Deuteronomy 9:9 - Yn Vible Casherick 1775 1819

⁹ Tra va mee er n’gholl seose er y chronk, dy gheddyn ny buird chloaie, eer buird y chonaant, ren y Chiarn riu, chum mee ’sy chronk da-eed laa as da-eed oie, cha d’ee mee arran, ny cha diu mee ushtey:

Deuteronomy 9:9 ပူးပေါင်းရင်းမြစ်များ

1 Reeaghyn 19:8

As dirree eh, as ren eh gee as giu, as ren eh troailt er niart yn veaghey shen da-eed laa as da-eed oie, gys Horeb cronk Yee.

2 Reeaghyn 6:22

As dreggyr eh, Cha der oo dty laue orroo: jinnagh oo adsyn y yiarey jeh t’ou dy ghoaill nyn gappee lesh dty chliwe as lesh dty vhow? Soie arran as ushtey roue, dy vod ad gee as giu, as goll gys nyn mainshtyr.

Exodus 24:12

As dooyrt y Chiarn rish Moses, Tar seose hym’s er y chronk, as fuirree ayns shen; as ver-yms dhyt buird chloaie, as leigh, as annaghyn ta mee er scrieu; dhyt’s dy ynsaghey daue.

Exodus 24:15

As hie Moses seose er y clieau, as ren bodjal y slieau y choodaghey.

Exodus 24:18

As hie Moses stiagh ayns mean y vodjal, as hie eh seose er y clieau: as va Moses er y clieau da-eed laa, as da-eed oie.

Exodus 31:18

As hug eh da Moses, erreish da v’er loayrt rish, er slieau Sinai, daa voayrd y leigh, buird chloaie, scruit lesh mair Yee.

Exodus 32:1

Tra honnick y pobble dy row Moses er uirriaght foddey er y clieau, dy haggil y pobble cooidjagh gys Aaron, as dooyrt ad rish, Seose, jean jeeghyn dooin, dy gholl roïn; son mychione yn Moses shoh, yn fer ren leeideil shin magh ass cheer Egypt, cha s’ain cre’n erree t’er jeet er.

Exodus 34:28

As v’eh ayns shen marish y Chiarn da-eed laa as da-eed oie: cha ren eh gee arran, ny giu ushtey; as scrieu eh er ny buird focklyn y chonaant, ny jeih annaghyn.

Noo Mian 4:2

As tra v’eh er drostey da-eed laa as da-eed oie v’eh ny lurg shen accryssagh.

Galatianee 4:24

Ny reddyn shoh t’ad er nyn loayrt liorish co-soylaghey: son t’ad shoh [cowraghey] yn daa chonaant; yn derrey yeh veih cronk Sinai, ta ruggey cloan gys bondiaght, ta shoh Agar.

Deuteronomy 8:3

As ren eh dty injillaghey, as lhig eh dhyt dy ve accryssagh, as ren eh beaghey oo lesh manna (red nagh row fys ayd’s ny ec dy ayraghyn cre ve) dy choyrt toiggal dhyt nagh nee er arran ny-lomarcan ta dooinney beaghey, agh liorish cre-erbee ta cheet magh ass beeal y Chiarn ta dooinney beaghey.

Deuteronomy 9:11

As shen myr ve, ec kione da-eed laa as da-eed oie, dy dug y Chiarn dooys yn daa voayrd chloaie, eer buird y chonaant.

Deuteronomy 9:15

Er shoh hyndaa mee as haink mee neose jeh’n chronk, as va’n chronk ooilley ayns aile: as va daa voayrd y chonaant ayns my ghaa laue.

Deuteronomy 9:18

As huitt mee sheese kiongoyrt rish y Chiarn, myr ren mee roïe, rish da-eed laa as da-eed oie; cha d’ee mee arran ny cha diu mee ushtey, kyndagh rish ooilley ny peccaghyn ren shiuish dy mee-arrymagh ayns shilley yn Chiarn, dy vrasnaghey e chorree.

Hebrewnee 9:4

Ayn va’n censer airhey, as arg y chonaant coodit er dy chooilley heu lesh airh, ayn va’n saagh airh, ayn va manna, as lorg Aaron ren blaaghey, as buird y chonaant;