Deuteronomy 7:4 - Yn Vible Casherick 1775 1819

⁴ Son cleaynee ad dty vac voym’s, dy hirveish jeeghyn joarree: myr shoh vees corree yn Chiarn er ny oaddey nyn ’oï, as stroie eh shiu doaltattym.

Deuteronomy 7:4 ပူးပေါင်းရင်းမြစ်များ

1 Reeaghyn 16:31

As haink eh gy-kione, myr nagh beagh eh agh red fardalagh dasyn dy hooyl ayns peccaghyn Yeroboam mac Nebat, dy ghow eh son ben Jezebel inneen Ethbaal ree ny Zidonianee, as hie eh as hirveish eh Baal, as hug eh ooashley da.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Exodus 34:16

As dy gow uss ny inneenyn ocsyn da ny mec ayd, as dy jed ny inneenyn ocsyn er-shaghryn lurg ny jeeghyn oc hene, as dy der ad er dty vec goll er-shaghryn lurg ny jeeghyn ocsyn.

Deuteronomy 20:18

Nagh n’ynsee ad oo dy yannoo lurg ooilley ny cliaghtaghyn eajee oc, t’ad er n’yannoo gys ny jeeghyn oc hene, as shiu myr shoh dy yannoo peccah noi’n Chiarn y Jee eu.

Deuteronomy 4:26

Ta mee geamagh er niau as thalloo son feanish nyn ’oï yn laa jiu, dy jed shiu dy leah, as dy bollagh naardey veih’n cheer, raad ta shiu goll harrish Jordan, dy ghoaill possession jeh: cha bee nyn laghyn foddey beayn ayn, agh bee shiu dy bollagh er nyn stroie.

Deuteronomy 6:15

(Son ta’n Chiarn dty Yee, ny Yee eadolagh ny mast’ eu) er-aggle dy bee corree yn Chiarn er ny vrasnaghey dt’oï, as dy jean eh dty stroie veih eaghtyr y thallooin.

Joshua 22:15

As haink ad gys cloan Reuben, as gys cloan Ghad, as gys lieh-tribe Vanasseh, ayns cheer Ghilead, as loayr ad roo, gra,

Joshua 23:12

Agh my nee shiu er aght erbee coyrt cooyl, as lhiantyn rish fooilliagh ny ashoonyn shoh, ta foast ny mast’ eu, as my nee shiu poosaghyn roo, as jannoo cleunys roosyn, ny adsyn riuish;

Briwnyn 2:11

As ren cloan Israel peccah ayns shilley’n Chiarn, as hirveish ad Baalim:

Briwnyn 2:20

As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

Briwnyn 3:6

As ghow ad ny inneenyn oc dy ve son mraane daue, as hug ad ny inneenyn oc hene da ny mec ocsyn, as hirveish ad ny jeeghyn oc.