Deuteronomy 7:9 - Yn Vible Casherick 1775 1819

⁹ Toig er-y-fa shen, dy nee yn Chiarn dty Yee, yn ynrycan Jee, yn Jee firrinagh, ta cooilleeney conaant, as myghin roosyn ta graihagh er, as freayll e annaghyn, gys thousane sheeloghe;

Deuteronomy 7:9 ပူးပေါင်းရင်းမြစ်များ

Genesis 17:7

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 9:15

As cooin-yms er my chonaant, ta eddyr mish as shiuish, as dy chooilley chretoor bio, jeh dy chooilley eill; as cha jig ny ushtaghyn arragh, dy ve ny hooilley dy stroie dy chooilley eill.

1 Reeaghyn 8:23

As dooyrt eh, Hiarn Yee Israel, cha vel Jee erbee casley rhyt’s ayns niau heose, ny er y thalloo wass, ta freayll conaant as myghin rish dty harvaantyn ta shooyl kiongoyrt rhyt lesh ooilley nyn gree;

1 Recortyssyn 16:15

Cooinee-jee dy kinjagh er e chonaant: yn goo t’eh er harey da thousaneyn dy heelogheyn;

2 Recortyssyn 6:14

As dooyrt eh, O Hiarn Yee Israel, cha vel Jee erbee goll rhyt’s ayns niau, ny er y thalloo; ta freayll conaant, as soilshaghey myghin da dty harvaantyn, ta gimmeeaght kiongoyrt rhyt lesh ooilley nyn gree:

Nehemiah 1:5

As dooyrt mee, Ta mee guee ort, O Hiarn Yee t’ayns niau, yn Jee mooar as atchimagh, ta cooilleeney conaant as myghin ny chour ocsyn ta graihagh er, as freayll e annaghyn.

Nehemiah 9:32

Nish, er-y-fa shen, nyn Yee, yn Jee mooar, niartal as atchimagh, ta freayll conaant as myghin; ny jean uss beg y hoiaghey jeh ooilley ny seaghyn shoh t’er jeet orrin hene, er ny reeaghyn, ny princeyn, ny saggyrtyn, as ny phadeyryn, as ny ayraghyn ain, as er ooilley dty phobble, veih laghyn reeaghyn Assyria, gys y laa shoh.

Psalmyn 103:18

Orroosyn dy jarroo ta freayll e chonaant: as ta smooinaghtyn er e annaghyn dy yannoo ad.

Psalmyn 105:8

T’eh er ny ve kinjagh cooinaghtagh jeh e chonaant as e yialdinyn: ren eh da thousane dy heelogheyn;

Psalmyn 119:75

Ta fys aym, O Hiarn, dy vel dty vriwnyssyn cairagh: as dy vel oo ayns eer ynrickys er choyrt seaghyn orrym.

Psalmyn 146:6

Ta jannoo cairys dauesyn ta surranse aggair: ta beaghey ny accryssee.

Psalmyn 36:6

Ta dty chairys shassoo myr ny sleityn ard: ta dty vriwnyssyn goll-rish y diunid vooar.

Exodus 20:6

As soilshaghey myghin er thousaneyn jeusyn ta graihagh orrym, as freaylley m’annaghyn.

Isaiah 49:7

Myr shoh ta’n Chiarn, Saualtagh Israel, dy ghra, as e Er-casherick, rishyn ta sleih soiaghey beg jeh, rishyn ta dwoaie yn ashoon, rish sharvaant dy ir-reill; Ver reeaghyn my-ner as troggee ad orroo; princeyn myrgeddin, as ver ad ooashley, er graih yn Chiarn, yn Er ynrick, as Jee casherick Israel, as nee eh uss y reih.

Jeremiah 32:18

T’ou soilshaghey kenjallys-ghraihagh da thousaneyn, as cooilleeney mee-chairys ny ayraghyn gys oghrish nyn gloan nyn yeï: yn Jee mooar as niartal, Chiarn ny flaunyssee yn ennym echeysyn,

Dobberan 3:23

T’ad noa dy chooilley voghrey: s’mooar ta dt’ynrickys.

Daniel 9:4

As ghow mee padjer gys y Chiarn my Yee, as ghow mee rish my pheccaghyn, as dooyrt mee, O Hiarn, y Jee mooar as atchimagh, freayll y conaant as myghin ny chour ocsyn ta graihagh er, as nyn gour-syn ta freayll e annaghyn:

Earrooyn 14:18

Ta’n Chiarn foddey-surransagh, as jeh myghin vooar, leih mee-chairys as peccah; as gyn er aght erbee seyrey yn drogh-yantagh, kerraghey mee-chairys ny ayraghyn er y chloan, gys y trass as y chiarroo heeloghe.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Corinthianee 1:9

Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

1 Corinthianee 10:3

As ren ad ooilley gee yn beaghey spyrrydoil cheddin;

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

2 Corinthianee 1:18

Agh myr ta Jee firrinagh, cha row yn goo ain hiuish she as cha nee.

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Deuteronomy 32:4

Eshyn y Chreg, ta e obbraghyn jeant ayns creenaght erskyn earroo: son ta ooilley e raaidyn briwnys: Jee dy ynrickys, as fegooish mee-chairys; kiart as jeeragh t’eh.

Deuteronomy 4:35

Dhyt’s ve er ny hoilshaghey, dy voddagh tushtey ’ve ayd, dy nee’n Chiarn ta Jee; cheu-mooie jeh hene cha vel Jee erbee.

Deuteronomy 4:39

Toig, er-y-fa shen yn laa shoh, as gow gys dty chree, dy vel yn Chiarn ny Yee ayns niau heose, as er y thalloo wass: cha vel Jee erbee elley.

Deuteronomy 5:10

As soilshaghey myghin er thousaneyn, jeusyn ta graihagh orrym, as freaylley m’annaghyn.

1 Thessalonianee 5:24

Firrinagh t’eshyn ta geamagh erriu, nee myrgeddin shen y chooilleeney.

2 Thessalonianee 3:3

Agh ta’n Chiarn firrinagh, nee shiuish y niartaghey, as y reayll veih olk.

2 Timothy 2:13

My ta shin neu-firrinagh [dasyn], ny-yeih t’eshyn tannaghtyn firrinagh; cha vod eh eh-hene y obbal.

Titus 1:2

Ayns treishteil jeh’n vea veayn, ren Jee nagh vod breg y insh, gialdyn roish my row’n seihll er ny chroo;

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 11:11

Trooid credjue hooar Sara ee-hene niart dy ghientyn, as ren ee lhiannoo y ymmyrkey lurg y traa cooie, er-yn-oyr dy row ee jeeaghyn ersyn dy ve firrinagh va er ghialdyn.

Hebrewnee 6:18

Liorish daa red gyn caghlaa, ayndoo ve neu-phossible da Jee dy volley, dy voddagh gerjagh niartal ’ve ainyn, ta er roie son kymmyrk dy ghoaill greme er y treishteil soit kiongoyrt rooin:

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

1 Ean 1:9

My ta shin goaill-rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu-ynrickys.

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.

Briwnyn 5:31

Shen myr lhig da ooilley dty noidyn cherraghtyn, O Hiarn: agh lhig dauesyn ta graihagh ersyn ve myr y ghrian tra te goll magh ayns e niart. As va’n cheer ec shee son da-eed bleïn.