Deuteronomy 8:8 - Yn Vible Casherick 1775 1819

⁸ Cheer dy churnaght, as oarn, dy viljyn-feeyney, as dy viljyn-figgagh, as pomegranateyn, cheer dy ooil-olive as mill;

Deuteronomy 8:8 ပူးပေါင်းရင်းမြစ်များ

Genesis 49:11

Kiangley yn sharragh echey gys y billey-feeyney, as lhiy e assyl gys y reih billey-feeyney; niee eh e choamraghyn ayns feeyn, as e eaddagh ayns fuill ny smeïr-feeyney.

2 Samuel 4:6

As hie ad stiagh ’sy thie, myr dy beagh ad mysh cur lhieu curnagh, as woaill ad eh fo’n wheiggoo asney: as chossyn Rechab as Baanah e vraar ersooyl.

1 Reeaghyn 5:11

As hug Solomon da Hiram feed thousane towse dy churnagh son beaghey da e vooinjer, as feed thousane towse dy ooil ghlen: myr shoh hirveish Solomon Hiram dagh bleïn.

2 Reeaghyn 18:32

Derrey hig-yms as shiuish y ghoaill ersooyl gys cheer goll-rish y cheer eu hene, cheer dy arroo as dy feeyn, cheer dy arran as dy gharaghyn-feeyney, cheer dy ooil-olive as dy vill, dy vod shiu ve bio as gyn baase y gheddyn: as ny cur-jee geill da Hezekiah, tra t’eh cur erriu credjal, gra, Nee’n Chiarn shin y livrey.

Psalmyn 147:14

T’eh jannoo shee ayns dty ardjyn: as dy dty yannoo magh lesh flooyr curnaght.

Psalmyn 81:16

Veagh adsyn va dwoaie oc er y Chiarn er ny gheddyn nyn mreageryn: agh veagh y traa ocsyn er varraghtyn son dy bragh.

Isaiah 7:23

As hig eh gy-kione ’sy laa shen, dy bee dy chooilley ynnyd, raad va thousane billey-feeyney [soit] son thousane shekel, dy bee eh eer fo dressyn as drineyn.

Jeremiah 2:7

As hug mee lhiam shiu stiagh gys cheer messoil, dy ee yn mess as y foays echey: agh tra hie shiu stiagh, ren shiu my heer neu-ghlen, as my eiraght ren shiu dwoaiagh.

Jeremiah 5:17

As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Ezekiel 27:17

Va Judah as thalloo Israel ny marchanyn ayd’s: ren ad dellal ayns dty vargey lesh curnaght Vinnith as Phannag, as mill, as ooil, as balm.

Hosea 2:22

As ver y thalloo clashtyn da’n arroo, as da’n feeyn, as da’n ooil, as ver adsyn clashtyn da Jezreel.

Hosea 2:8

Son cha dug ee geill, dy nee mish hug jee arroo, as feeyn, as ooil, as vishee mee yn argid as yn airh eck, ren ad y vaarail er Baal.

Micah 4:4

Agh nee ad soie dy chooilley ghooinney fo yn villey-feeyney echey hene, as fo yn villey-figgagh echey hene, as cha bee aggle orroo roish noid erbee: son ta beeal Chiarn ny flaunyssee er loayrt eh.

Habakkuk 3:17

Ga nagh der y billey-figgagh magh e vlaa, as nagh bee mess er ny biljyn-feeyney; dy jean foast yn billey-olive failleil, as nagh jean ny magheryn gymmyrkey beaghey: dy bee yn chioltane giarit jeh veih’n woaillee, as nagh bee dew ayns ny bwaneyn:

Earrooyn 13:23

As haink ad gys coan Eshcol, as yiare ad veih shen un vanglane lesh dossan dy verrishyn-feeyney er, as hug ad lhieu eh eddyr jees, er lorg; as hug ad lhieu jeh ny pomegranateyn, as jeh ny figgyn.

Noo Ean 6:13

Er shen ren ad eh y haglym, as lhieen ad daa vaskad jeig lesh fooilliagh ny queig bwilleenyn oarn, va er-mayrn erreish daue v’er n’ee.

Noo Ean 6:9

Ta scollag ayns shoh ta queig bwilleenyn oarn echey, as daa eeast veggey; agh cre t’ad shen mastey whilleen?

Deuteronomy 32:13

Hug eh da dy varkiagh ayns ardjyn s’ooasle y thallooin, dy voddagh eh gee mess ny magheryn, as hug eh da dy hoo mill ass y chreg, as ooil ass y chreg flint.

Deuteronomy 32:14

Eeym ny baa, as bainney keyrragh, lesh meeaylys eayin, as reaghyn jeh dooghys Vashan, as goair, lesh flooyr y churnaght s’glenney, as ren oo giu fuill glen y smeyr-feeyney.

Deuteronomy 6:3

Eaisht er-y-fa shen, O Israel, as gow tastey dy yannoo eh, dy vod oo ve maynrey, as dy vod shiu bishaghey dy mooar, myr ta’n Chiarn Jee dty ayraghyn er yialdyn dhyt, ’sy cheer ta palchey ayns bainney as mill.

Deuteronomy 8:7

Son ta’n Chiarn dty Yee coyrt lesh oo gys cheer mie, cheer dy strooanyn ushtey, dy farraneyn, as diunidyn ta geill ass glionteenyn, as croink;

Deuteronomy 8:9

Cheer, ayn nee oo gee arran gyn genney, raad nagh bee oo feme nhee erbee, cheer ta ny claghyn echey yiarn, as veih ny croink echey foddee oo cleiy prash.