Deuteronomy 8:6 - Yn Vible Casherick 1775 1819

⁶ Nee oo er-y-fa shen freayll annaghyn y Chiarn dty Yee, dy immeeaght ayns e raaidyn, as dy ghoaill aggle roish.

Deuteronomy 8:6 ပူးပေါင်းရင်းမြစ်များ

2 Recortyssyn 6:31

Dy vod ad aggle y ghoaill royd, dy immeeaght ayns dty raaidyn choud as s’bio ad ’sy cheer hug oo da nyn ayraghyn.

Psalmyn 128:1

Bannit t’adsyn ooilley ta goaill aggle roish y Chiarn: as ta gimmeeaght ayns e raaidyn.

Exodus 18:20

As inshee oo daue oardaghyn as leighyn, as nee oo jeeaghyn daue yn raad lhisagh ad y ghoaill, as yn obbyr t’orroo dy yannoo.

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Deuteronomy 8:5

Nee oo myrgeddin goaill gys dty chree, ’naght myr ta dooinney smaghtaghey e vac hene, dy nee myr shen ta’n Chiarn dty Yee dy smaghtaghey uss.

Deuteronomy 8:7

Son ta’n Chiarn dty Yee coyrt lesh oo gys cheer mie, cheer dy strooanyn ushtey, dy farraneyn, as diunidyn ta geill ass glionteenyn, as croink;

1 Samuel 12:24

Ynrycan gow-jee aggle roish y Chiarn, as shirveish-jee eh ayns firrinys lesh ooilley nyn gree: son smooinee-jee cre ny reddyn yindyssagh t’eh er n’yannoo er nyn son.