Deuteronomy 9:4 - Yn Vible Casherick 1775 1819

⁴ Ny smooinee ayns dty chree, erreish da’n Chiarn dty Yee v’er eebyrt ad magh royd, gra, Son my chairys hene ta’n Chiarn er choyrt lesh mee stiagh dy ghoaill possession jeh’n cheer shoh: agh son mee-chraueeaght ny ashoonyn shoh, ta’n Chiarn er nyn imman magh royd.

Deuteronomy 9:4 ပူးပေါင်းရင်းမြစ်များ

Genesis 15:16

Agh ayns y chiarroo heeloghe hig ad gys shoh reesht: son cha vel mee-chraueeaght ny Amoriteyn foast er jeet gys yn yrjid.

Ezekiel 36:22

Shen-y-fa abbyr rish thie Israel, Myr shoh ta’n Chiarn Jee dy ghra, Cha vel mee jannoo shoh er y ghraih euish, O hie Israel, agh er graih my ennym’s casherick hene, t’er ny oltooan by-chyndagh riuish, mastey ny ashoonee, raad jimmee shiu.

Ezekiel 36:32

Lhig da fys ’ve eu nagh nee er y ghraih euish ta mee jannoo shoh, ta’n Chiarn Jee dy ghra: gow-jee nearey, as bee-jee nyn dhost son ny raaidyn eu hene, O hie Israel.

Leviticus 18:3

Cha n’eiyr shiu er cliaghtaghyn cheer Egypt, raad va shiu cummal; as lurg cliaghtaghyn cheer Chanaan, raad ta mee dy choyrt shiu, cha jean shiu; chamoo nee shiu gimmeeaght lurg nyn oardaghyn.

Romanee 11:20

S’feer eh; v’adsyn brisht jeh kyndagh rish mee-chredjue, as t’ou uss dy hassoo liorish credjue. Ny bee ard-aignagh, agh gow aggle.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

1 Corinthianee 4:4

Son ga nagh voddym coyrt nhee erbee gys my lieh hene, ny-yeih cha vel mee liorish shoh er my heyrey; agh eshyn ta dy my vriwnys yn Chiarn eh.

1 Corinthianee 4:7

Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n-fa t’ou boggyssagh, myr nagh beagh oo er gheddyn eh?

Deuteronomy 12:31

Cha nee myr shoh nee oo rish y Chiarn dty Yee: son dy chooilley pheccah dwoaiagh as feohdoil gys y Chiarn, t’adsyn er n’yannoo gys ny jeeghyn oc: son eer nyn mec as inneenyn t’ad er lostey ’syn aile, gys ny jeeghyn oc.

Deuteronomy 31:27

Son shione dou dty vee-viallys, as dty chreoi-wannallys: cur-my-ner, eer rish my lhing hene, gys y laa t’ayn jiu, ta shiu er ve mee-viallagh da’n Chiarn; as cre-woad smoo eisht lurg my vaase?

Deuteronomy 8:17

As dy jir oo ayns dty chree, My phooar, as niart my laue hene ta er chosney’n verchys shoh dou.

Deuteronomy 9:24

Ta shiu er ve mee-viallagh noi yn Chiarn, er-dyn laa va ainjys aym erriu.

Deuteronomy 9:5

Cha nee son y chairys ayd’s, ny son ynrickys dty chree, t’ou goll dy ghoaill possession jeh’n cheer oc: agh son mee-chraueeaght ny ashoonyn shoh, ta’n Chiarn dty Yee dy nyn eebyrt magh royd, as dy chooilleeney yn goo vreear y Chiarn da dty ayraghyn, Abraham, Isaac, as Jacob.

Deuteronomy 9:7

Cooinee er, as ny jarrood, kys ren oo yn Chiarn dty Yee y vrasnaghey gys jymmoose ’syn aasagh: er-dyn laa daag oo cheer Egypt, derrey haink shiu gys yn ynnyd shoh, ta shiu er ve ayns irree-magh noi yn Chiarn.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er-dy hoshiaght y theihll,