Deuteronomy 9:7 - Yn Vible Casherick 1775 1819

⁷ Cooinee er, as ny jarrood, kys ren oo yn Chiarn dty Yee y vrasnaghey gys jymmoose ’syn aasagh: er-dyn laa daag oo cheer Egypt, derrey haink shiu gys yn ynnyd shoh, ta shiu er ve ayns irree-magh noi yn Chiarn.

Deuteronomy 9:7 ပူးပေါင်းရင်းမြစ်များ

Exodus 14:10

As hayrn Pharaoh er-gerrey, as tra hrog cloan Israel seose nyn sooillyn, cur-my-ner, va ny Egyptianee marchal er nyn eiyrt’s; as v’ad ayns aggle mooar: as deïe pobble Israel dy ard gys y Chiarn.

Exodus 14:11

As dooyrt ad rish Moses, Nee son nagh row oaiaghyn ayns Egypt t’ou er nyn leeideil ersooyl, dy gheddyn baase ’syn aasagh? Cre’n-fa t’ou er ghellal myr shoh rooin ayns coyrt lhiat shin magh veih Egypt.

Exodus 16:2

As ren slane chaglym-cooidjagh chloan Israel loayrt dy jymmoosagh noi Moses as Aaron ayns yn aasagh.

Exodus 17:2

As ren y pobble troiddey rish Moses, as dooyrt ad, Cur dooin ushtey dy iu. As dooyrt Moses roo, Cre’n-fa ta shiu troiddey rhym’s? cre’n-fa ta shiu brasnaghey’n Chiarn.

Exodus 23:21

Cur geill da, as cur biallys da e choraa, ny jean eh y vrasnaghey; son cha leih eh nyn loghtyn: son ta m’ennym’s er.

Isaiah 48:8

Dy jarroo, cha ren oo clashtyn, chamoo ren oo toiggal; eer veih’n traa shen cha row dty chleaysh foshlit: son va fys aym’s dy jinnagh oo dellal dy feer volteyragh, as dy r’ou enmyssit dty ghrogh-yantagh veih’n vreïn.

Jeremiah 11:10

T’ad er hyndaa reesht gys drogh-yannoo nyn shenn-ayryn, ren gobbal dy eaishtagh rish my ghoan’s; as hie ad geiyrt er jeeghyn elley dy hirveish ad: ta thie Israel as thie Yudah er vrishey my chonaant, ren mee rish nyn ayraghyn.

Jeremiah 32:30

Son cha vel cloan Israel, as cloan Yudah, er n’yannoo monney agh ynrycan olk kiongoyrt rhym veih nyn aegid: son ta cloan Israel ooilley-cooidjagh er vrasnaghey my yymmoose lesh obbyr nyn laueyn, ta’n Chiarn dy ghra.

Jeremiah 44:9

Vel shiu er yarrood mee-chraueeaght nyn ayraghyn, as drogh-yannoo reeaghyn Yudah, as drogh-yannoo ny mraane oc, as y drogh-yannoo eu hene, as olkys nyn mraane, t’ad er chur-rish ayns cheer Yudah, as ayns straïdyn Yerusalem?

Ezekiel 20:13

Agh dirree thie Israel magh m’oï ayns yn aasagh: cha jimmee ad ayns my lattyssyn, as hoie ad beg jeh my vriwnyssyn: adsyn my nee dooinney y chooilleeney, bee eh dy jarroo bio ayndoo; as my ghooneeyn ren ad dy naareydagh y vrishey: eisht dooyrt mee, dy jinnin my eulys y gheayrtey magh orroo ayns yn aasagh, dy stroie ad.

Ezekiel 20:43

As ayns shen nee shiu cooinaghtyn er nyn raaidyn, as ooilley nyn yannoo, ayndoo ta shiu er ve oolee, as bee shiu dwoaiagh ayns ny sooillyn eu hene, son ooilley ny huilk ta shiu er chur-rish.

Ezekiel 20:8

Agh dirree adsyn magh m’oï, as cha jinnagh ad clashtyn rhym: cha ren ad dy chooilley ghooinney tilgey voue peccaghyn dwoaiagh e hooillyn, chamoo hreig ad jallooyn Egypt: eisht dooyrt mee, Deayrt-yms magh my eulys orroo, dy chooilleeney my yymmoose nyn ’oï ayns mean cheer Egypt.

Ezekiel 36:31

Eisht nee shiu cooinaghtyn er ny drogh raaidyn eu hene, as er nyn aghtyn, nagh row mie, as ver shiu feoh diu hene ayns nyn shilley hene, son nyn ghrogh-yannoo, as son ooilley nyn obbraghyn eajee.

Earrooyn 11:4

As ren earrooyn elley jeh ny joarreeyn va ny mast’ oc gaase miandagh: as huitt cloan Israel myrgeddin er gaccan as keayney, as dooyrt ad, Quoi ver dooin feill dy ee.

Earrooyn 14:22

Er son ooilley ny deiney shen t’er vakin my ghloyr, as my virrilyn ren mee ayns Egypt, as ayns yn aasagh, as t’er m’y vrasnaghey nish ny jeih keayrtyn shoh, as nagh vel er n’eaishtagh rish my choraa;

Earrooyn 17:10

As dooyrt y Chiarn rish Moses, Cur lhiat slattag Aaron reesht, roish arg y chonaant, dy ve freilt son cowrey noi ny mee-viallee: as ver uss dy bollagh ny host yn trughanys oc m’oï, nagh vow ad baase.

Earrooyn 21:5

As loayr y pobble noi Jee, as noi Moses; Cre’n-fa ta shiu er chur lhieu shin seose ass Egypt, dy herraghtyn ’syn aasagh shoh? son cha vel arran ny ushtey ain, as ta’n annym ain jiooldey’n arran shoh dyn vree.

Earrooyn 25:2

As ren ad yn pobble y chuirrey gys ourallyn ny jeeghyn oc: as ren y pobble gee, as croymmey sheese gys ny jeeghyn oc.

1 Corinthianee 15:9

Son she mish y fer sloo jeh ny ostyllyn, nagh vel feeu dy ve er my enmys my ostyl, er-y-fa dy ren mee tranlaase er agglish Yee.

Ephesianee 2:11

Shen-y-fa cooinee-jee myr va shiu ayns traa dy row Ashoonee ayns yn eill, ta enmyssit an-ghiarey-chymmylt, liorish shen ta enmyssit giarey-chymmylt ayns yn eill jeant liorish laueyn;

Deuteronomy 31:27

Son shione dou dty vee-viallys, as dty chreoi-wannallys: cur-my-ner, eer rish my lhing hene, gys y laa t’ayn jiu, ta shiu er ve mee-viallagh da’n Chiarn; as cre-woad smoo eisht lurg my vaase?

Deuteronomy 8:2

As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.

Deuteronomy 9:24

Ta shiu er ve mee-viallagh noi yn Chiarn, er-dyn laa va ainjys aym erriu.

Deuteronomy 9:4

Ny smooinee ayns dty chree, erreish da’n Chiarn dty Yee v’er eebyrt ad magh royd, gra, Son my chairys hene ta’n Chiarn er choyrt lesh mee stiagh dy ghoaill possession jeh’n cheer shoh: agh son mee-chraueeaght ny ashoonyn shoh, ta’n Chiarn er nyn imman magh royd.