Deuteronomy 7:5 - Yn Vible Casherick 1775 1819

⁵ Agh shoh myr nee shiu dellal roo; nee shiu nyn altaryn y stroie, as ny jallooyn oc y lhieggal, as ny keylljyn oc y yiarey sheese, as ny jallooyn grainnit oc y lostey lesh aile.

Deuteronomy 7:5 ပူးပေါင်းရင်းမြစ်များ

2 Reeaghyn 10:26

As hug ad lhieu magh ny jallooyn ass thie Vaal, as ren ad lostey ad.

1 Recortyssyn 14:12

As myr daag ad nyn yeeghyn ayns shen er sarey Ghavid, v’ad losht ’syn aile.

2 Recortyssyn 14:3

Son ghow eh ersooyl altaryn ny jeeghyn quaagh, as ny ard-ynnydyn, as vrish eh sheese ny jallooyn, as yiare eh sheese ny keylljyn oc.

Exodus 23:24

Cha jean oo croymmey sheese gys ny jeeghyn oc, ny shirveish ad, ny jannoo lurg nyn obbraghyn, agh nee oo stroie ad dy bollagh, as slane brishey ny jallooyn oc.

Exodus 32:20

As ghow eh yn lheiy v’ad er n’yannoo, as lheïe eh ’syn aile eh, as veihll eh gys joan eh, as spreih eh eh er yn ushtey, as hug eh er cloan Israel giu jeh.

Exodus 34:13

Agh nee shiu stroie ny altaryn oc, brishey ny jallooyn, as giarey sheese ny biljyn foue v’ad coyrt ooashley.

Isaiah 17:8

Cha der eh geill da ny altaryn, obbyr e laueyn hene, chamoo nee eh soiaghey jeh shen ta e veïr hene er n’yannoo, edyr ny keylljyn, ny ny jallooyn grianagh.

Leviticus 26:1

Cha jean shiu diu hene jallooyn, ny jeeghyn grainnit; ny troggal diu hene pillar, ny soiaghey seose clagh-hoit ayns y cheer eu, dy chroymmey sheese huggey: son mish y Chiarn y Jee eu.

Earrooyn 33:52

Eisht nee shiu geiyrt magh ooilley cummaltee yn cheer veih kiongoyrt riu, as stroie ooilley caslyssyn ny jeeghyn oc, as ooilley ny jallooyn lheït, as dy bollagh skaa sheese ooilley ny ynnydyn ard oc.

Deuteronomy 16:21

Cha jean oo soiaghey keyll dy viljyn erbee er-gerrey da altar yn Chiarn dty Yee, nee oo y yannoo dhyt hene.

Deuteronomy 16:22

Chamoo ver oo seose jalloo erbee, red ta feoh ec y Chiarn dty Yee er.

Deuteronomy 7:25

Jallooyn grainnit ny jeeghyn oc nee shiu lostey lesh aile; cha der oo saynt da’n argid ny yn airh t’orroo, dy ghoaill eh dhyt hene, er-aggle dy bee oo er dty hayrn ayns ribbeh liorish: son te feohdoil da’n Chiarn dty Yee.

Deuteronomy 9:21

As y peccah eu, eer y lheiy va shiu er n’yannoo, ren mee y ghoaill, as losht mee eh lesh aile, as vroo mee eh, as ren mee eh y vlieh feer vyn, derrey ve eer cha meein as joan: as cheau mee yn joan echey ’sy trooan ta roie veih’n chronk.