Deuteronomy 7:2 - Yn Vible Casherick 1775 1819

² As erreish da’n Chiarn v’er livrey ad dhyt: nee oo nyn mwoalley, as nyn stroie dy bollagh, cha jean oo conaant erbee roo, ny myghin y hoilshaghey daue:

Deuteronomy 7:2 ပူးပေါင်းရင်းမြစ်များ

Genesis 14:20

As bannit dy row yn Jee smoo syrjey, ta er livrey dty noidyn gys dty phooar. As hug eh jaghee da jeh ooilley e spooilley.

2 Samuel 21:2

As deïe’n ree er ny Gibeoniteyn, as dooyrt eh roo; (nish cha row ny Gibeoniteyn jeh cloan Israel, agh jeh fooilliagh ny Amoriteyn; as va cloan Israel er vreearrey daue; as ve ayns aigney Saul dy stroie ad ayns e yeeanid da cloan Israel as Yudah;)

1 Reeaghyn 20:34

As dooyrt Ben-hadad rish, Ny ard-valjyn ghow my ayr’s veih’n ayr ayd’s livrey-yms seose hood reesht; as nee oo straidyn dhyt hene ayns Damascus, myr ren my ayr’s ayns Samaria. Eisht dooyrt Ahab, Er y chonaant shoh lhig-ym y raad dhyt. Myr shoh ren eh conaant rish, as lhig eh yn raad da.

Ezra 10:3

Nish er-y-fa shen, lhig dooin conaant y yannoo rish y Jee ain, dy chur ersooyl ooilley ny mraane, as y chloan ta ruggit jeu, cordail rish coyrle my hiarn, as y choyrle ocsyn t’er-creau ec sarey’n Jee ain: as lhig da ve jeant cordail rish y leigh.

Psalmyn 106:34

Chamoo stroie ad ny ashoonyn: myr ren y Chiarn ad y harey.

Exodus 22:20

Quoi-erbee hebbys oural da jee erbee, agh da’n Chiarn ny-lomarcan, bee eh stroit gyn vyghin.

Earrooyn 21:2

As ren Israel breearrey gys y Chiarn, as dooyrt ad, My nee uss dy jarroo livrey yn pobble shoh gys my laue, eisht stroie-ym dy bollagh ny ard-valjyn oc.

Earrooyn 31:17

Nish er-y-fa shen, marr-jee dy chooilley lhiannoo-mac mastey’n chloan, as marr-jee dy chooilley ven ta er lhie marish dooinney [dy chleayney eh gys jalloonys].

Earrooyn 33:52

Eisht nee shiu geiyrt magh ooilley cummaltee yn cheer veih kiongoyrt riu, as stroie ooilley caslyssyn ny jeeghyn oc, as ooilley ny jallooyn lheït, as dy bollagh skaa sheese ooilley ny ynnydyn ard oc.

Deuteronomy 13:8

Cha jed oo mârish, ny geaishtagh rish; chamoo vees chymmey ec dty hooill er, chamoo nee oo sparail eh, chamoo nee oo keiltyn eh:

Deuteronomy 13:9

Agh ver oo, son shickyrys, dy baase eh; dty laue hene vees hoshiaght er, dy choyrt eh gy-baase, as eisht laue ooilley yn pobble.

Deuteronomy 19:13

Cha bee chymmey ec dty hooill er, agh ver oo ersooyl loght fuill neu-chyndagh veih Israel, dy vod eh ve mie mayrt.

Deuteronomy 2:33

As ren y Chiarn nyn Yee y livrey eh hooin, as stroie shin eh, as e vec, as ooilley e gheiney.

Deuteronomy 2:34

As ghow shin ooilley e ard-valjyn ec y traa cheddin, as stroie shin dy bollagh ny deiney, as ny mraane, as cloan veggey dy chooilley ard-valley; cha daag shin veg er-mayrn:

Deuteronomy 23:14

Son ta’n Chiarn dty Yee gimmeeaght ayns mean dty champ, dy livrey oo, as dy chur dty noidyn fo-chosh royd: shen-y-fa vees dty champ casherick, nagh vaik eh red erbee neu-ghlen aynyd, as chyndaa ersooyl voïd.

Deuteronomy 25:12

Bee e laue er ny yiarey j’ee, cha bee chymmey ec dty hooill urree.

