Dobberan 1:17 - Yn Vible Casherick 1775 1819

¹⁷ Ta Zion skeayley magh e laueyn, as cha vel fer erbee dy gherjaghey ee: ta’n Chiarn er harey mychione Jacob, dy beagh e noidyn mygeayrt-y-mysh: ta Jerusalem myr ben veeoil ny-vud oc.

Dobberan 1:17 ပူးပေါင်းရင်းမြစ်များ

1 Reeaghyn 8:22

As hass Solomon kiongoyrt rish altar y Chiarn, ayns fenish ooilley chaglym Israel, as skeayl eh magh e laueyn lesh niau:

1 Reeaghyn 8:38

Cre-erbee’n phadjer as aghin vees jeant liorish dooinney erbee, ny liorish ooilley dty phobble Israel, dy chooilley ghooinney ta toiggal loght e chree hene, as nee eh skeayley magh e laueyn lesh y thie shoh:

2 Reeaghyn 25:1

As haink eh gy-kione, ayns y nuyoo vleïn jeh’n reill echey, ayns y jeihoo vee, er y jeihoo laa jeh’n vee, dy daink Nebuchadnezzar ree Vabylon, eh-hene as ooilley’n cheshaght-chaggee echey, noi Jerusalem, as ren ad campal n’oï, as hrog ad tooryn n’oï cruin mygeayrt.

Ecclesiastes 4:1

Myr shen hyndaa mee, as smooinee mee er ooilley’n tranlaase t’er ny yannoo fo’n ghrian: as cur-my-ner ny jeïr ocsyn va tranlaasit, as cha row oc fendeilagh; as er cheu ny tranlaasee oc va pooar, agh ocsyn cha row fendeilagh.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Isaiah 54:11

O uss ta seaghnit, ta eiyrit noon as noal lesh y dorrin, as nagh vel er dty gherjaghey, cur-my-ner, neem’s layal dty chlaghyn dy chullyryn aalin, as ny undinyn ayd’s lesh sapphireyn.

Jeremiah 12:9

Ta my eiraght dooys myr yn hullad spottagh; ta ny eeanlee ooilley mygeayrt ec noidys r’ee; tar-jee, chaggle-jee ooilley beïyn y vagher, tar-jee dy stroie.

Jeremiah 15:5

Son quoi vees trocoil ort, O Yerusalem? ny quoi nee uss y ghobberan? ny quoi hed dy lhiattee dy ênaght kys t’ou?

Jeremiah 16:6

Yiow chammah beg as mooar baase ’sy cheer shoh: cha bee ad er nyn oanluckey, chamoo nee sleih dobberan er nyn son, tayrn fuill orroo hene, ny jannoo ad-hene meayl er nyn son.

Jeremiah 34:22

Cur-my-ner, ver-yms magh sarey, ta’n Chiarn dy ghra, dauesyn dy hyndaa reesht noi’n ard-valley shoh; as nee ad caggey rish, as goaill eh, as lostey lesh aile eh: as ver-ym er ard-valjyn Yudah dy ve ny hraartys gyn cummaltagh faagit ayn.

Jeremiah 4:31

Son ta mee er chlashtyn coraa myr jeh ben er-troailt, as myr yn angaish ecksh ta cur y chied lhiannoo son y theihll; coraa inneen Zion, dobberan r’ee hene, skeayley magh e laueyn, as gra, ’Smerg dooys nish! son ta m’annym seaghnit kyndagh rish dunveryn.

Jeremiah 6:3

Hig ny bochillyn lesh nyn shioltaneyn stiagh ayn; nee ad nyn mwaagyn y hoiaghey seose ayn cruin mygeayrt; nee ad gyndyr dy chooilley hioltane ayns e oayll hene.

Jeremiah 8:18

Tra ta mee son gerjagh y gheddyn noi trimshey, ta my chree traashtit cheu-sthie jee’m.

Dobberan 1:16

Son ny oyryn shoh ta my hrimshey, ta my hooill, ta my hooill roie lesh ushtey, son dy vel gerjeyder m’annym foddey voym: my chloan’s ta treigit er-y-fa dy vel y noid er ghoaill niart orrym.

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 1:2

T’ee keayney dy sharroo fud-ny-hoie, as ta jeïr er e gruaie: mastey ooilley e ainjyssee cha vel unnane dy gherjaghey ee, ta ny caarjyn eck er n’ghellal dy foalsey r’ee, t’ad er hyndaa dy ve e noidyn.

Dobberan 1:21

T’ad er chlashtyn dy vel mee gosnaghey, cha vel gerjeyder aym: ta ooilley my noidyn er chlashtyn jeh my heaghyn, goaill boggey dy vel oo er n’yannoo eh: lhig y laa orroosyn t’ou er n’oardaghey, as bee ad casley rhym’s.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Dobberan 1:9

Ayns ny rumbyllyn eck ta broïd, cha ren ee smooinaghtyn cre’n erree harragh urree, shen-y-fa huitt ee dy yindyssagh, cha row gerjeyder eck: O Hiarn, cur-my-ner my heaghyn: son ta’n noid er voggyssagh harrym.

Dobberan 4:15

Deïe ad daue, Reue-jee, te neu-ghlen, reue-jee, reue-jee, ny tar-jee faare ad, tra ren ad chea ersooyl as rouail: dooyrt ad mastey ny ashoonyn, Cha nhegin daue cummal ny-sodjey ayns shen.

Ezekiel 36:17

Vac y dooinney, tra va thie Israel cummal ’sy thalloo oc hene, hayrn ad loght er liorish nyn raaidyn, as liorish yn drogh-yannoo oc hene: va’n raad oc kiongoyrt rhym’s, myr neu-ghlennid ben veeoil.

Hosea 8:8

Ta Israel sluggit seose: nish bee ad mastey ny ashoonee myr saagh gyn-ymmyd.