Deuteronomy 9:1 - Yn Vible Casherick 1775 1819

¹ Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,

Deuteronomy 9:1 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Exodus 32:1

Tra honnick y pobble dy row Moses er uirriaght foddey er y clieau, dy haggil y pobble cooidjagh gys Aaron, as dooyrt ad rish, Seose, jean jeeghyn dooin, dy gholl roïn; son mychione yn Moses shoh, yn fer ren leeideil shin magh ass cheer Egypt, cha s’ain cre’n erree t’er jeet er.

Daniel 4:11

Daase y billey, as ve lajer, as va’n yrjid echey roshtyn gys niau, as y chilley echey gys ardjyn sodjey magh y thallooin.

Amos 2:9

Ny-yeih stroie mee yn Amorite kiongoyrt roo, va’n yrjid echey myr yrjid ny cedaryn, as v’eh lajer myr y darragh, ny-yeih hug mee naardey e vess veih heose, as ny fraueyn echey veih heese.

Earrooyn 13:22

As hie ad seose my-yiass, as haink ad gys Hebron; raad va Ahiman, Sheshai, as Talmai mec Anak (nish va Hebron troggit shiaght bleeaney roish Zoan ayns Egypt.)

Earrooyn 33:51

Loayr rish cloan Israel, as abbyr roo, Tra vees shiu er gholl harrish Jordan, ayns cheer Chanaan;

Deuteronomy 1:28

Cre’n-fa hem mayd seose? ta nyn mraaraghyn er choyrt shin ass cree, gra, Ta’n sleih ny s’troshey, as ny s’thollee na shinyn; ta ny ard-valjyn oc mooar as voallit seose gys niau, as ta shin, marish shoh, er vakin ayn mec Anak.

Deuteronomy 11:23

Nee’n Chiarn eisht geiyrt magh reue ooilley ny ashoonee shoh, as ver eh diuish son eiraght ashoonyn ny smoo, as ny s’niartal na shiu hene.

Deuteronomy 11:31

Son hed shiu harrish Jordan dy ghoaill possession jeh’n cheer, ta’n Chiarn y Jee euish dy choyrt diu, as bee eh son eiraght diu, as nee shiu cummal ayn.

Deuteronomy 27:2

As hig eh gy-kione, tra vees shiu er n’gholl harrish Jordan, gys y cheer ta’n Chiarn dty Yee dy choyrt dhyt, dy jean uss soiaghey seose dhyt claghyn mooarey, as ad y phlastrail harrish.

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 4:1

Eaisht nish, O Israel, rish ny slattyssyn, as ny briwnyssyn, ta mee gynsaghey diu, dy chooilleeney ad, dy vod shiu ve beayn, as goll stiagh, as cummal ayns y cheer, ta’n Chiarn Jee nyn ayraghyn dy choyrt diu.

Deuteronomy 4:38

Dy imman magh royd ashoonyn, smoo as ny s’niartal na oo hene, dy choyrt lesh uss stiagh, dy choyrt dhyt’s y cheer oc son eiraght, myr te yn laa jiu.

Deuteronomy 6:10

As erreish da’n Chiarn dty Yee v’er choyrt lesh oo stiagh, gys y cheer vreear eh da dty ayraghyn, da Abraham, Isaac, as Jacob, dy chur dhyt ard-valjyn mooar as aalin, nagh ren uss troggal,

Deuteronomy 7:1

Erreish da’n Chiarn dty Yee v’er choyrt lesh oo stiagh gys y cheer shen ta kiarit dhyt son eiraght, as erreish dhyt v’er n’eiyrt magh royd ymmodee ashoonyn, ny Hittiteyn, as ny Girgashiteyn, as ny Amoriteyn, as ny Canaaniteyn, as ny Perizziteyn as ny Hiviteyn, as ny Jebusiteyn, shiaght ashoonyn ny smoo as ny s’pooaral na oo hene;

Joshua 1:11

Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 14:12

Nish er-y-fa shen, cur dou yn cheer sleitagh shoh, my-e-chione loayr y Chiarn ’sy laa cheddin; (son cheayll oo ayns y laa shen dy row cloan Anak ayns shen, as dy row ny ard-valjyn mooar as fencit:) my she shen dy bee’n Chiarn lhiam, bee’m eisht abyl dy eiyrt magh ad, myr yiall y Chiarn.

Joshua 3:14

As haink eh gy-kione, tra va’n pobble er scughey veih ny cabbaneyn oc, dy gholl harrish Jordan, as ny saggyrtyn gymmyrkey arg y chonaant roish y pobble;

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 3:6

As loayr Joshua rish ny saggyrtyn, gra, Trog-jee seose arg y chonaant, as gow-jee shiuish harrish roish y pobble. As hrog ad arg y chonaant, as jimmee ad roish y pobble.

Joshua 4:19

As haink ooilley yn pobble seose ass Jordan er y jeihoo laa jeh’n chied vee, as hoie ad nyn gamp ayns Gilgal, ayns ardjyn my-hiar Jericho.

Joshua 4:5

As dooyrt Joshua roo, Chyndaa-jee dy tappee gys arg y Chiarn y Jee eu ayns mean Yordan, as trog-jee dagh dooinney eu clagh er e gheaylin, cordail rish earroo tribeyn cloan Israel: