Deuteronomy 8:9 - Yn Vible Casherick 1775 1819

⁹ Cheer, ayn nee oo gee arran gyn genney, raad nagh bee oo feme nhee erbee, cheer ta ny claghyn echey yiarn, as veih ny croink echey foddee oo cleiy prash.

Deuteronomy 8:9 ပူးပေါင်းရင်းမြစ်များ

1 Recortyssyn 22:14

Nish cur-my-ner, ta mish dy deinagh er chiarail son thie’n Chiarn keead talent dy airh, as thousane talent dy argid; as prash, as yiarn erskyn towse; (te erskyn towse) ta mee myrgeddin er gheddyn ro-laue fuygh as claghyn; as foddee uss coyrt huggey.

1 Recortyssyn 22:3

As chiare David ro-laue palchey yiarn dy yannoo treinaghyn son coollaghyn ny giattyn, as son ny jeushanyn; as palchey prash erskyn towse:

Lioar Yob 28:2

Ta yiarn er ny chleiy ass y thalloo, as ta prash er ny lheïe ass y chlagh.

Deuteronomy 33:25

Bee yiarn as prash fo dty chassyn; as myr vees dty laghyn, myr shen bee dty niart.

Deuteronomy 8:10

Erreish dhyt v’er n’ee, as oo ve jeant magh, eisht cur booise da’n Chiarn dty Yee, son y cheer mie t’eh er choyrt dhyt.

Deuteronomy 8:8

Cheer dy churnaght, as oarn, dy viljyn-feeyney, as dy viljyn-figgagh, as pomegranateyn, cheer dy ooil-olive as mill;

Joshua 22:8

As loayr eh roo, gra, Chyndaa-jee gys nyn gummallyn lesh ymmodee berchys, as lesh mooarane maase, lesh argid, as lesh airh, as lesh prash, as lesh yiarn, as lesh palchey coamraghyn: rheynn shiu spooilley nyn noidyn rish nyn mraaraghyn.

Briwnyn 18:10

Tra hed shiu, nee shiu cheet gys pobble nagh vel eïe oc er noidyn, as gys cheer aalin: son ta Jee er choyrt eh gys nyn laueyn; boayl ta messoil ayns dy chooilley nhee t’er y thalloo.