Son wheesh, er-y-fa shen, as dy vel shiu stampey fo-chosh yn voght, as goaill voish erraghyn dy churnaght; ta shiu er droggal thieyn dy chlaghyn cummit, agh cha jean shiu cummal ayndoo: ta shiu er hoiaghey magh garaghyn-feeyney eunyssagh, agh cha n’iu shiu jeh’n feeyn oc.
Son erreish dou v’er choyrt lhiam ad gys y cheer, vreear mee da nyn ayraghyn, ta palchey ayns bainney as mill; as erreish daue v’er n’ee as er n’yannoo ad hene magh, as er n’aase rouanagh; eisht nee ad chyndaa gys jeeghyn elley, as shirveish ad, as brasnaghey mish, as brishey my chonaant.
Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.
As erreish da’n Chiarn dty Yee v’er choyrt lesh oo stiagh, gys y cheer vreear eh da dty ayraghyn, da Abraham, Isaac, as Jacob, dy chur dhyt ard-valjyn mooar as aalin, nagh ren uss troggal,