Dobberan 1:21 - Yn Vible Casherick 1775 1819

²¹ T’ad er chlashtyn dy vel mee gosnaghey, cha vel gerjeyder aym: ta ooilley my noidyn er chlashtyn jeh my heaghyn, goaill boggey dy vel oo er n’yannoo eh: lhig y laa orroosyn t’ou er n’oardaghey, as bee ad casley rhym’s.

Dobberan 1:21 ပူးပေါင်းရင်းမြစ်များ

Psalmyn 35:15

Agh ayns my arkys ghow ad boggey as haggil ad cooidjagh: dy jarroo, haink ny eer ghonnanyn cooidjagh m’oï nagh bione dou, jannoo craid jee’m, as cha scuirr ad.

Psalmyn 37:13

Cha jean y Chiarn agh craid jeh: son t’eh er vakin dy vel y laa echey er-gerrey.

Psalmyn 38:16

Ta mee er yeearree nagh jinnagh adsyn, dy jarroo my noidyn, boggyssagh harrym: son tra ren my chass skyrraghtyn, ghow ad mooarane boggey m’oï.

Isaiah 14:5

Ta’n Chiarn er vrishey lorg ny mee-chrauee, as lorg-reeoil ny fir-reill.

Isaiah 14:6

Eshyn woaill yn pobble ayns e yymmoose lesh builley trome, eshyn ren ny ashoonyn y reill ayns farg, t’eh hene tranlaasit, as cha vel unnane dy lhiettal.

Jeremiah 30:16

Shen-y-fa bee adsyn ooilley ta son coyrt oo naardey, ad-hene currit naardey; as hed ooilley dty noidyn gyn cappeeys; as bee adsyn ta dy dty spooilley son spooilley ad-hene; adsyn ooilley ta dty chraghey ver-ym seose gys y chragh.

Jeremiah 48:27

Son nagh row Israel hene son faghid dhyt? row eh ry-gheddyn mastey maarlee? son neayr’s loayr oo jeh, t’ou lheim son boggey.

Jeremiah 50:11

Er-yn-oyr dy ren shiu boggyssagh as craid, shiuish stroideryn my eiraght; son dy vel shiu er n’aase roauyr myr yn cholbagh ec faiyr, as dy vel shiu buirroogh myr terriu;

Jeremiah 50:15

Yllee-jee noi eck ooilley mygeayrt: t’ee er livrey seose ee hene: ta ny undinyn eck er ny lhaggaghey, ny voallaghyn eck lhieggit; son shoh lhiasaghey yn Chiarn: gow-jee cooilleeney urree; ’naght myr t’ee er n’yannoo, jean-jee r’ee.

Jeremiah 50:29

Eïe-jee er ny sideyryn noi Babylon: ooilley shiuish ta lhoobey yn vhow, camp-jee noi eck chion mygeayrt: ny lhig da veg cosney ass-jee: cur-jee leagh e obbraghyn; rere myr ooilley t’ee er n’yannoo, jean-jee reeish: son t’ee er ve mooaralagh noi yn Chiarn, Fer casherick Israel.

Jeremiah 50:31

Cur-my-ner, ta mish dt’oï, O uss s’mooaralee ta, myr ta’n Chiarn Jee ny flaunyssee gra: son ta’n laa ayd’s er jeet ort, eer yn imbagh smaghtee.

Jeremiah 51:24

Agh cooilleen-yms er Babylon roish nyn sooillyn, as er ooilley fir-vaghee Chaldea, ooilley ny huilk t’ad er n’yannoo er Zion, ta’n Chiarn dy ghra.

Jeremiah 51:49

Myr ta Babylon er choyrt er sidooryn Israel dy huittym ayns caggey, myr shen ec Babylon tuittee fir-chaggee veih dy chooilley ard.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 1:2

T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Dobberan 1:22

Lhig da ooilley’n vee-chraueeaght oc cheet kiongoyrt rhyt: as jean uss roosyn myr t’ou er n’yannoo rhym’s, er coontey ooilley my loghtyn: son ta my osnaghyn ymmodee, as ta my chree er vailleil.

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 2:15

Ta ooilley ta goll shaghey bassey nyn laueyn ort; t’ad tassane as craa nyn ghing er inneen Yerusalem, gra, Nee shoh yn ard-valley ta sleih genmys yn ard-aalid as boggey’n slane seihll?

Dobberan 2:16

Ta ooilley dty noidyn er vosley nyn meeal dt’oï: t’ad gannidys as snaggeraght lesh nyn veeacklyn: t’ad gra, Ta shin er lhuggey seose ee: ta shoh son shickyrys yn laa va shin jeeaghyn er y hon: ta shin er gheddyn, ta shin er vakin eh.

Ezekiel 26:2

Vac y dooinney, er-yn-oyr dy vel Tyrus er ghra noi Jerusalem, Aha, ta ish, va giattyn y phobble, brisht, t’ee er ny hyndaa hym’s, beem’s er my lhieeney lh’ee, nish dy vel ee er ny choyrt naardey.

Joel 3:14

Earrooyn mooarey, erskyn earrooyn mooarey ayns coan y vriwnys: son ta laa yn Chiarn er-gerrey ayns coan y vriwnys.

Ashlish 18:6

Jean-jee ish y chooilleeney eer myr t’eeish er chooilleeney shiuish, as cur-jee dooble jee cordail rish ny obbraghyn eck; ayns y chappan t’ee er lhieeney, lhieen-jee wheesh elley j’ee.