Deuteronomy 8:2 - Yn Vible Casherick 1775 1819

² As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.

Deuteronomy 8:2 ပူးပေါင်းရင်းမြစ်များ

Genesis 22:1

As haink eh gy-kione, lurg ny reddyn shoh, dy ren Jee credjue Abraham y phrowal, as dooyrt eh rish Abraham. As dreggyr eh, Cur-my-ner, ta mee ayns shoh.

2 Recortyssyn 32:31

Ny-yeih, ayns cooish princeyn Vabylon, haink er chaghteraght huggey dy vriaght mychione y cowrey mirrilagh va jeant ’sy cheer, daag Jee eh da hene dy phrowal eh, as dy choyrt toiggal da jeh annooinid e chree hene.

2 Recortyssyn 33:12

As tra v’eh ayns seaghyn, ren eh aghin gys y Chiarn e Yee, as ren eh eh-hene y injillaghey dy mooar kiongoyrt rish Jee e ayraghyn.

2 Recortyssyn 33:19

E phadjer myrgeddin, as kys va myghin ec Jee er, as ooilley e pheccah, as e loght, as ny ard-ynnydyn hrog eh, as ny keylljyn, as ny jallooyn grainnit v’echey roish e arrys: cur-my-ner t’ad scruit mastey raaghyn ny ashleyderyn.

Nehemiah 9:19

Foast, cha ren uss ayns ymmodee dty vyghinyn ad y hreigeil ’syn aasagh; cha ren pillar y vodjal troggal voue ’sy laa, dy leeideil ad er y raad, ny’n pillar dy aile ’syn oie, dy chur daue soilshey, as dy gholl er nyn doshiaght.

Lioar Yob 33:17

Dy vod eh dooinney y hyndaa veih peccah as keiltyn moyrn veih dooinney.

Psalmyn 103:2

Bannee yn Chiarn, O m’annym: as ny jarrood ooilley e hoyrtyssyn;

Psalmyn 106:7

Cha dug nyn ayraghyn tastey da dty yindyssyn ayns Egypt, chamoo dreill ad dty vieys vooar ayns cooinaghtyn: agh v’ad mee-viallagh ec yn aarkey, dy jarroo ec y Faarkey Jiarg.

Psalmyn 136:16

Ren e phobble hene y leeideil trooid yn aasagh: son ta e vyghin farraghtyn son dy bragh.

Psalmyn 77:11

Nee’m cooinaghtyn er obbraghyn y Chiarn: as tayrn-ym gys my smooinaghtyn ny yindyssyn ayd’s ayns y chenn earish.

Psalmyn 81:7

Deïe oo orrym ayns seaghyn, as livrey mee oo: as hug mee clashtyn dhyt tra shen huitt y sterrym ort.

Exodus 15:25

As deïe eh er y Chiarn, as ren y Chiarn billey y yeeaghyn da, yn billey cheddin tra v’eh er cheau ’syn ushtey, haink yn ushtey dy ve millish: shen y raad ren eh daue slattys as oardagh, as ayns shen phrow eh ad.

Exodus 16:35

As d’ee cloan Israel manna rish da-eed bleïn, derrey haink ad gys cheer va cummaltee ayn; d’ee ad manna, derrey haink ad gys slystyn cheer Chanaan.

Exodus 16:4

Er shoh dooyrt y Chiarn rish Moses, Cur-my-ner, deayrt-yms neose arran veih niau er nyn son; as hed y pobble magh, as nee ad chaglym wheesh shen dy chooilley laa, dy voddym ad y phrowal, jean ad gimmeeaght ayns my leigh, mannagh jean.

Exodus 20:20

As dooyrt Moses rish y pobble, Ny bee aggle erriu: son ta Jee er heet dy phrowal shiu, as dy vod yn aggle echey ve roish nyn sooillyn, nagh jean shiu peccah.

Raaghyn Creeney 17:3

Myr ta’n coirrey-lheïe son glenney argid, as yn furnace son airh: shen myr ta’n Chiarn prowal ny creeaghyn.

Isaiah 2:17

As bee moyrn dooinney er ny chroymmey, as bee mooaralys deiney currit sheese dy injil; as she yn Chiarn ynrycan syrjey vees ’sy laa cheddin.

