Deuteronomy 7:7 - Yn Vible Casherick 1775 1819

⁷ Cha nee son dy row shiuish ny shlee ayns earroo, dy hoie yn Chiarn e ghraih erriu, ny dy ren eh nyn reih (son va shiuish yn ashoon by-loo jeh dy chooilley ashoon)

Deuteronomy 7:7 ပူးပေါင်းရင်းမြစ်များ

1 Recortyssyn 16:19

Tra nagh row shiu agh beggan, eer beggan beg, as joarreeyn ayn;

Psalmyn 105:12

Tra nagh row ad foast agh beggan jeu: as adsyn nyn yoarreeyn ayns y cheer;

Psalmyn 105:6

O shiuish sluight Abraham e harvaant: shiuish chloan Yacob t’eh er reih.

Psalmyn 115:1

Cha nee dooinyn, O Hiarn, cha nee dooinyn, agh da dt’Ennym cur yn moylley: son dty vyghin ghraihagh, as er coontey dt’ynrickys.

Psalmyn 44:3

Son cha dooar ad y cheer ayns nyn gummal liorish y chliwe oc hene: chamoo she’n roih oc hene ren cooney lhieu.

Isaiah 51:2

Jeeagh-jee gys Abraham nyn ayr, as gys Sarah ren shiu y ymmyrkey: son deïe mee ersyn ny-lomarcan, as vannee mee eh, as ren mee eshyn y vishaghey.

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Ezekiel 20:5

As abbyr roo, Myr shoh ta’n Chiarn Jee dy ghra, Er y laa reih mee Israel, as hrog mee seose my laue gys sluight thie Yacob, as hoilshee mee mee-hene daue ayns cheer Egypt, tra hrog mee seose my laue huc, gra, Mish y Chiarn nyn Yee,

Ezekiel 36:22

Shen-y-fa abbyr rish thie Israel, Myr shoh ta’n Chiarn Jee dy ghra, Cha vel mee jannoo shoh er y ghraih euish, O hie Israel, agh er graih my ennym’s casherick hene, t’er ny oltooan by-chyndagh riuish, mastey ny ashoonee, raad jimmee shiu.

Noo Mian 7:14

Er-yn-oyr dy nee chion ta’n giat, as coon ta’n raad ta leeideil gys bea, as s’tiark ad ta dy haaghey eh.

Noo Luke 12:32

Ny gow-jee aggle my hioltane veg; son she aigney-mie nyn Ayr eh; dy chur diuish yn reeriaght.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

Romanee 9:18

Shen-y-fa t’eh myghinagh, dasyn saillish ve myghinagh, as eshyn saillish, t’eh dy chreoghey.

Romanee 9:21

Nagh vel pooar ec y pasheyder harrish y chray, dy yannoo jeh’n un stoo saagh gys ymmyd ooasle, as saagh elley gys ymmyd mee-ooasle?

Deuteronomy 1:10

Ta’n Chiarn nyn Yee er vishaghey shiu, as cur-my-ner, ta shiu yn laa jiu, myr rollageyn yn aer ayns earroo.

Deuteronomy 10:22

Hie dty ayraghyn sheese gys Egypt lesh three-feed as jeih persoonyn, as nish ta’n Chiarn dty Yee er dty vishaghey myr rollageyn yn aer ayns earroo.

Deuteronomy 14:2

Son pobble casherick oo gys y Chiarn dty Yee, as ta’n Chiarn er ghoaill oo son pobble reiht da hene, erskyn dy chooilley ashoon t’er y thalloo.

Deuteronomy 4:37

As son dy bynney lesh dty ayraghyn, er-y-fa shen ren eh reih nyn sluight nyn yeï, as hug eh lesh oo fo e reill hene, lesh pooar niartal, magh ass Egypt:

1 Ean 3:1

Cur-my-ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen-y-fa cha vel enney ec y theihll orrin, er-y-fa nagh row enney echey ersyn.

1 Ean 4:10

Ayns shoh ta graih, cha nee dy dug shin graih da Jee, agh dy dug eshyn graih dooin, as dy ren eh e Vac y choyrt dy ve lhiassaghey son nyn beccaghyn.