Dobberan 1:2 - Yn Vible Casherick 1775 1819

² T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Dobberan 1:2 ပူးပေါင်းရင်းမြစ်များ

Lioar Yob 6:15

Ta my chaarjyn er ghellal dy molteyragh myr awin, as myr ny strooanyn t’ad lheïe ersooyl;

Lioar Yob 7:3

Myr shen ta mish êginit dy cheau meeaghyn dy ardalys, as ta oieghyn tooilleilagh er ny oardaghey dou.

Psalmyn 126:5

Cur chyndaa da’n chappeeys ain, O Hiarn: myr da ny awinyn ayns y jiass.

Psalmyn 31:11

Son ta my vea er n’aase shenn lesh trimshey: as my vleeantyn lesh dobberan.

Psalmyn 6:6

Ta mee deinagh lesh gaccan; dy chooilley oie ta mee gushtaghey my lhiabbee: as fluighey my lhiabbee: as fluighey my lhiaght lesh my yeïr.

Psalmyn 69:21

Ta dt’oghsan er vrishey my chree, ta mee lane dy hrimshey: yeeagh mee son fer ennagh dy ghoaill chymmey orrym, agh cha row dooinney erbee; chamoo hooar mee unnane erbee dy my gherjaghey.

Raaghyn Creeney 19:7

Ta deiney-mooinjer y voght ooilley dy choyrt cooyl rish: cre-woad smoo ta e chaarjyn goll foddey veih? t’eh geiyrt orroo lesh e ghoan, agh cha vel geill oc da.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 2:25

Ny lhig da dty chass ve rooisht, ny dty scoarnagh ve paagh: agh dooyrt oo, Cha vel veg y hreishteil er-mayrn: cha vel; son joarreeyn bynney lhiam, as geiyrt orroosyn nee’m goll.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Jeremiah 30:14

Ta ooilley dty ghraihderyn er dty yarrood; cha vel nyn aigney hood: son ta mee er dty lhottey lesh lhott noidey, lesh smaghtaghey fer dewil, son mooadys dty vee-chairys; son dy row dty pheccaghyn ymmodee.

Jeremiah 4:30

As tra t’ou er dty roostey, cre oddys oo jannoo? Ga dy vel oo coamrey oo hene lesh crimson, ga dy vel oo soiaghey magh oo hene lesh aalid airh, ga dy vel oo caghlaa cummey dty eddin lesh paint, ayns fardail t’ou soiaghey magh oo hene dy stoamey; nee dty gheiney-sooree beg y hoiaghey jeed, nee ad shirrey dty vioys.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 1:21

T’ad er chlashtyn dy vel mee gosnaghey, cha vel gerjeyder aym: ta ooilley my noidyn er chlashtyn jeh my heaghyn, goaill boggey dy vel oo er n’yannoo eh: lhig y laa orroosyn t’ou er n’oardaghey, as bee ad casley rhym’s.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Ezekiel 16:37

Cur-my-ner, er-y-fa shen neem’s ooilley dty vaarderyn y haglym cooidjagh, ayndoo t’ou er ghoaill taitnys, as adsyn ooilley t’ou er ve graihagh orroo, mâroosyn ooilley va dwoaie ayd orroo: neem’s dy feer ad y haglym cooidjagh cruin mygeayrt dt’oï, as neem’s dty nearey y roostey roue, dy vaik ad ooilley dty nearey.

Hosea 2:7

As hed ee geiyrt er e gimmanyn, agh cha berr ee orroo; nee ee shirrey nyn yeï, agh cha vow ee magh ad: eisht jir ee, Hem roym dy valley gys my chied heshey, son va mee ny s’maynrey mârishyn, na ta mee nish.

Micah 7:5

Ny treisht-jee ayns carrey, ny cur-jee nyn marrant er leeideilagh: freill dorrys dty veeal vo-eeish ta lhie ayns dty oghrish.

Ashlish 17:13

T’ad shoh jeh’n un aigney, as livreyee ad nyn booar as nyn niart da’n veisht.

Ashlish 17:16

As ver ny jeih eairkyn honnick oo er y veisht, dwoaie da’n streebagh, as ver ad mow ee, as rooishtee ad ee, as nee ad gee yn eill eck, as loshtee ad ee lesh aile.