Deuteronomy 7:6 - Yn Vible Casherick 1775 1819

⁶ Son pobble casherick shiuish gys y Chiarn nyn Yee: ta’n Chiarn nyn Yee er reih shiu dy ve ny phobble er-lheh da hene, erskyn dy chooilley ashoon t’er feaï-ny-cruinney.

Deuteronomy 7:6 ပူးပေါင်းရင်းမြစ်များ

1 Reeaghyn 3:8

As ta dty harvaant ayns mean dty phobble t’ou er reih; pobble mooar nagh vod ve er nyn earroo, ny coontit, t’ad whilleen.

Ezra 9:2

Son t’ad er n’ghoaill ny inneenyn oc daue hene, as da nyn mec, myr shen dy vel y sluight casherick er nyn lhiantyn gys pobble ny cheeraghyn shen; dy jarroo, ta eer ny princeyn, as ny fir-reill er n’ghoaill y raad ayns y drogh chooish shoh.

Psalmyn 114:2

Va Judah e ynnyd casherick: as Israel e reeriaght.

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Psalmyn 50:5

Chaggle-jee my nooghyn cooidjagh hym’s: ad shen ta er n’yannoo conaant rhym lesh oural;

Exodus 6:7

As goym shiu son pobble dou hene, as beem’s my Yee diuish: as bee fys eu, dy nee mish y Chiarn y Jee euish, ta coyrt livrey-ys diu veih bondiaght ny Egyptianee.

Isaiah 41:8

Agh t’ou uss Israel, my harvaant, Jacob ta mee er reih, sluight Abraham my charrey.

Isaiah 41:9

Uss ta mee er ghoaill veih slystyn cheer foddey, as er dty reih veih mastey ny ard-gheiney echey, as dooyrt mee rhyt, T’ou uss my harvaant, ta mee er dty reih, as cha treig-ym oo.

Isaiah 6:13

Agh ga dy bee yn jeihoo ayrn jeu faagit, as dy jean ad chyndaa, bee ad shen son spooilley: myr bun billey-unjin ny darragh, ta’n soo oc ayndoo, tra t’ad tilgey nyn ghuillagyn, shen myr vees yn sluight chrauee ayns y bun echey.

Isaiah 62:12

As bee ad enmyssit Yn pobble casherick, Cloan chionnit y Chiarn: as bee uss enmyssit Ennoil, Yn ard-valley nagh vel treigit.

Jeremiah 2:3

Va Israel casherickys gys y Chiarn, as yn chied-vess jeh e vishaghey: adsyn ooilley ta dy stroie eh, bee ad foiljagh; hig olk orroo shen, ta’n Chiarn dy ghra.

Ezekiel 20:5

As abbyr roo, Myr shoh ta’n Chiarn Jee dy ghra, Er y laa reih mee Israel, as hrog mee seose my laue gys sluight thie Yacob, as hoilshee mee mee-hene daue ayns cheer Egypt, tra hrog mee seose my laue huc, gra, Mish y Chiarn nyn Yee,

Leviticus 20:24

Agh ta mee er ghra riu, Nee shiu yn cheer oc y ghoaill son eiraght, as diuish ver-yms eh dy ghoaill eh diu hene; cheer ta palchey ayns bainney as mill: Mish y Chiarn y Jee eu, ta er scarrey shiu veih dy chooilley phobble elley.

Leviticus 20:26

As bee shiu casherick dooys: son mish y Chiarn, ta casherick, as er scarrey shiu veih dy chooilley phobble elley, dy vod shiu ve lhiam pene.

Amos 3:2

Shiuish ny-lomarcan ta mee er reih jeh ooilley kynneeyn y thallooin: shen-y-fa nee’m shiu y cherraghey son ooilley nyn mee-chraueeaght.

Malachi 3:17

As bee ad lhiam’s, ta’n Chiarn, Jee ny flaunyssee, dy ghra, er y laa ta mee jannoo seose my chooid chostal, as beem’s erreeishagh daue, myr ta dooinney erreeishagh da e vac, ta shirveish eh.

Jannoo 13:17

Ren Jee yn pobble shoh Israel ny ayraghyn ain y reih, as soiaghey mooar jeh’n pobble tra v’ad er nyn yoarreeaght ayns cheer Egypt, as lesh laue niartal hug eh lesh ad magh ass Egypt.

Romanee 9:4

Ta nyn Israeliteyn; dauesyn ta bentyn yn doltanys, as y ghloyr, as ny conaantyn, as coyrt y leigh, as shirveish Yee, as ny gialdynyn;

Deuteronomy 14:2

Son pobble casherick oo gys y Chiarn dty Yee, as ta’n Chiarn er ghoaill oo son pobble reiht da hene, erskyn dy chooilley ashoon t’er y thalloo.

Deuteronomy 14:21

Cha jean shiu gee red erbee ta geddyn baase jeh hene: shen ver shiu da’n joarree t’er cheu-sthie jeh dty yiattyn, dy yannoo ymmyd jeh, ny foddee oo creck eh rish joarree: son t’ou uss dty phobble casherick da’n Chiarn dty Yee. Cha jean oo broie yn mannan ayns bainney e vayrey.

Deuteronomy 26:18

As ta’n Chiarn er ghoaill rhyt’s jiu, dy ve yn pobble reiht echey hene, myr yiall eh dhyt, as dy vreillagh oo ooilley e oardaghyn:

Deuteronomy 26:19

As dy hoiaghey oo seose, erskyn ooilley ny ashoonyn t’eh er chroo, ayns moylley, as ayns ennym, as ayns ooashley, dy vod oo ve ny phobble casherick da’n Chiarn dty Yee, myr t’eh er loayrt.

Deuteronomy 28:9

Nee’n Chiarn dty niartaghey son pobble casherick da hene, myr t’eh er vreearrey, my reayllys oo annaghyn y Chiarn dty Yee, as gimmeeaght ayns e raaidyn.

Deuteronomy 33:3

V’eh graihagh er e phobble; ta ooilley e nooghyn ayns dty laue: as hoie ad sheese ec dty chassyn; nee ad ooilley goaill-rish dty ghoan.

Deuteronomy 4:20

Agh ta’n Chiarn er ghoaill shiu, as er choyrt lesh shiu magh ass y choirrey yiarn, dy jarroo ass Egypt, dy ve son pobble dy eiraght da hene, myr ta shiu yn laa jiu.

Deuteronomy 4:37

As son dy bynney lesh dty ayraghyn, er-y-fa shen ren eh reih nyn sluight nyn yeï, as hug eh lesh oo fo e reill hene, lesh pooar niartal, magh ass Egypt:

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

2 Peddyr 2:5

As nagh ren sparail y chenn seihll, agh haue eh Noah yn hoghtoo phersoon, preachoor dy chairys, coyrt lesh y thooilley er y seihll dy vee-chrauee;

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey:

1 Samuel 12:22

Son cha jean y Chiarn treigeil e phobble er graih e ennym mooar hene; son dy s’gooidsave lesh y Chiarn dy yannoo shiu e phobble.