Dobberan 1:1 - Yn Vible Casherick 1775 1819

¹ Kys ta’n ard-valley va lane dy leih soie ny lhome-lomarcan! kys t’ee er jeet dy ve myr ben-treoghe! ish s’ooasle va mastey ny ashoonyn, as princess mastey ny rheamyn, kys t’ee er jeet dy ve fo keesh!

Dobberan 1:1 ပူးပေါင်းရင်းမြစ်များ

1 Reeaghyn 4:21

As ren Solomon reill harrish dy chooilley reeriaght veih’n awin gys cheer ny Philistinee, as gys cagliagh Egypt: hug ad lhieu giootyn, as hirveish ad Solomon ooilley laghyn e vea.

2 Reeaghyn 23:33

As hug Pharaoh-nechoh eh ayns geulaghyn ec Riblah, ayns cheer Hamath, nagh jinnagh eh reill ayns Jerusalem; as hug eh yn cheer fo keesh keead talent dy argid, as talent dy airh.

2 Reeaghyn 23:35

As hug Jehoiakim yn argid as yn airh da Pharaoh; agh hug eh yn cheer fo keesh dy yannoo magh yn argid cordail rish oardagh Pharaoh: hrog eh yn argid as yn airh jeh pobble ny cheerey, jeh dagh dooinney rere e cheesh, dy choyrt eh da Pharaoh-nechoh.

2 Recortyssyn 9:26

As ren eh reill harrish dy chooilley ree, veih’n awin eer gys cheer ny Philistinee, as gys slyst Egypt.

Ezra 4:20

Ta reeaghyn niartal myrgeddin er ve harrish Jerusalem, ta er reill harrish ooilley ny cheeraghyn cheu elley jeh’n awin, as va mayle, keesh, as custom, eeckit daue.

Nehemiah 5:4

Dooyrt feallagh elley neesht, Ta shin er eeasagh argid son keesh y ree, as shen er nyn magheryn, as nyn garaghyn-feeyney.

Nehemiah 9:37

As te fordrail mooarane vondeish da ny reeaghyn t’ou er hoiaghey harrin, kyndagh rish nyn beccaghyn: t’ad myrgeddin gymmyrkey reill harrish nyn girp hene, as harrish yn ollagh ain, lurg yn aigney oc hene, as ta shin ayns chennid vooar.

Psalmyn 122:4

Son gys shen ta ny kynneeyn goll seose, dy jarroo kynneeyn y Chiarn: dy ymmyrkey feanish da Israel, dy choyrt booise da ennym y Chiarn.

Isaiah 14:12

Kys t’ou er duittym veih niau, O Lucifer, mac y vadran! kys t’ou uss giarit sheese gys y thalloo, uss ren craa ny ashoonyn!

Isaiah 22:2

Uss ta lane dy anvea, ard-valley boiragh, ard-valley reagh: cha vel dty verriu er ny varroo lesh y chliwe, ny stroit ayns caggey.

Isaiah 3:26

As nee ny giattyn eck keayney as dobberan, as ee hene lhie treigit er y thalloo.

Isaiah 49:21

Eisht nee oo gra ayns dty chree, Quoi t’er n’gheddyn y chloan shoh dou, fakin dy vel mee er choayl my chloan v’aym, as dy vel mee treigit, my chappee, as garragh noon as noal? as quoi t’er droggal ad shoh? Cur-my-ner, va mee faagit my-lomarcan; ad shoh, cre’n raad t’ad er ve?

Isaiah 50:5

Ta’n Chiarn Jee er vosley my chleaysh, as cha row mee mee-viallagh, chamoo hyndaa mee ersooyl.

Isaiah 52:2

Crie oo hene veih’n joan; trog ort, as soie sheese er dty stoyl-reeoil, O Yerusalem: feayshil geulaghyn dty wannal, O inneen chappee Zion.

Isaiah 52:7

Cre cha aalin er ny sleityn ta ny cassyn echeysyn ta coyrt lesh naightyn bannee [yn tushtal], ta preacheil shee, ta coyrt lesh naightyn eunyssagh dy nheeghyn mie, ta fockley-magh saualtys, ta gra rish Zion, Ta dty Yee reill!

Isaiah 54:4

Ny gow aggle; son cha bee oyr nearey ort: chamoo bee uss er dty chastey; son cha bee oyr nearey ort: son nee oo jarrood nearey dty aegid, as cha gooinee oo ny smoo er oltooan dty stayd-treoghe.

Jeremiah 31:7

Son myr shoh ta’n Chiarn dy ghra, Gow-jee arrane lesh gennallys son Jacob, as trog-jee seose nyn goraa mastey ny ard-ashoonyn: insh-jee magh eh, cur-jee moylley, as abbyr-jee, O Hiarn, saue dty phobble, ta er-mayrn jeh Israel.