Deuteronomy 3:3

Myr shoh ren y Chiarn nyn Yee rish Og ree Vashan myrgeddin, as ooilley e phobble y livrey gys nyn laue: as woaill shin eh, derrey nagh daag shin veg er-mayrn.

Deuteronomy 31:5

As nee’n Chiarn ad y livrey seose diu, dy vod shiu jannoo roo, cordail rish ooilley ny ta mee er harey diu.

Deuteronomy 33:27

Ta’n Jee t’er ve er-dy-rieau dty chemmyrk, as ta e roihaghyn dy bragh farraghtyn dy dty ymmyrkey: as eiyree eh magh yn noid kiongoyrt rhyt, as gra, Stroie ad.

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

Deuteronomy 9:3

Toig er-y-fa shen, yn laa jiu, dy nee yn Chiarn dty Yee eh ta goll royd myr aile ta coyrt mow: nee eh ad y stroie, as nyn lhieggal kiongoyrt rhyt: myr shoh nee oo nyn eebyrt magh, as stroie ad dy bollagh, myr ta’n Chiarn er ghra rhyt.

Joshua 10:28

Ec y traa cheddin ghow Joshua Makkedah, as woaill eh eh lesh foyr y chliwe, as stroie eh dy bollagh yn ree echey, as ooilley ny cummaltee v’ayn; cha daag eh veg er-mayrn: as ren eh rish ree Makkedah myr ren eh rish ree Yericho.

Joshua 10:30

As livrey yn Chiarn eh myrgeddin, as y ree echey, gys laue Israel; as woaill eh eh lesh foyr y chliwe, as ooilley ny cummaltee v’ayn; cha daag eh veg bio ayn; agh ren eh rish y ree echey, myr ren eh rish ree Yericho.

Joshua 10:32

As livrey yn Chiarn Lachish gys laue Israel, ghow eh er yn nah laa, as woaill ad eh lesh foyr y chliwe, as ooilley ny cummaltee v’ayn, cordail rish ooilley v’eh er n’yannoo rish Libnah.

Joshua 10:40

Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 10:42

As ooilley ny reeaghyn shoh as nyn gheer ren Joshua ’ghoaill mysh yn un traa; son dy ren y Chiarn Jee Israel caggey ayns lieh Israel.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Joshua 21:44

As hug y Chiarn daue shee er dy chooilley heu, cordail rish bree yn loo ren eh da ny ayraghyn oc: as cha hass dooinney jeh ooilley nyn noidyn kiongoyrt roo; livrey’n Chiarn ooilley nyn noidyn gys nyn laue.

Joshua 8:24

As haink eh gy-kione tra va Israel erreish stroie ooilley cummaltee Ai, ’sy vagher, ’syn aasagh raad v’ad er n’eiyrt ad, as tra v’ad ooilley er duittym lesh foyr y chliwe, derrey v’ad ooilley er nyn stroie, dy ren ooilley ny Israeliteyn chyndaa gys Ai, as woaill ad eh lesh foyr y chliwe.

Joshua 9:24

As dreggyr ad Joshua, as dooyrt ad, Son dy row eh er ny insh da dty harvaantyn son firrinys, dy row yn Chiarn dty Yee er harey e harvaant Moses dy choyrt diuish ooilley’n cheer shoh, as dy stroie dy bollagh ooilley cummaltee ny cheerey, shoh’n oyr va shin ayns aggle baaish reue, as shoh ta shin er n’yannoo.

Joshua 9:7

As dooyrt ard-gheiney Israel rish ny Hiviteyn, Foddee dy vel shiuish cummaltee yn cheer shoh; as kys oddys mayd coardail ’yannoo riu?

Briwnyn 1:24

As honnick ny scrialtee dooinney cheet ass yn ard-valley; as dooyrt ad rish, Jeeagh dooin, ta shin guee ort, yn raad sassey dy chosney stiagh ’syn ard-valley, as bee mayd foayroil dhyt’s.

Briwnyn 1:4

As hie Judah seose; as ren y Chiarn livrey ny Canaaniteyn as ny Perizziteyn gys nyn laueyn; as varr ad jeu ayns Bezek jeih thousane dooinney.

Briwnyn 2:2

As cha jean shiu coardail erbee rish cummaltee yn cheer shoh; nee shiu ny altaryn oc y lhieggal: agh cha vel shiu er ve biallagh gys my choraa: cre’n-fa ta shiu er n’yannoo shoh?