Deuteronomy 8:3 - Yn Vible Casherick 1775 1819

³ As ren eh dty injillaghey, as lhig eh dhyt dy ve accryssagh, as ren eh beaghey oo lesh manna (red nagh row fys ayd’s ny ec dy ayraghyn cre ve) dy choyrt toiggal dhyt nagh nee er arran ny-lomarcan ta dooinney beaghey, agh liorish cre-erbee ta cheet magh ass beeal y Chiarn ta dooinney beaghey.

Deuteronomy 8:3 ပူးပေါင်းရင်းမြစ်များ

Psalmyn 105:40

Doshil eh yn chreg chloaie, as haink yn ushtey magh myr thooilley: myr shen dy roie awinyn ayns ynnydyn chyrmey.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Noo Mian 4:4

Agh dreggyr eshyn, gra, Te scruit, Cha nee liorish arran ny-lomarcan nee dooinney beaghey, agh liorish dy chooilley ockle ta cheet magh ass beeal Yee.

Noo Luke 4:4

As dreggyr Yeesey eh, gra, Te scruit, Nagh nee er arran ny-lomarcan nee dooinney beaghey, agh liorish ooilley goan Yee.

1 Corinthianee 10:3

As ren ad ooilley gee yn beaghey spyrrydoil cheddin;

Deuteronomy 29:5

As ta mee er leeideil shiu rish da-eed bleïn ayns yn aasagh: cha daase nyn eaddagh shenn erriu, as cha row dty vraag raipit er dty chass.

Deuteronomy 29:6

Cha vel shiu er veaghey er arran, ny er n’iu feeyn, ny jough lajer: dy voddagh fys ’ve eu, dy nee mish y Chiarn nyn Yee.

Deuteronomy 32:47

Son cha nee red fardalagh eh diu: er-yn-oyr dy vel nyn mioys lhie er; son liorish shoh bee ny laghyn eu beayn ’sy cheer, huggey t’ou goll harrish Jordan, dy gheddyn eiraght ayn.

Deuteronomy 9:9

Tra va mee er n’gholl seose er y chronk, dy gheddyn ny buird chloaie, eer buird y chonaant, ren y Chiarn riu, chum mee ’sy chronk da-eed laa as da-eed oie, cha d’ee mee arran, ny cha diu mee ushtey: