Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Deuteronomy 7:8 - Yn Vible Casherick 1775 1819

8 Agh son dy row eh aigney-mie yn Chiarn dy choyrt graih diu, as dy chooilleeney yn breearrey ren eh da ny ayraghyn eu, ta’n Chiarn er choyrt lesh shiu magh lesh laue niartal, as er livrey shiu ass thie ny bondiaght, veih laue Pharaoh ree Egypt.

အခန်းကိုကြည့်ပါ။ ကော်ပီ




Deuteronomy 7:8
44 ပူးပေါင်းရင်းမြစ်များ  

As choud as v’eh cumrail, haare ny ainleyn greme er e laue, as er laue e ven, as e ghaa inneen; as myr va’n Chiarn myghinagh da, hug ad lhieu magh eh, as hoie ad eh cheu-mooie jeh’n ard-valley.


As haink eh gy-kione, lurg da Jee v’er stroie ard-valjyn yn cheer rea, dy chooinee Jee er Abraham, as hug eh Lot magh ass mean y traartys, tra stroie eh ny ard-valjyn raad va Lot cummal.


Hug eh lesh mee magh neesht gys boayl dy reamys; livrey eh mee, son dy row taitnys echey aynym.


Bannit dy row’n Chiarn dty Yee, ghow taitnys aynyd, dy hoiaghey oo er stoyl-reeoil Israel: er-yn-oyr dy bynney lesh y Chiarn Israel er-dy-rieau, shen-y-fa ren eh ree jeed’s, dy chur briwnys as cairys.


Eer y conaant shen ren eh rish Abraham, as y breearrey hug eh da Isaac:


Bannit dy row’n Chiarn dty Yee, t’er ghoaill taitnys aynyd dy hoiaghey oo er e stoyl-reeoil, dy ve ree son y Chiarn dty Yee: er-yn-oyr dy row dty Yee graihagh er Israel, dy niartaghey lhieu son dy bragh, shen-y-fa t’eh er n’yannoo uss dty ree harrystoo, dy choyrt briwnys as cairys.


As hug eh lesh magh e phobble lesh boggey: as e chloan reiht lesh gennallys;


Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.


Agh dty laue yesh, as dty roih, as soilshey dt’eddin: son dy row aigney-mie ayd daue.


As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.


As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.


Mish y Chiarn dty Yee, hug lhiam uss magh ass thalloo Egypt, ass thie ny bondiaght.


Cooinee er Abraham, Isaac, as Israel dty harvaantyn, daue ren oo breearrey liort hene, as dooyrt oo roo, Neem’s bishaghey yn sluight euish myr rollageyn yn aer, as ooilley’n cheer shoh, ta mee er loayrt jeh, ver-yms da’n sluight eu, as bee eh nyn eiraght foddey beayn.


Shen-y-fa, abbyr rish cloan Israel, Mish y Chiarn, as ver-ym lhiam shiu magh veih fo errey ny Egyptianee, as livrey-ym shiu veih’n bondiaght oc: as lesh roih sheeynt magh, as lesh briwnyssyn trome, ver-ym feaysley diu.


Neayr’s v’ou deyr ayns my hilley t’ou er ve onnoroil, as va graih aym ort: shen-y-fa ver-ym deiney ayns coonrey er dty hon, as sleih son dty vioys.


Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.


Hoilshee yn Chiarn eh-hene dooys foddey er-dy-henney, gra, Eer lesh graih kinjagh ta mee er ny ve graihagh ort; shen-y-fa lesh my chenjallys-ghraihagh ta mee er dty hayrn.


Shen-y-fa abbyr rish thie Israel, Myr shoh ta’n Chiarn Jee dy ghra, Cha vel mee jannoo shoh er y ghraih euish, O hie Israel, agh er graih my ennym’s casherick hene, t’er ny oltooan by-chyndagh riuish, mastey ny ashoonee, raad jimmee shiu.


Son hug mee lhiam oo seose ass cheer Egypt, as ren mee oo y livrey ass thie ny bondiaght, as hug mee oo fo laue Voses, Aaron, as Miriam.


Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.


Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.


Va graih aym erriu, ta’n Chiarn dy ghra; foast ta shiu gra, Cre’n ghraih v’ayd orrin? nagh row Esau braar Yacob? ta’n Chiarn dy ghra; ny-yeih bynney lhiam Jacob;


Shen dy jarroo myr te, Ayr, son shen myr ve mie ayns dty hilley’s.


(Myr loayr eh rish nyn shenn-ayryn, rish Abraham as e luight) er son dy bragh.


As mychione y sushtal, she noidyn ad er y ghraih euish: agh liorish dy row ad reiht, ta graih er ny choyrt daue er coontey nyn ayraghyn.


Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.


Ny-yeih, ghow yn Chiarn taitnys ayns dty ayraghyn, dy choyrt graih daue, as reih eh yn sluight oc nyn lurg, eer shiu hene, erskyn dy chooilley phobble, myr te gys y laa jiu.


Cha jean oo shirrey yn shee oc ny’n foays oc ’chur er y hoshiaght ooilley laghyn dty vea, son dy bragh.


V’eh graihagh er e phobble; ta ooilley e nooghyn ayns dty laue: as hoie ad sheese ec dty chassyn; nee ad ooilley goaill-rish dty ghoan.


Agh ta’n Chiarn er ghoaill shiu, as er choyrt lesh shiu magh ass y choirrey yiarn, dy jarroo ass Egypt, dy ve son pobble dy eiraght da hene, myr ta shiu yn laa jiu.


Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?


As son dy bynney lesh dty ayraghyn, er-y-fa shen ren eh reih nyn sluight nyn yeï, as hug eh lesh oo fo e reill hene, lesh pooar niartal, magh ass Egypt:


Mish y Chiarn dty Yee, hug lhiam magh oo ass cheer Egypt, veih thie ny bondiaght.


Ta graih ain ersyn, er-yn-oyr dy dug eshyn hoshiaght graih dooin.


Son cha jean y Chiarn treigeil e phobble er graih e ennym mooar hene; son dy s’gooidsave lesh y Chiarn dy yannoo shiu e phobble.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