Dobberan 1:20 - Yn Vible Casherick 1775 1819

²⁰ Cur-my-ner, O Hiarn, son ta mee ayns êgin; ta my annym seaghnit aynym; ta my chree chyndaït cheu-sthie jee’m, son dy mooar ta mee er n’irree-magh: yn cliwe er feaï-ny-cruinney ta roostey, as cheu-sthie ny voallaghyn ta’n baase.

Dobberan 1:20 ပူးပေါင်းရင်းမြစ်များ

Lioar Yob 30:27

Ren my chree lostey cheu-sthie jee’m, as cha dooar mee fea; verr laghyn my heaghyn orrym.

Lioar Yob 33:27

T’eh jeeaghyn er deiney; as my jir fer erbee, Ta mee er n’yannoo peccah, as er chassey cairys, as cre-woad share mee?

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Psalmyn 38:8

Ta mee moal, as guint dy trome: ta mee er yllaghey son eer angaish my chree.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Isaiah 16:11

Shen-y-fa nee my veeghyn feiyral myr claasagh son Moab, as eer my chree son Kir-haresh.

Isaiah 38:14

Myr eean coar, ny gollan-geayee, shen myr ren mee gaccan; ren mee cooagey myr calmane: ta my hooillyn failleil lesh jeeaghyn seose: O Hiarn, ta mee seaghnit; gow seose my chooish.

Jeremiah 14:18

My hem magh ’sy vagher, eisht cur-my-ner ad shen ta stroit lesh y chliwe! as my hem stiagh ’syn ard-valley, eisht cur-my-ner adsyn t’ayns raad y vaaish lesh y ghortey! dy jarroo, ta chammah yn phadeyr as yn saggyrt goll mygeayrt gys cheer nagh vel oayll oc er.

Jeremiah 14:20

Ta shin goaill-rish, O Hiarn, nyn ghrogh-yannoo hene, as loghtyn nyn ayraghyn; son ta shin er n’yannoo peccah dt’oï’s.

Jeremiah 2:35

Foast t’ou uss gra, Er-y-fa dy vel mee gyn foill, shickyr nee e chorree chyndaa voym: cur-my-ner, prow-ym ort eh, son dy vel oo gra, Cha vel mee er n’yannoo peccah.

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Jeremiah 48:36

Shen-y-fa nee my chree feiyral myr feddanyn son Moab, as bee my chree myr greïe-chiaull oanluckee son deiney Chir-heres: son ta’n verchys t’eh er chosney er jerraghtyn.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Dobberan 1:18

Ta’n Chiarn ynrick, son ta mee er n’irree-magh noi e annaghyn: clasht-jee, ta mee guee erriu, ooilley shiuish phobble, as cur-jee my-ner my hrimshey: ta my voidynyn as my gheiney aegey er n’gholl ayns cappeeys.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 5:16

Ta’n attey er duittym veih nyn gione: smerg dooin dy vel shin er n’yannoo peccah!

Ezekiel 7:15

Ta’n cliwe cheu-mooie, as y phaitt, as yn ghortey cheu-sthie, eshyn t’ayns y vagher, yiow eh baase liorish y chliwe: as eshyn t’ayns yn ard-valley, nee gortey as paitt ad y stroie.

Daniel 9:5

Ta shin er n’yannoo peccah, as er chur-rish drogh-yannoo, as er n’yannoo dy peccoil, as er n’irree-magh, eer liorish treigeil dty annaghyn, as dty vriwnyssyn.

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.

Deuteronomy 32:25

Nee’n cliwe cheu-mooie, as atchim cheu-sthie stroie chammah’n dooinney aeg as y moidyn, yn oikan myrgeddin, as y kione lheeah.