Dobberan 1:22 - Yn Vible Casherick 1775 1819

²² Lhig da ooilley’n vee-chraueeaght oc cheet kiongoyrt rhyt: as jean uss roosyn myr t’ou er n’yannoo rhym’s, er coontey ooilley my loghtyn: son ta my osnaghyn ymmodee, as ta my chree er vailleil.

Dobberan 1:22 ပူးပေါင်းရင်းမြစ်များ

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 79:10

Cre’n-fa ta ny ashoonyn-quaagh gra: Cre vel nish yn Jee oc?

Isaiah 13:7

Shen-y-fa bee dy chooilley laue faiynt, as nee cree dy chooilley ghooinney lheïe ersooyl:

Jeremiah 10:25

Deayrt magh dt’eulys er ny ashoonyn nagh vel er choyrt enney ort’s, as er ny lught-thieyn nagh vel geamagh er dty ennym: son t’ad er stroie Jacob, as er choyrt eh mow as naardey, as er n’yannoo e ynnyd-vaghee ny hraartys.

Jeremiah 18:23

Ny-yeih, Hiarn, t’ou uss toiggal ooilley’n choyrle oc m’oï’s dy my stroie: ny jean yn vee-chairys oc y leih daue, chamoo cur y peccah oc ersooyl ass dty enish, agh lhig daue tuittym kiongoyrt rhyt’s: dell myr shoh roo ayns laa dty yymmoose.

Jeremiah 30:16

Shen-y-fa bee adsyn ooilley ta son coyrt oo naardey, ad-hene currit naardey; as hed ooilley dty noidyn gyn cappeeys; as bee adsyn ta dy dty spooilley son spooilley ad-hene; adsyn ooilley ta dty chraghey ver-ym seose gys y chragh.

Jeremiah 51:35

Yn dewilys jeant orrym’s as er my eill, dy row eh er Babylon, nee cummaltagh Zion gra; as, Dy row my uill er fir-vaghee Chaldea, jir Jerusalem.

Jeremiah 8:18

Tra ta mee son gerjagh y gheddyn noi trimshey, ta my chree traashtit cheu-sthie jee’m.

Dobberan 1:13

T’eh er lhiggey aile veih niau ayns my chraueyn, as te goaill niart orroo: t’eh er skeayley ribbey roish my chassyn, t’eh er my hyndaa: t’eh er n’yannoo mee treigit as faiynt fey-ny-laa.

Dobberan 5:17

Son shoh ta’n cree ain faiynt, son ny reddyn shoh ta ny sooillyn ain moal;

Noo Luke 23:31

Son my t’ad jannoo ny reddyn shoh rish y billey oor, cre vees er ny yannoo rish y billey creen?

Ephesianee 3:13

Shen-y-fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?