Deuteronomy 8:5 - Yn Vible Casherick 1775 1819

⁵ Nee oo myrgeddin goaill gys dty chree, ’naght myr ta dooinney smaghtaghey e vac hene, dy nee myr shen ta’n Chiarn dty Yee dy smaghtaghey uss.

Deuteronomy 8:5 ပူးပေါင်းရင်းမြစ်များ

2 Samuel 7:14

Beem’s myr ayr dasyn, as bee eshyn myr mac dooys: my nee eh peccah y yannoo, neem’s smaghtagh eh lesh slatt gheiney, as lesh buillaghyn cloan gheiney:

Psalmyn 89:32

My vrishys ad my lattyssyn, as nagh vreill ad m’annaghyn; neem’s ny foiljyn oc y cherraghey lesh y clatt, as nyn beccah lesh buillaghyn.

Psalmyn 94:12

Bannit yn dooinney t’ou dy smaghtaghey, O Hiarn: as dy ynsaghey ayns dty leigh;

Raaghyn Creeney 13:24

Eshyn ta sparail e chlatt, cha nhynney lesh e vac: agh eshyn shynney lesh eh, t’eh dy smaghtaghey eh ayns traa.

Raaghyn Creeney 3:11

My vac, ny jean uss beg y hoiaghey jeh smaght y Chiarn: as ny bee neu-hurransagh fo’n kerraghey echeysyn.

Raaghyn Creeney 3:12

Son quoi-erbee shynney lesh y Chiarn, t’eh dy smaghtaghey, eer myr ta ayr yn mac, ta e chree goaill boggey jeh.

Ecclesiastes 7:14

Ayns y laa dy vaynrys gow boggey; agh ayns y laa dy heaghyn smooinee ort hene; ta Jee myrgeddin er hoiaghey yn derrey yeh noi’n jeh elley, nagh beagh oyr plaiynt ec dooinney erbee.

Isaiah 1:3

Shione da’n dow yn er s’liesh eh, as yn assyl cratch e vainshtyr: agh cha nhione da Israel mish, cha vel my phobble smooinaghtyn orrym.

Ezekiel 12:3

Shen-y-fa, uss vac y dooinney, fow dty chooid aarloo son arraghey, as jean scughey ’sy laa ayns nyn shilley, as nee oo scughey veih dty ynnyd-vaghee gys ynnyd elley ayns nyn shilley; hoiggal, dy gow ad gys nyn gree eh, ga dy vel ad thie mee-viallagh.

Ezekiel 18:28

Er-yn-oyr dy vel eh smooinaghtyn er hene, as chyndaa veih ooilley e ghrogh-yannoo, t’eh er ny ve cur-rish, bee eh son shickyrys bio, cha vow eh baase.

1 Corinthianee 11:32

Agh tra ta shin er nyn mriwnys, ta shin er nyn smaghtaghey liorish y Chiarn, dy vod mayd gyn ve deyrit marish y seihll.

Deuteronomy 1:31

As ayns yn aasagh, raad honnick oo, dy ren yn Chiarn dty Yee gymmyrkey lhiat, myr ta dooinney gymmyrkey lesh e vac, ayns ooilley’n raad hie shiu, derrey haink shiu gys yn ynnyd shoh.

Deuteronomy 4:23

Bee-jee er nyn dwoaie, er-aggle dy jarrood shiu conaant y Chiarn nyn Yee, ren eh riu, as nagh jean shiu diu hene jalloo grainnit, ny co-chaslys nhee erbee ta’n Chiarn dty Yee er lhiettal dhyt.

Deuteronomy 4:36

Veih niau hug eh ort clashtyn e choraa, dy voddagh eh dty ynsaghey: as er y thalloo hoilshee eh dhyt e aile vooar, as cheayll oo e ghoan ass mean yn aile.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Deuteronomy 8:6

Nee oo er-y-fa shen freayll annaghyn y Chiarn dty Yee, dy immeeaght ayns e raaidyn, as dy ghoaill aggle roish.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.