Jeremiah 2:6

Chamoo t’ad er ghra, Cre vel y Chiarn hug lesh shin seose ass cheer Egypt, ren leeideil shin trooid yn aasagh; trooid cheer reeastaneagh, as ooiganagh; trooid cheer fowan-loshtee, as scadoo yn vaaish; cheer nagh jagh dooinney rieau ny hrooid, as raad nagh row dooinney erbee cummal?

Ezekiel 20:19

Mish y Chiarn nyn Yee; shooill-jee ayns my lattyssyn, as freill-jee my vriwnyssyn, as jean-jee ad.

Amos 2:10

Myrgeddin hug mee lhiam shiu seose veih thalloo Egypt, as leeid mee shiu da-eed bleïn trooid yn aasagh, dy ghoaill diu hene thalloo yn Amorite.

Earrooyn 14:33

As bee’n chloan eu nyn wagaantee ’syn aasagh da-eed bleïn, as nee ad gymmyrkey yn mee-viallys euish derrey vees ny callinyn eu er n’gholl mow ’syn aasagh.

Noo Luke 18:14

Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh-hene seose, er ny injillaghey; as bee eshyn ta dy injillaghey eh-hene, er ny hoiaghey seose.

Noo Ean 2:25

As nagh row feme echey er unnane erbee dy ymmyrkey feanish jeh dooinney: son va fys echey cre va ayns dooinney.

Deuteronomy 1:3

As haink eh gy-kione, ’sy da-eedoo vleïn, ’syn un vee yeig, er y chied laa jeh’n vee, dy loayr Moses rish cloan Israel, cordail rish ooilley ny va’n Chiarn er choyrt roish son sarey daue.

Deuteronomy 1:33

Hie reue er y raad, dy reih magh ynnyd diu son campal, ayns aile ’syn oie, dy hoilshaghey diu cre’n raad va shiu dy ghoaill, as ayns bodjal ’sy laa.

Deuteronomy 13:3

Cha n’eaisht oo rish goan y phadeyr, ny’n branlaader cheddin: son ta’n Chiarn nyn Yee dy nyn browal, dy hoilshaghey vel graih eu er y Chiarn nyn Yee lesh ooilley nyn gree as lesh ooilley nyn annym.

Deuteronomy 2:7

Son ta’n Chiarn dty Yee er dty vannaghey, ayns ooilley obbraghyn dty laue: shione da dty immeeaght trooid yn aasagh mooar shoh: rish da-eed bleïn nish, ta’n Chiarn dty Yee er ve mayrt, cha r’ou feme nhee erbee.

Deuteronomy 29:5

As ta mee er leeideil shiu rish da-eed bleïn ayns yn aasagh: cha daase nyn eaddagh shenn erriu, as cha row dty vraag raipit er dty chass.

Deuteronomy 32:7

Cooinee er ny shenn earishyn, smooinee er bleeantyn ymmodee sheelogheyn: fênee jeh dty ayr, as inshee eh dhyt; jeh dty henn-ayryn, as soilshee ad dhyt.

Deuteronomy 7:18

Ny bee aggle ort roue: agh cooinee dy mie, cre ren y Chiarn dty Yee rish Pharaoh, as rish ooilley Egypt;

Deuteronomy 8:16

Ren uss y veaghey ayns yn aasagh lesh manna, red nagh row fys ec dty ayraghyn cre ve, dy injillaghey oo, as dy phrowal oo, son y foays ayd ec y jerrey)

Jamys 1:3

Toiggal shoh, dy vel prowal nyn gredjue gobbraghey meenid.

Jamys 4:10

Bee-jee er nyn injillaghey ayns shilley’n Chiarn, as troggee eh shiu seose.

Jamys 4:6

Agh t’eh coyrt ny smoo dy ghrayse: shen-y-fa t’eh gra, Ta Jee cur eddin da ny mooaralee, as coyrt grayse dauesyn ta imlee.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

Briwnyn 2:22

Lioroo dy voddym prowal Israel, jean ad freayll raad yn Chiarn dy immeeaght ayn, myr ren nyn ayraghyn, mannagh jean.

Briwnyn 3:4

As v’ad shoh dy phrowal Israel, jinnagh ad geaishtagh rish annaghyn y Chiarn, doardee eh da ny ayraghyn oc liorish laue Voses.