Deuteronomy 7:14 - Yn Vible Casherick 1775 1819

¹⁴ Bee oo bannit erskyn dy chooilley ashoon: cha bee edyr fyrrynagh ny bwoirrinagh gennish ny mast’ eu hene, ny mastey nyn maase.

Deuteronomy 7:14 ပူးပေါင်းရင်းမြစ်များ

Psalmyn 107:38

T’eh dy nyn mannaghey ad, dy vel ad bishaghey erskyn towse: as cha vel eh surranse da’n maase oc dy ve ny sloo ayns earroo.

Psalmyn 115:15

Shiuish ta cloan bannit y Chiarn: chroo niau as y thalloo.

Psalmyn 127:3

Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

Leviticus 26:9

Son neem’s soiaghey jiuish, as jannoo shiu messoil, as bishaghey shiu, as niartaghey my chonaant riu.

Earrooyn 22:12

As dooyrt Jee rish Balaam, Cha jed oo mâroo, cha der oo mollaght er y pobble: son t’ad bannit.

Deuteronomy 28:11

As nee’n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

Deuteronomy 28:4

Bannit vees sluight dty chorp, as mess dty hallooin, as ingan dty vaase, as dty ollagh, as dty hioltaneyn keyrragh.

Deuteronomy 30:9

As nee’n Chiarn oo y vishaghey ayns ooilley obbraghyn dty laue, ayns sluight dty chorp, ayns ingan dty vaase, as ayns dty vess hallooin son dty vie: son nee’n Chiarn boggey ’ghoaill jeed reesht, son foays dhyt, myr ghow eh boggey jeh dty ayraghyn:

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.