Dobberan 1:15 - Yn Vible Casherick 1775 1819

¹⁵ Ta’n Chiarn er stampey fo-chosh ooilley my gheiney niartal cheu-sthie jee’m, t’eh er humney shiartanse vooar m’oï, dy vroo my gheiney aegey: ta’n Chiarn er stampey sheese yn voidyn, inneen Yudah, myr ayns press-feeyney.

Dobberan 1:15 ပူးပေါင်းရင်းမြစ်များ

2 Reeaghyn 9:33

As dooyrt eh, Ceau-jee sheese ee. Er shoh hilg ad sheese ee: as va paart jeh’n uill eck spreiht er y voalley, as er ny cabbil: as stamp ad ee fo-chosh.

Psalmyn 119:118

T’ou uss er choyrt fo-chosh adsyn ooilley ta cur cooyl rish dty lattyssyn: son cha vel ad smooinaghtyn agh er molteyraght.

Isaiah 28:18

As bee yn conaant eu rish y vaase er ny rassey, as cha jean yn coardail eu rish niurin shassoo; tra nee yn slatt goll trooid y cheer myr thooilley, eisht bee shiuish broojit dy myn liorish.

Isaiah 41:2

Quoi eshyn hug lesh yn dooinney ynrick veih’n niar, dy ve fo e rere? quoi hug yn varriaght da harrish ashoonyn, as hug reeaghyn fo e reill? ren eh ad myr joan roish e chliwe, as myr coau sheebit roish e vhow.

Isaiah 5:5

Agh nish, tar-jee; insh-ym diu cre nee’m rish my gharey-feeyney: goym ersooyl yn cleiy echey, as bee eh er ny ee seose; as brish-ym sheese yn voalley echey, as bee eh er ny stampey sheese.

Isaiah 63:3

Ta mee er stampey yn press-feeyney ny-lomarcan; as jeh’n pobble cha row fer jeu mârym: son nee’m stampey ad sheese ayns my chorree, as ver-ym ad fo-chosh ayns my eulys; as bee’n uill oc spreiht er my gharmadyn, as nee’m ooilley my choamrey y ghaahghey.

Jeremiah 13:24

Shen-y-fa nee’m ad y skeayley myr coau t’er ny heebey ersooyl lesh geay yn aasagh.

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 18:21

Shen-y-fa livrey uss seose nyn gloan da’n ghortey, as deayrt magh yn uill oc lesh niart y chliwe; as lhig da ny mraane oc ve er nyn roostey jeh nyn gloan, as ve nyn mraane-treoghe; as ny deiney oc ve er nyn goyrt gy-baase; lhig da ny deiney aegey oc ve stroit lesh y chliwe ayns caggey.

Jeremiah 37:10

Son ga dy beagh shiu er woalley slane armee ny Caldeanee ta caggey nyn ’oï, as nagh beagh faagit jeu agh deiney lhottit; ny-yeih yinnagh eer ad shen girree seose dagh dooinney ayns e chabbane, as loshtagh ad yn ard-valley shoh lesh aile.

Jeremiah 50:26

Tar-jee noi eck veih ny ardjyn sodjey magh, brish-jee foshlit ny thieyn-tashtee eck; stamp-jee sheese ee myr creaghyn, stroie-jee dy bollagh ee; ny lhig floag j’ee ve faagit.

Jeremiah 51:34

Ta Nebuchadrezzar ree Vabylon er my chur mow, t’eh er my vroo, t’eh er my yannoo saagh follym, t’eh er my lhuggey sheese myr dragon, t’eh er lhieeney e volg lesh my vee s’blaystal, as er my hilgey magh.

Jeremiah 6:11

Shen-y-fa ta mee lane jeh eulys y Chiarn; te pian dou dy lhiettal eh: deayrt-ym magh eh er y chloan dy lhean, as er co-chruinnaght ny deiney aegey; son bee eer y dooinney marish e ven goit ersooyl, eshyn t’ayns slane eash mârishyn ta lane dy laghyn.

Dobberan 2:21

Ta shenn as aeg nyn lhie er y thalloo ayns ny straïdyn, ta my voidynyn, as my gheiney aegey, er duittym liorish y chliwe: t’ou er varroo ad ayns laa dty yymmoose, t’ou er varroo gyn erreeish.

Dobberan 3:34

Dy vroo fo e chassyn ooilley pryssoonee ny hooirey.

Daniel 3:13

Eisht doardee Nebuchadnezzar ayns farg as eulys, Shadrach, Meshach, as Abed-nego, dy heet ny enish? eisht hug ad lhieu ny deiney shoh fenish y ree.

Joel 3:13

Cur-jee fo yn corran, son ta’n arroo creen; tar-jee, sheese-jee, son ta’n press-feeyney lane, ta ny doaghyn lhieeney harrish, son ta’n vee-chraueeaght oc mooar.

Micah 7:10

Eisht nee ish ta my noid fakin shoh, as nee nearey ish y choodaghey, dooyrt rhym, Cre vel yn Chiarn yn Jee ayd? ver my hooillyn my-ner ee: nish bee ee stampit sheese myr laagh ny straidey.

Malachi 4:3

As ver shiu fo-chosh ny mee-chrauee; as bee ad myr joan fo nyn moynyn, ayns y laa neem’s shoh, ta Chiarn ny flaunyssee dy ghra.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Deuteronomy 28:33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh:

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo-chosh Mac Yee, as ta er choontey fuill yn chonaant liorish v’eh er ny chasherickey, ny red neu-chasherick, as er hassoo magh dy olkyssagh noi’n Spyrryd dy ghrayse?

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press-feeyney jeh dewilys as jymmoose Yee ooilley-niartal.

Briwnyn 10:8

As er y vleïn shen, son hoght bleeaney jeig, ren ad seaghney as tranlaase ’yannoo er cloan Israel, ooilley cloan Israel va er cheu elley dy Yordan, ayns cheer ny Amoriteyn, ta ayns Gilead,