Dobberan 1:13 - Yn Vible Casherick 1775 1819

¹³ T’eh er lhiggey aile veih niau ayns my chraueyn, as te goaill niart orroo: t’eh er skeayley ribbey roish my chassyn, t’eh er my hyndaa: t’eh er n’yannoo mee treigit as faiynt fey-ny-laa.

Dobberan 1:13 ပူးပေါင်းရင်းမြစ်များ

Lioar Yob 18:8

Son t’eh goit ayns lieen liorish e chassyn hene; t’eh shooyl er y ribbey.

Lioar Yob 19:6

Toig-jee nish dy nee Jee ta er my lhieggal, as er my ghoaill ayns e lieen.

Lioar Yob 30:30

Ta my chrackan doo orrym, as my chraueyn shirgit seose lesh chiass.

Psalmyn 129:5

Lhig dauesyn v’er nyn goyrt gys nearey as er nyn gastey: whilleen as t’ayns drogh-aigney gys Sion.

Psalmyn 140:5

Ta ny mooaralee er hoiaghey ribbey er my hon, as er skeayley magh lieen dy lhean lesh coyrdyn: dy jarroo t’ad er hoiaghey trappyn ayns my raad.

Psalmyn 22:14

Ta mee deayrtit magh myr ushtey, as ta ooilley my chraueyn ass ynnyd: ta my chree neesht ayns mean my chorp eer myr kere ta lheïe.

Psalmyn 31:10

Jean myghin orrym, O Hiarn, son ta mee ayns seaghyn: as ta my hoilshey er n’aase moal lesh eer trimshey; dy jarroo my annym as my challin.

Psalmyn 35:4

Bee ad er nyn gastey, as er nyn goyrt gys nearey, ta shelg lurg m’annym: ver ad cooyl, as bee ad er nyn goyrt mow, ta kiarail olk m’oï.

Psalmyn 38:8

Ta mee moal, as guint dy trome: ta mee er yllaghey son eer angaish my chree.

Psalmyn 66:11

Lhig oo da deiney dy varkiagh harrish nyn ghing: hie shin trooid aile as ushtey, as hug oo lhiat shin magh gys ynnyd berchagh.

Exodus 12:9

Jeeagh nagh n’ee oo jeh aw, ny broit er aght erbee ayns ushtey, agh roast lesh aile; e chione lesh e chassyn, as shen ny ta bentyn daue.

Isaiah 42:17

Bee adsyn er ny chastey, as bee nearey trome orroosyn, ta coyrt nyn marrant er jallooyn grainnit, ta gra rish ny jallooyn lheït, Shiuish ny jeeghyn ainyn.

Jeremiah 44:6

Shen-y-fa va my eulys as my chorree deayrtit magh, as foaddit er ard-valjyn Yudah, as ayns straïdyn Yerusalem; as t’ad naardey as mow, myr ec y laa jiu.

Dobberan 1:22

Lhig da ooilley’n vee-chraueeaght oc cheet kiongoyrt rhyt: as jean uss roosyn myr t’ou er n’yannoo rhym’s, er coontey ooilley my loghtyn: son ta my osnaghyn ymmodee, as ta my chree er vailleil.

Dobberan 3:11

T’eh er hyndaa dy lhiattee my raaidyn, as er my raipey ayns peeshyn; t’eh er my yannoo follym-faase.

Dobberan 5:17

Son shoh ta’n cree ain faiynt, son ny reddyn shoh ta ny sooillyn ain moal;

Ezekiel 12:13

My lieen myrgeddin neem’s skeayley ersyn, as bee eh goit ayns my ribbey; as ver-ym lhiam eh gys Babylon, cheer ny Caldeanee, ny-yeih cha jean eh fakin eh, ga dy vow eh baase ayns shen.

Ezekiel 17:20

As neem’s my lieen y skeayley er, as bee eh goit ayns my ribbey, as ver-ym lhiam eh gys Babylon, as shen y raad neem’s y chooish y reaghey rish, son e loghtyn t’eh er n’yannoo m’oï.

Ezekiel 32:3

Myr shoh ta’n Chiarn Jee dy ghra, Neem’s er-y-fa shen skeayley my lieen harryd, lesh sheshaght ymmodee sleih; as ver ad lhieu seose oo ayns my lieen’s.

Hosea 7:12

Tra hed ad, skeayl-yms my lieen orroo, lhieg-ym ad myr eeanlee yn aer, smaght-ym ad myr ta’n slane sheshaght oc er chlashtyn.

Nahum 1:6

Quoi oddys shassoo roish e eulys? as quoi oddys gymmyrkey fo elgys e yymmoose? ta e chorree deayrtit magh myr aile, as ta ny creggyn tilgit bun-ry-skyn liorishyn.

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.

Deuteronomy 28:65

As mastey ny ashoonyn shoh, cha vow veg yn aash, chamoo vees aash ec boyn dty choshey: agh ver y Chiarn dhyt ayns shen cree er-creau, as sooillyn moaldey, as sou-aigney.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Hebrewnee 12:29

Son ta’n Jee ainyn myr aile ta coyrt mow.