Jeremiah 40:9

As ren Gedaliah mac Ahikam, mac Shaphan, breearrey daue hene, as da ny deiney va mâroo, gra, Ny gow-jee aggle dy ve fo ammys ny Caldeanee; cum-jee ayns y cheer, as shirveish-jee ree Vabylon, as hig shiu jeh dy mie.

Jeremiah 42:2

As dooyrt ad rish Jeremiah yn phadeyr, Cur clashtyn foayroil, ta shin guee ort, da nyn aghin, as gow padjer er nyn son gys y Chiarn dty Yee, eer son whilleen j’in as ta er-mayrn; (son ta shin faagit beggan jeh ymmodee, myr ta dty hooillyn hene fakin shin;)

Jeremiah 44:2

Myr shoh ta Chiarn ny flaunyssee, Jee Israel, dy ghra, Ta shiu er vakin ooilley yn olk ta mee er choyrt er Jerusalem, as er ooilley ard-valjyn Yudah; as cur-my-ner, yn laa jiu t’ad ny hraartys, as cha vel dooinney erbee baghey ayndoo;

Jeremiah 44:6

Shen-y-fa va my eulys as my chorree deayrtit magh, as foaddit er ard-valjyn Yudah, as ayns straïdyn Yerusalem; as t’ad naardey as mow, myr ec y laa jiu.

Jeremiah 50:23

Kys ta oayrd mooar y theihll scelt as brisht! kys ta Babylon er jeet dy ve ny hraartys mastey ny ashoonyn!

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Dobberan 1:19

Deïe mee son my ghraihderyn, agh ren ad m’y volley: ta my haggyrtyn as my hanstyr er n’gholl dy baase ’syn ard-valley, choud as v’ad shirrey son beaghey, dy reayll ad bio.

Dobberan 2:1

Kys ta’n Chiarn ayns e yymmoose er choodaghey inneen Zion lesh bodjal, as er lhieggal aalid Israel veih niau gys y thalloo, as cha chooinee eh er stoyl e choshey ayns laa e eulys!

Dobberan 2:10

Ta shanstyr inneen Zion nyn soie er y thalloo, as t’ad nyn dhost; t’ad er cheau joan er nyn ghing; t’ad er chur orroo aanrit-sack, ta moidynyn Yerusalem croymmey nyn ghing gys y thalloo.

Dobberan 4:1

Kys ta’n airh er jeet dy ve dorraghey! kys ta’n airh s’glenney er ny chaghlaa! ta claghyn yn ynnyd casherick ceaut magh ayns kione dy chooilley straïd.

Dobberan 5:16

Ta’n attey er duittym veih nyn gione: smerg dooin dy vel shin er n’yannoo peccah!

Ezekiel 26:16

Eisht hig ooilley princeyn ny marrey sheese veih nyn stuill-reeoil, as ver ad jeu nyn goamrey staydoil, as ver ad voue nyn garmadyn laatshit: bee ad coodit lesh atchim, nee ad soie er y thalloo, bee ad er-creau ec dy chooilley hyndaa, as gowee ad yindys jeed.

Ezekiel 26:2

Vac y dooinney, er-yn-oyr dy vel Tyrus er ghra noi Jerusalem, Aha, ta ish, va giattyn y phobble, brisht, t’ee er ny hyndaa hym’s, beem’s er my lhieeney lh’ee, nish dy vel ee er ny choyrt naardey.

Ezekiel 5:5

Myr shoh ta’n Chiarn Jee dy ghra, She shoh Jerusalem; ta mee er hoiaghey ayns mean ny ashoonyn, as ny cheeraghyn ta mygeayrt-y-mooee.

Leviticus 26:31

As ver-yms naardey nyn ard-valjyn, as stroie-ym ny chiambleyn eu: as cha jean-ym soiagh jeh nyn ourallyn-millish.

Leviticus 26:33

As nee’m nyn skeayley fud ny ashoonyn-quaagh, as y cliwe y hayrn nyn yeï: as bee’n cheer eu treigit, as nyn ard-valjyn follym-faase.

Zephaniah 2:15

Shoh yn ard-valley boggyssagh, va cummal ayns soaillid, dooyrt ayns e cree, Ta mish ayn, as cha vel unnane erbee casley rhym: kys t’ee er jeet dy ve ny traartys, ynnyd son maase dy lhie sheese ayn! nee dagh fer hed shaghey thassane ayns craid, as craa e laue urree.

Ashlish 18:7

Corrym rish y stayd mooaralagh t’ee er ghoaill urree, as er vaghey ayns rouanys, yn corrymid cheddin dy cherraghey as dy heaghyn cur-jee urree: son t’ee gra ayns e cree, Ta mee my hoie my ven-reïn, as cha nee ben-treoghe mee, as cha jig trimshey erbee my raad.