghoaill ersooyl foyr e chliwe: as cha vel oo cur da barriaght ayns y chaggey.

Isaiah 22:5

Son te laa dy heaghyn as dy arkys, as dy hrimshey veih’n Chiarn, Jee ny flaunyssee, ayns coan yn ashlish, jeh brishey sheese ny voallaghyn, as eam gys ny sleityn.

Isaiah 63:18

Cha row eh agh son traa giare eiraght dty phobble’s casherick: ta nyn noidyn er stampey sheese dty ynnyd casherick.

Jeremiah 10:20

Ta my chabbane er ny spooilley, as ta ooilley my choyrdyn brisht: ta my chloan er n’gholl magh voym, as cha vel ad arragh; cha vel unnane faagit dy heeyney magh reesht my chabbane, as dy hoiaghey seose my churtanyn.

Jeremiah 12:7

Ta mee er hreigeil my hie, ta mee er chur voym my eiraght; ta mee er livrey ish va slane graih my chree gys laueyn e noidyn.

Jeremiah 23:14

Ta mee er vakin myrgeddin ayns phadeyryn Yerusalem red feer atchimagh: t’ad brishey poosey, as gimmeeaght ayns breagyn; t’ad myrgeddin niartaghey laueyn ny drogh-yantee, nagh vel unnane erbee chyndaa veih e vee-chraueeaght: t’ad ooilley dooys myr Sodom, as ny cummaltee eck myr Gomorrah.

Jeremiah 39:9

Eisht hug Nebuzaradan, captan y ghard, lesh ersooyl nyn gappeeyn gys Babylon fooilliagh yn phobble va er-mayrn ayns yn ard-valley, as adsyn ren tuittym lesh, as haink harrish huggey, marish yn chooid elley jeh’n sleih va faagit.

Jeremiah 5:29

Nagh jean-yms kerraghey y ghoaill son ny peccaghyn shoh? ta’n Chiarn dy ghra: nagh jean m’annym cooilleeney y ghoaill er lheid yn ashoon shoh?

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 1:18

Ta’n Chiarn ynrick, son ta mee er n’irree-magh noi e annaghyn: clasht-jee, ta mee guee erriu, ooilley shiuish phobble, as cur-jee my-ner my hrimshey: ta my voidynyn as my gheiney aegey er n’gholl ayns cappeeys.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 2:17

Ta’n Chiarn er n’yannoo shen v’eh er chiarail: t’eh er chooilleeney e raa v’eh er harey ayns y chenn earish: t’eh er cheau sheese fegooish chymmey: as t’eh er chur er dty noid dy voggyssagh harryd, t’eh er hoiaghey seose niart dty noidyn.

Dobberan 3:46

Ta ooilley nyn noidyn er vosley nyn meeal nyn ’oï.

Ezekiel 9:10

As er my hon’s myrgeddin, cha jean my hooill sparail, chamoo goym erreeish, agh neem’s nyn raad y chooilleeney er nyn ghing hene.

Ezekiel 9:9

Eisht dooyrt eh rhym, Ta mee-chraueeaght thie Israel as Judah erskyn-earroo mooar, as ta’n cheer roie harrish lesh fuill, as ta’n ard-valley lane dy vee-chairys: son t’ad gra, Ta’n Chiarn er hreigeil y thalloo, as cha vel y Chiarn cur-my-ner.

Deuteronomy 31:29

Son ta fys aym, lurg my vaase, dy der shiu seose shiu hene dy slane dy chur rish olk, as dy jyndaa shiu dy lhiattee veih’n raad, ta mish er harey diu: as dy berree treihys erriu ayns ny laghyn jerrinagh, er-yn-oyr dy n’eiyr shiu er olk ayns shilley’n Chiarn, dy vrasnaghey eh gys corree, lesh obbyr nyn laueyn.